সঞ্জয় উবাচ:
ততঃ কর্ণঃ কুরুষু প্রদ্রুতেষু; বরূথিনা শ্বেতহয়েন রাজন্ |
১ ক
সঞ্জয় উবাচ:
পাঞ্চালপুত্রান্ব্যধমৎসূতপুত্রো; মহেষুভির্বাত ইবাভ্রসঙ্ঘান্ ||
১ খ
সঞ্জয় উবাচ:
সূতং রথাদঞ্জলিকেন পাত্য; জঘান চাশ্বাঞ্জনমেজয়স্য |
২ ক
সঞ্জয় উবাচ:
শতানীকং সুতসোমং চ ভল্লৈ; রবাকিরদ্ধনুষী চাপ্যকৃন্তৎ ||
২ খ
সঞ্জয় উবাচ:
ধৃষ্টদ্যুম্নং নির্বিভেদাথ ষড্ভি; র্জঘান চাশ্বং দক্ষিণং তস্য সঙ্খ্যে |
৩ ক
সঞ্জয় উবাচ:
হত্বা চাশ্বান্সাত্যকেঃ সূতপুত্রঃ; কৈকেয়পুত্রং ন্যবধীদ্বিশোকম্ ||
৩ খ
সঞ্জয় উবাচ:
তমভ্যধাবন্নিহতে কুমারে; কৈকেয়সেনাপতিরুগ্রধন্বা |
৪ ক
সঞ্জয় উবাচ:
শরৈর্বিভিন্নং ভৃশমুগ্রবেগৈঃ; কর্ণাত্মজং সোঽভ্যহনৎসুষেণম্ ||
৪ খ
সঞ্জয় উবাচ:
তস্যার্ধচন্দ্রৈস্ত্রিভিরুচ্চকর্ত; প্রসহ্য বাহূ চ শিরশ্চ কর্ণঃ |
৫ ক
সঞ্জয় উবাচ:
স স্যন্দনাদ্গামপতদ্গতাসুঃ; পরশ্বধৈঃ শাল ইবাবরুগ্ণঃ ||
৫ খ
সঞ্জয় উবাচ:
হতাশ্বমঞ্জোগতিভিঃ সুষেণঃ; শিনিপ্রবীরং নিশিতৈঃ পৃষৎকৈঃ |
৬ ক
সঞ্জয় উবাচ:
প্রচ্ছাদ্য নৃত্যন্নিব সৌতিপুত্রঃ; শৈনেয়বাণাভিহতঃ পপাত ||
৬ খ
সঞ্জয় উবাচ:
পুত্রে হতে ক্রোধপরীতচেতাঃ; কর্ণঃ শিনীনামৃষভং জিঘাংসুঃ |
৭ ক
সঞ্জয় উবাচ:
হতোঽসি শৈনেয় ইতি ব্রুবন্স; ব্যবাসৃজদ্বাণমমিত্রসাহম্ ||
৭ খ
সঞ্জয় উবাচ:
স তস্য চিচ্ছেদ শরং শিখণ্ডী; ত্রিভিস্ত্রিভিশ্চ প্রতুতোদ কর্ণম্ |
৮ ক
সঞ্জয় উবাচ:
শিখণ্ডিনঃ কার্মুকং স ধ্বজং চ; চ্ছিত্ত্বা শরাভ্যামহনৎসুজাতম্ ||
৮ খ
সঞ্জয় উবাচ:
শিখণ্ডিনং ষড্ভিরবিধ্যদুগ্রো; দান্তো ধার্ষ্টদ্যুম্নশিরশ্চকর্ত |
৯ ক
সঞ্জয় উবাচ:
অথাভিনৎসুতসোমং শরেণ; স সংশিতেনাধিরথির্মহাত্মা ||
৯ খ
সঞ্জয় উবাচ:
অথাক্রন্দে তুমুলে বর্তমানে; ধার্ষ্টদ্যুম্নে নিহতে তত্র কৃষ্ণঃ |
১০ ক
সঞ্জয় উবাচ:
অপাঞ্চাল্যং ক্রিয়তে যাহি পার্থ; কর্ণং জহীত্যব্রবীদ্রাজসিংহ ||
১০ খ
সঞ্জয় উবাচ:
ততঃ প্রহস্যাশু নরপ্রবীরো; রথং রথেনাধিরথের্জগাম |
১১ ক
সঞ্জয় উবাচ:
ভয়ে তেষাং ত্রাণমিচ্ছন্সুবাহু; রভ্যাহতানাং রথয়ূথপেন ||
১১ খ
সঞ্জয় উবাচ:
