বৈশম্পায়ন উবাচ:
ততো বিরাটং প্রথমং যুধিষ্ঠিরো; রাজা সভায়ামুপবিষ্টমাব্রজৎ |
১ ক
বৈশম্পায়ন উবাচ:
বৈডূর্যরূপান্প্রতিমুচ্য কাঞ্চনা; নক্ষান্স কক্ষে পরিগৃহ্য বাসসা ||
১ খ
বৈশম্পায়ন উবাচ:
নরাধিপো রাষ্ট্রপতিং যশস্বিনং; মহায়শাঃ কৌরববংশবর্ধনঃ |
২ ক
বৈশম্পায়ন উবাচ:
মহানুভাবো নররাজসৎকৃতো; দুরাসদস্তীক্ষ্ণবিষো যথোরগঃ ||
২ খ
বৈশম্পায়ন উবাচ:
বালেন রূপেণ নরর্ষভো মহা; নথার্চিরূপেণ যথামরস্তথা |
৩ ক
বৈশম্পায়ন উবাচ:
মহাভ্রজালৈরিব সংবৃতো রবি; র্যথানলো ভস্মবৃতশ্চ বীর্যবান্ ||
৩ খ
বৈশম্পায়ন উবাচ:
তমাপতন্তং প্রসমীক্ষ্য পাণ্ডবং; বিরাটরাডিন্দুমিবাভ্রসংবৃতম্ |
৪ ক
বৈশম্পায়ন উবাচ:
মন্ত্রিদ্বিজান্সূতমুখান্বিশস্তথা; যে চাপি কেচিৎপরিষৎসমাসতে |
৪ খ
বৈশম্পায়ন উবাচ:
পপ্রচ্ছ কোঽয়ং প্রথমং সমেয়িবা; ননেন যোঽয়ং প্রসমীক্ষতে সভাম্ ||
৪ গ
বৈশম্পায়ন উবাচ:
ন তু দ্বিজোঽয়ং ভবিতা নরোত্তমঃ; পতিঃ পৃথিব্যা ইতি মে মনোগতম্ |
৫ ক
বৈশম্পায়ন উবাচ:
ন চাস্য দাসো ন রথো ন কুণ্ডলে; সমীপতো ভ্রাজতি চায়মিন্দ্রবৎ ||
৫ খ
বৈশম্পায়ন উবাচ:
শরীরলিঙ্গৈরুপসূচিতো হ্যযং; মূর্ধাভিষিক্তোঽয়মিতীব মানসম্ |
৬ ক
বৈশম্পায়ন উবাচ:
সমীপমায়াতি চ মে গতব্যথো; যথা গজস্তামরসীং মদোৎকটঃ ||
৬ খ
বৈশম্পায়ন উবাচ:
বিতর্কয়ন্তং তু নরর্ষভস্তদা; যুধিষ্ঠিরোঽভ্যেত্য বিরাটমব্রবীৎ |
৭ ক
বৈশম্পায়ন উবাচ:
সম্রাড্বিজানাত্বিহ জীবিতার্থিনং; বিনষ্টসর্বস্বমুপাগতং দ্বিজম্ ||
৭ খ
বৈশম্পায়ন উবাচ:
ইহাহমিচ্ছামি তবানঘান্তিকে; বস্তুং যথা কামচরস্তথা বিভো |
৮ ক
বৈশম্পায়ন উবাচ:
তমব্রবীৎস্বাগতমিত্যনন্তরং; রাজা প্রহৃষ্টঃ প্রতিসঙ্গৃহাণ চ ||
৮ খ
বৈশম্পায়ন উবাচ:
কামেন তাতাভিবদাম্যহং ত্বাং; কস্যাসি রাজ্ঞো বিষয়াদিহাগতঃ |
৯ ক
বৈশম্পায়ন উবাচ:
গোত্রং চ নামাপি চ শংস তত্ত্বতঃ; কিং চাপি শিল্পং তব বিদ্যতে কৃতম্ ||
৯ খ
যুধিষ্ঠির উবাচ:
যুধিষ্ঠিরস্যাসমহং পুরা সখা; বৈয়াঘ্রপদ্যঃ পুনরস্মি ব্রাহ্মণঃ |
১০ ক
যুধিষ্ঠির উবাচ:
অক্ষান্প্রবপ্তুং কুশলোঽস্মি দেবিতা; কঙ্কেতি নাম্নাস্মি বিরাট বিশ্রুতঃ ||
১০ খ
বিরাট উবাচ:
দদামি তে হন্ত বরং যমিচ্ছসি; প্রশাধি মৎস্যান্বশগো হ্যহং তব |
১১ ক
বিরাট উবাচ:
প্রিয়া হি ধূর্তা মম দেবিনঃ সদা; ভবাংশ্চ দেবোপম রাজ্যমর্হতি ||
১১ খ
যুধিষ্ঠির উবাচ:
আপ্তো বিবাদঃ পরমো বিশাং পতে; ন বিদ্যতে কিঞ্চন মৎস্য হীনতঃ |
১২ ক
যুধিষ্ঠির উবাচ:
ন মে জিতঃ কশ্চন ধারয়েদ্ধনং; বরো মমৈষোঽস্তু তব প্রসাদতঃ ||
১২ খ
বিরাট উবাচ:
হন্যামবধ্যং যদি তেঽপ্রিয়ং চরে; ৎপ্রব্রাজয়েয়ং বিষয়াদ্দ্বিজাংস্তথা |
১৩ ক
বিরাট উবাচ:
শৃণ্বন্তু মে জানপদাঃ সমাগতাঃ; কঙ্কো যথাহং বিষয়ে প্রভুস্তথা ||
১৩ খ
বিরাট উবাচ:
সমানয়ানো ভবিতাসি মে সখা; প্রভূতবস্ত্রো বহুপানভোজনঃ |
১৪ ক
বিরাট উবাচ:
পশ্যেস্ত্বমন্তশ্চ বহিশ্চ সর্বদা; কৃতং চ তে দ্বারমপাবৃতং ময়া ||
১৪ খ
বিরাট উবাচ:
যে ত্বানুবাদেয়ুরবৃত্তিকর্শিতা; ব্রূয়াশ্চ তেষাং বচনেন মে সদা |
১৫ ক
বিরাট উবাচ:
দাস্যামি সর্বং তদহং ন সংশয়ো; ন তে ভয়ং বিদ্যতি সংনিধৌ মম ||
১৫ খ
বৈশম্পায়ন উবাচ:
এবং স লব্ধ্বা তু বরং সমাগমং; বিরাটরাজেন নরর্ষভস্তদা |
১৬ ক
বৈশম্পায়ন উবাচ:
উবাস বীরঃ পরমার্চিতঃ সুখী; ন চাপি কশ্চিচ্চরিতং বুবোধ তৎ ||
১৬ খ