বিদুর উবাচ:
দ্যূতং মূলং কলহস্যানুপাতি; মিথোভেদায় মহতে বা রণায় |
১ ক
বিদুর উবাচ:
যদাস্থিতোঽয়ং ধৃতরাষ্ট্রস্য পুত্রো; দুর্যোধনঃ সৃজতে বৈরমুগ্রম্ ||
১ খ
বিদুর উবাচ:
প্রাতিপীয়াঃ শান্তনবা ভৈমসেনাঃ সবাহ্লিকাঃ |
২ ক
বিদুর উবাচ:
দুর্যোধনাপরাধেন কৃচ্ছ্রং প্রাপ্স্যন্তি সর্বশঃ ||
২ খ
বিদুর উবাচ:
দুর্যোধনো মদেনৈব ক্ষেমং রাষ্ট্রাদপোহতি |
৩ ক
বিদুর উবাচ:
বিষাণং গৌরিব মদাৎস্বয়মারুজতে বলাৎ ||
৩ খ
বিদুর উবাচ:
যশ্চিত্তমন্বেতি পরস্য রাজ; ন্বীরঃ কবিঃ স্বামতিপত্য দৃষ্টিম্ |
৪ ক
বিদুর উবাচ:
নাবং সমুদ্র ইব বালনেত্রা; মারুহ্য ঘোরে ব্যসনে নিমজ্জেৎ ||
৪ খ
বিদুর উবাচ:
দুর্যোধনো গ্লহতে পাণ্ডবেন; প্রিয়ায়সে ত্বং জয়তীতি তচ্চ |
৫ ক
বিদুর উবাচ:
অতিনর্মাজ্জায়তে সম্প্রহারো; যতো বিনাশঃ সমুপৈতি পুংসাম্ ||
৫ খ
বিদুর উবাচ:
আকর্ষস্তেঽবাক্ফলঃ কুপ্রণীতো; হৃদি প্রৌঢো মন্ত্রপদঃ সমাধিঃ |
৬ ক
বিদুর উবাচ:
যুধিষ্ঠিরেণ সফলঃ সংস্তবোঽস্তু; সাম্নঃ সুরিক্তোঽরিমতেঃ সুধন্বা ||
৬ খ
বিদুর উবাচ:
প্রাতিপীয়াঃ শান্তনবাশ্চ রাজ; ন্কাব্যাং বাচং শৃণুত মাত্যগাদ্বঃ |
৭ ক
বিদুর উবাচ:
বৈশ্বানরং প্রজ্বলিতং সুঘোর; ময়ুদ্ধেন প্রশময়তোৎপতন্তম্ ||
৭ খ
বিদুর উবাচ:
যদা মন্যুং পাণ্ডবোঽজাতশত্রু; র্ন সংয়চ্ছেদক্ষময়াভিভূতঃ |
৮ ক
বিদুর উবাচ:
বৃকোদরঃ সব্যসাচী যমৌ চ; কোঽত্র দ্বীপঃ স্যাত্তুমুলে বস্তদানীম্ ||
৮ খ
বিদুর উবাচ:
মহারাজ প্রভবস্ত্বং ধনানাং; পুরা দ্যূতান্মনসা যাবদিচ্ছেঃ |
৯ ক
বিদুর উবাচ:
বহু বিত্তং পাণ্ডবাংশ্চেজ্জয়েস্ত্বং; কিং তেন স্যাদ্বসু বিন্দেহ পার্থান্ ||
৯ খ
বিদুর উবাচ:
জানীমহে দেবিতং সৌবলস্য; বেদ দ্যূতে নিকৃতিং পার্বতীয়ঃ |
১০ ক
বিদুর উবাচ:
যতঃ প্রাপ্তঃ শকুনিস্তত্র যাতু; মায়ায়োধী ভারত পার্বতীয়ঃ ||
১০ খ