বিস্ফার্য গাণ্ডীবমথোগ্রঘোষং; জ্যযা সমাহত্য তলে ভৃশং চ |
১২ ক
সঞ্জয় উবাচ:
বাণান্ধকারং সহসৈব কৃত্বা; জঘান নাগাশ্বরথান্নরাংশ্চ ||
১২ খ
সঞ্জয় উবাচ:
তং ভীমসেনোঽনু যয়ৌ রথেন; পৃষ্ঠে রক্ষন্পাণ্ডবমেকবীরম্ |
১৩ ক
সঞ্জয় উবাচ:
তৌ রাজপুত্রৌ ত্বরিতৌ রথাভ্যাং; কর্ণায় যাতাবরিভির্বিমুক্তৌ ||
১৩ খ
সঞ্জয় উবাচ:
অত্রান্তরে সুমহৎসূতপুত্র; শ্চক্রে যুদ্ধং সোমকান্সম্প্রমৃদ্নন্ |
১৪ ক
সঞ্জয় উবাচ:
রথাশ্বমাতঙ্গগণাঞ্জঘান; প্রচ্ছাদয়ামাস দিশঃ শরৈশ্চ ||
১৪ খ
সঞ্জয় উবাচ:
তমুত্তমৌজা জনমেজয়শ্চ; ক্রুদ্ধৌ যুধামন্যুশিখণ্ডিনৌ চ |
১৫ ক
সঞ্জয় উবাচ:
কর্ণং বিনেদুঃ সহিতাঃ পৃষৎকৈঃ; সংমর্দমানাঃ সহ পার্ষতেন ||
১৫ খ
সঞ্জয় উবাচ:
তে পঞ্চ পাঞ্চালরথাঃ সুরূপৈ; র্বৈকর্তনং কর্ণমভিদ্রবন্তঃ |
১৬ ক
সঞ্জয় উবাচ:
তস্মাদ্রথাচ্চ্যাবয়িতুং ন শেকু; র্ধৈর্যাৎকৃতাত্মানমিবেন্দ্রিয়াণি ||
১৬ খ
সঞ্জয় উবাচ:
তেষাং ধনূংষি ধ্বজবাজিসূতাং; স্তূণং পতাকাশ্চ নিকৃত্য বাণৈঃ |
১৭ ক
সঞ্জয় উবাচ:
তান্পঞ্চভিঃ স ত্বহনৎপৃষৎকৈঃ; কর্ণস্ততঃ সিংহ ইবোন্ননাদ ||
১৭ খ
সঞ্জয় উবাচ:
তস্যাস্যতস্তানভিনিঘ্নতশ্চ; জ্যাবাণহস্তস্য ধনুঃস্বনেন |
১৮ ক
সঞ্জয় উবাচ:
সাদ্রিদ্রুমা স্যাৎপৃথিবী বিশীর্ণা; ইত্যেব মত্বা জনতা ব্যষীদৎ ||
১৮ খ
সঞ্জয় উবাচ:
স শক্রচাপপ্রতিমেন ধন্বনা; ভৃশাততেনাধিরথিঃ শরান্সৃজন্ |
১৯ ক
সঞ্জয় উবাচ:
বভৌ রণে দীপ্তমরীচিমণ্ডলো; যথাংশুমালী পরিবেষবাংস্তথা ||
১৯ খ
সঞ্জয় উবাচ:
শিখণ্ডিনং দ্বাদশভিঃ পরাভিন; চ্ছিতৈঃ শরৈঃ ষড্ভিরথোত্তমৌজসম্ |
২০ ক
সঞ্জয় উবাচ:
ত্রিভির্যুধামন্যুমবিধ্যদাশুগৈ; স্ত্রিভিস্ত্রিভিঃ সোমকপার্ষতাত্মজৌ ||
২০ খ
সঞ্জয় উবাচ:
পরাজিতাঃ পঞ্চ মহারথাস্তু তে; মহাহবে সূতসুতেন মারিষ |
২১ ক
সঞ্জয় উবাচ:
নিরুদ্যমাস্তস্থুরমিত্রমর্দনা; যথেন্দ্রিয়ার্থাত্মবতা পরাজিতাঃ ||
২১ খ
সঞ্জয় উবাচ:
নিমজ্জতস্তানথ কর্ণসাগরে; বিপন্ননাবো বণিজো যথার্ণবে |
২২ ক
সঞ্জয় উবাচ:
উদ্দধ্রিরে নৌভিরিবার্ণবাদ্রথৈঃ; সুকল্পিতৈর্দ্রৌপদিজাঃ স্বমাতুলান্ ||
২২ খ
