বৈশম্পায়ন উবাচ:
পাণ্ডবাস্তু বনে বাসমুদ্দিশ্য ভরতর্ষভাঃ |
১ ক
বৈশম্পায়ন উবাচ:
প্রয়যুর্জাহ্নবীকূলাৎকুরুক্ষেত্রং সহানুগাঃ ||
১ খ
বৈশম্পায়ন উবাচ:
সরস্বতীদৃষদ্বত্যৌ যমুনাং চ নিষেব্য তে |
২ ক
বৈশম্পায়ন উবাচ:
যয়ুর্বনেনৈব বনং সততং পশ্চিমাং দিশম্ ||
২ খ
বৈশম্পায়ন উবাচ:
ততঃ সরস্বতীকূলে সমেষু মরুধন্বসু |
৩ ক
বৈশম্পায়ন উবাচ:
কাম্যকং নাম দদৃশুর্বনং মুনিজনপ্রিয়ম্ ||
৩ খ
বৈশম্পায়ন উবাচ:
তত্র তে ন্যবসন্বীরা বনে বহুমৃগদ্বিজে |
৪ ক
বৈশম্পায়ন উবাচ:
অন্বাস্যমানা মুনিভিঃ সান্ত্ব্যমানাশ্চ ভারত ||
৪ খ
বৈশম্পায়ন উবাচ:
বিদুরস্ত্বপি পাণ্ডূনাং তদা দর্শনলালসঃ |
৫ ক
বৈশম্পায়ন উবাচ:
জগামৈকরথেনৈব কাম্যকং বনমৃদ্ধিমৎ ||
৫ খ
বৈশম্পায়ন উবাচ:
ততো যাত্বা বিদুরঃ কাননং ত; চ্ছীঘ্রৈরশ্বৈর্বাহিনা স্যন্দনেন |
৬ ক
বৈশম্পায়ন উবাচ:
দদর্শাসীনং ধর্মরাজং বিবিক্তে; সার্ধং দ্রৌপদ্যা ভ্রাতৃভির্ব্রাহ্মণৈশ্চ ||
৬ খ
বৈশম্পায়ন উবাচ:
ততোঽপশ্যদ্বিদুরং তূর্ণমারা; দভ্যায়ান্তং সত্যসন্ধঃ স রাজা |
৭ ক
বৈশম্পায়ন উবাচ:
অথাব্রবীদ্ভ্রাতরং ভীমসেনং; কিং নু ক্ষত্তা বক্ষ্যতি নঃ সমেত্য ||
৭ খ
বৈশম্পায়ন উবাচ:
কচ্চিন্নায়ং বচনাৎসৌবলস্য; সমাহ্বাতা দেবনায়োপয়াতি |
৮ ক
বৈশম্পায়ন উবাচ:
কচ্চিৎক্ষুদ্রঃ শকুনির্নায়ুধানি; জেষ্যত্যস্মান্পুনরেবাক্ষবত্যাম্ ||
৮ খ
বৈশম্পায়ন উবাচ:
সমাহূতঃ কেনচিদাদ্রবেতি; নাহং শক্তো ভীমসেনাপয়াতুম্ |
৯ ক
বৈশম্পায়ন উবাচ:
গাণ্ডীবে বা সংশয়িতে কথং চি; দ্রাজ্যপ্রাপ্তিঃ সংশয়িতা ভবেন্নঃ ||
৯ খ
বৈশম্পায়ন উবাচ:
তত উত্থায় বিদুরং পাণ্ডবেয়াঃ; প্রত্যগৃহ্ণন্নৃপতে সর্ব এব |
১০ ক
বৈশম্পায়ন উবাচ:
তৈঃ সৎকৃতঃ স চ তানাজমীঢো; যথোচিতং পাণ্ডুপুত্রান্সমেয়াৎ ||
১০ খ
বৈশম্পায়ন উবাচ:
সমাশ্বস্তং বিদুরং তে নরর্ষভা; স্ততোঽপৃচ্ছন্নাগমনায় হেতুম্ |
১১ ক
বৈশম্পায়ন উবাচ:
স চাপি তেভ্যো বিস্তরতঃ শশংস; যথাবৃত্তো ধৃতরাষ্ট্রোঽঽম্বিকেয়ঃ ||
১১ খ
বিদুর উবাচ:
অবোচন্মাং ধৃতরাষ্ট্রোঽনুগুপ্ত; মজাতশত্রো পরিগৃহ্যাভিপূজ্য |
১২ ক