সঞ্জয় উবাচ:
ততঃ শিনীনামৃষভঃ শিতৈঃ শরৈ; র্নিকৃত্য কর্ণপ্রহিতানিষূন্বহূন্ |
২৩ ক
সঞ্জয় উবাচ:
বিদার্য কর্ণং নিশিতৈরয়স্ময়ৈ; স্তবাত্মজং জ্যেষ্ঠমবিধ্যদষ্টভিঃ ||
২৩ খ
সঞ্জয় উবাচ:
কৃপোঽথ ভোজশ্চ তবাত্মজস্তথা; স্বয়ং চ কর্ণো নিশিতৈরতাডয়ৎ |
২৪ ক
সঞ্জয় উবাচ:
স তৈশ্চতুর্ভির্যুয়ুধে যদূত্তমো; দিগীশ্বরৈর্দৈত্যপতির্যথা তথা ||
২৪ খ
সঞ্জয় উবাচ:
সমানতেনেষ্বসনেন কূজতা; ভৃশাততেনামিতবাণবর্ষিণা |
২৫ ক
সঞ্জয় উবাচ:
বভূব দুর্ধর্ষতরঃ স সাত্যকিঃ; শরন্নভোমধ্যগতো যথা রবিঃ ||
২৫ খ
সঞ্জয় উবাচ:
পুনঃ সমাসাদ্য রথান্সুদংশিতাঃ; শিনিপ্রবীরং জুগুপুঃ পরন্তপাঃ |
২৬ ক
সঞ্জয় উবাচ:
সমেত্য পাঞ্চালরথা মহারণে; মরুদ্গণাঃ শক্রমিবারিনিগ্রহে ||
২৬ খ
সঞ্জয় উবাচ:
ততোঽভবদ্যুদ্ধমতীব দারুণং; তবাহিতানাং তব সৈনিকৈঃ সহ |
২৭ ক
সঞ্জয় উবাচ:
রথাশ্বমাতঙ্গবিনাশনং তথা; যথা সুরাণামসুরৈঃ পুরাভবৎ ||
২৭ খ
সঞ্জয় উবাচ:
রথদ্বিপা বাজিপদাতয়োঽপি বা; ভ্রমন্তি নানাবিধশস্ত্রবেষ্টিতাঃ |
২৮ ক
সঞ্জয় উবাচ:
পরস্পরেণাভিহতাশ্চ চস্খলু; র্বিনেদুরার্তা ব্যসবোঽপতন্ত চ ||
২৮ খ
সঞ্জয় উবাচ:
তথা গতে ভীমমভীস্তবাত্মজঃ; সসার রাজাবরজঃ কিরঞ্শরৈঃ |
২৯ ক
সঞ্জয় উবাচ:
তমভ্যধাবত্ত্বরিতো বৃকোদরো; মহারুরুং সিংহ ইবাভিপেতিবান্ ||
২৯ খ
সঞ্জয় উবাচ:
ততস্তয়োর্যুদ্ধমতীতমানুষং; প্রদীব্যতোঃ প্রাণদুরোদরেঽভবৎ |
৩০ ক
সঞ্জয় উবাচ:
পরস্পরেণাভিনিবিষ্টরোষয়ো; রুদগ্রয়োঃ শম্বরশক্রয়োর্যথা ||
৩০ খ
সঞ্জয় উবাচ:
শরৈঃ শরীরান্তকরৈঃ সুতেজনৈ; র্নিজঘ্নতুস্তাবিতরেতরং ভৃশম্ |
৩১ ক
সঞ্জয় উবাচ:
সকৃৎপ্রভিন্নাবিব বাশিতান্তরে; মহাগজৌ মন্মথসক্তচেতসৌ ||
৩১ খ
সঞ্জয় উবাচ:
তবাত্মজস্যাথ বৃকোদরস্ত্বর; ন্ধনুঃ ক্ষুরাভ্যাং ধ্বজমেব চাচ্ছিনৎ |
৩২ ক
সঞ্জয় উবাচ:
ললাটমপ্যস্য বিভেদ পত্রিণা; শিরশ্চ কায়াৎপ্রজহার সারথেঃ ||
৩২ খ
সঞ্জয় উবাচ:
স রাজপুত্রোঽন্যদবাপ্য কার্মুকং; বৃকোদরং দ্বাদশভিঃ পরাভিনৎ |
৩৩ ক
সঞ্জয় উবাচ:
স্বয়ং নিয়চ্ছংস্তুরগানজিহ্মগৈঃ; শরৈশ্চ ভীমং পুনরভ্যবীবৃষৎ ||
৩৩ খ