বিদুর উবাচ:
এবং গতে সমতামভ্যুপেত্য; পথ্যং তেষাং মম চৈব ব্রবীহি ||
১২ খ
বিদুর উবাচ:
ময়াপ্যুক্তং যৎক্ষমং কৌরবাণাং; হিতং পথ্যং ধৃতরাষ্ট্রস্য চৈব |
১৩ ক
বিদুর উবাচ:
তদ্বৈ পথ্যং তন্মনো নাভ্যুপৈতি; ততশ্চাহং ক্ষমমন্যন্ন মন্যে ||
১৩ খ
বিদুর উবাচ:
পরং শ্রেয়ঃ পাণ্ডবেয়া ময়োক্তং; ন মে তচ্চ শ্রুতবানাম্বিকেয়ঃ |
১৪ ক
বিদুর উবাচ:
যথাতুরস্যেব হি পথ্যমন্নং; ন রোচতে স্মাস্য তদুচ্যমানম্ ||
১৪ খ
বিদুর উবাচ:
ন শ্রেয়সে নীয়তেঽজাতশত্রো; স্ত্রী শ্রোত্রিয়স্যেব গৃহে প্রদুষ্টা |
১৫ ক
বিদুর উবাচ:
ব্রুবন্ন রুচ্যৈ ভরতর্ষভস্য; পতিঃ কুমার্যা ইব ষষ্টিবর্ষঃ ||
১৫ খ
বিদুর উবাচ:
ধ্রুবং বিনাশো নৃপ কৌরবাণাং; ন বৈ শ্রেয়ো ধৃতরাষ্ট্রঃ পরৈতি |
১৬ ক
বিদুর উবাচ:
যথা পর্ণে পুষ্করস্যেব সিক্তং; জলং ন তিষ্ঠেৎপথ্যমুক্তং তথাস্মিন্ ||
১৬ খ
বিদুর উবাচ:
ততঃ ক্রুদ্ধো ধৃতরাষ্ট্রোঽব্রবীন্মাং; যত্র শ্রদ্ধা ভারত তত্র যাহি |
১৭ ক
বিদুর উবাচ:
নাহং ভূয়ঃ কাময়ে ত্বাং সহায়ং; মহীমিমাং পালয়িতুং পুরং বা ||
১৭ খ
বিদুর উবাচ:
সোঽহং ত্যক্তো ধৃতরাষ্ট্রেণ রাজং; স্ত্বাং শাসিতুমুপয়াতস্ত্বরাবান্ |
১৮ ক
বিদুর উবাচ:
তদ্বৈ সর্বং যন্ময়োক্তং সভায়াং; তদ্ধার্যতাং যৎপ্রবক্ষ্যামি ভূয়ঃ ||
১৮ খ
বিদুর উবাচ:
ক্লেশৈস্তীব্রৈর্যুজ্যমানঃ সপত্নৈঃ; ক্ষমাং কুর্বন্কালমুপাসতে যঃ |
১৯ ক
বিদুর উবাচ:
সং বর্ধয়ন্স্তোকমিবাগ্নিমাত্মবা; ন্স বৈ ভুঙ্ক্তে পৃথিবীমেক এব ||
১৯ খ
বিদুর উবাচ:
যস্যাবিভক্তং বসু রাজন্সহায়ৈ; স্তস্য দুঃখেঽপ্যংশভাজঃ সহায়াঃ |
২০ ক
বিদুর উবাচ:
সহায়ানামেষ সঙ্গ্রহণেঽভ্যুপায়ঃ; সহায়াপ্তৌ পৃথিবীপ্রাপ্তিমাহুঃ ||
২০ খ
বিদুর উবাচ:
সত্যং শ্রেষ্ঠং পাণ্ডব নিষ্প্রলাপং; তুল্যং চান্নং সহ ভোজ্যং সহায়ৈঃ |
২১ ক
বিদুর উবাচ:
আত্মা চৈষামগ্রতো নাতিবর্তে; দেবংবৃত্তির্বর্ধতে ভূমিপালঃ ||
২১ খ
যুধিষ্ঠির উবাচ:
এবং করিষ্যামি যথা ব্রবীষি; পরাং বুদ্ধিমুপগম্যাপ্রমত্তঃ |
২২ ক
যুধিষ্ঠির উবাচ:
যচ্চাপ্যন্যদ্দেশকালোপপন্নং; তদ্বৈ বাচ্যং তৎকরিষ্যামি কৃৎস্নম্ ||
২২ খ