বৈশম্পায়ন উবাচ:
এবমুক্ত্বা মহাপ্রাজ্ঞো ধৃতরাষ্ট্রঃ সুয়োধনম্ |
১ ক
বৈশম্পায়ন উবাচ:
পুনরেব মহাভাগঃ সঞ্জয়ং পর্যপৃচ্ছত ||
১ খ
বৈশম্পায়ন উবাচ:
ব্রূহি সঞ্জয় যচ্ছেষং বাসুদেবাদনন্তরম্ |
২ ক
বৈশম্পায়ন উবাচ:
যদর্জুন উবাচ ত্বাং পরং কৌতূহলং হি মে ||
২ খ
সঞ্জয় উবাচ:
বাসুদেববচঃ শ্রুত্বা কুন্তীপুত্রো ধনঞ্জয়ঃ |
৩ ক
সঞ্জয় উবাচ:
উবাচ কালে দুর্ধর্ষো বাসুদেবস্য শৃণ্বতঃ ||
৩ খ
সঞ্জয় উবাচ:
পিতামহং শান্তনবং ধৃতরাষ্ট্রং চ সঞ্জয় |
৪ ক
সঞ্জয় উবাচ:
দ্রোণং কৃপং চ কর্ণং চ মহারাজং চ বাহ্লিকম্ ||
৪ খ
সঞ্জয় উবাচ:
দ্রৌণিং চ সোমদত্তং চ শকুনিং চাপি সৌবলম্ |
৫ ক
সঞ্জয় উবাচ:
দুঃশাসনং শলং চৈব পুরুমিত্রং বিবিংশতিম্ ||
৫ খ
সঞ্জয় উবাচ:
বিকর্ণং চিত্রসেনং চ জয়ৎসেনং চ পার্থিবম্ |
৬ ক
সঞ্জয় উবাচ:
বিন্দানুবিন্দাবাবন্ত্যৌ দুর্মুখং চাপি কৌরবম্ ||
৬ খ
সঞ্জয় উবাচ:
সৈন্ধবং দুঃসহং চৈব ভূরিশ্রবসমেব চ |
৭ ক
সঞ্জয় উবাচ:
ভগদত্তং চ রাজানং জলসন্ধং চ পার্থিবম্ ||
৭ খ
সঞ্জয় উবাচ:
যে চাপ্যন্যে পার্থিবাস্তত্র যোদ্ধুং; সমাগতাঃ কৌরবাণাং প্রিয়ার্থম্ |
৮ ক
সঞ্জয় উবাচ:
মুমূর্ষবঃ পাণ্ডবাগ্নৌ প্রদীপ্তে; সমানীতা ধার্তরাষ্ট্রেণ সূত ||
৮ খ
সঞ্জয় উবাচ:
যথান্যায়ং কৌশলং বন্দনং চ; সমাগতা মদ্বচনেন বাচ্যাঃ |
৯ ক
সঞ্জয় উবাচ:
ইদং ব্রূয়াঃ সঞ্জয় রাজমধ্যে; সুয়োধনং পাপকৃতাং প্রধানম্ ||
৯ খ
সঞ্জয় উবাচ:
অমর্ষণং দুর্মতিং রাজপুত্রং; পাপাত্মানং ধার্তরাষ্ট্রং সুলুব্ধম্ |
১০ ক
সঞ্জয় উবাচ:
সর্বং মমৈতদ্বচনং সমগ্রং; সহামাত্যং সঞ্জয় শ্রাবয়েথাঃ ||
১০ খ
সঞ্জয় উবাচ:
এবং প্রতিষ্ঠাপ্য ধনঞ্জয়ো মাং; ততোঽর্থবদ্ধর্মবচ্চাপি বাক্যম্ |
১১ ক
সঞ্জয় উবাচ:
প্রোবাচেদং বাসুদেবং সমীক্ষ্য; পার্থো ধীমাঁল্লোহিতান্তায়তাক্ষঃ ||
১১ খ
সঞ্জয় উবাচ:
যথা শ্রুতং তে বদতো মহাত্মনো; মধুপ্রবীরস্য বচঃ সমাহিতম্ |
১২ ক
সঞ্জয় উবাচ:
তথৈব বাচ্যং ভবতা হি মদ্বচঃ; সমাগতেষু ক্ষিতিপেষু সর্বশঃ ||
১২ খ
সঞ্জয় উবাচ:
শরাগ্নিধূমে রথনেমিনাদিতে; ধনুঃস্রুবেণাস্ত্রবলাপহারিণা |
১৩ ক
সঞ্জয় উবাচ:
যথা ন হোমঃ ক্রিয়তে মহামৃধে; তথা সমেত্য প্রয়তধ্বমাদৃতাঃ ||
১৩ খ
সঞ্জয় উবাচ:
ন চেৎপ্রয়চ্ছধ্বমমিত্রঘাতিনো; যুধিষ্ঠিরস্যাংশমভীপ্সিতং স্বকম্ |
১৪ ক
সঞ্জয় উবাচ:
নয়ামি বঃ স্বাশ্বপদাতিকুঞ্জরা; ন্দিশং পিতৄণামশিবাং শিতৈঃ শরৈঃ ||
১৪ খ
সঞ্জয় উবাচ:
ততোঽহমামন্ত্র্য চতুর্ভুজং হরিং; ধনঞ্জয়ং চৈব নমস্য সত্বরঃ |
১৫ ক
সঞ্জয় উবাচ:
জবেন সম্প্রাপ্ত ইহামরদ্যুতে; তবান্তিকং প্রাপয়িতুং বচো মহৎ ||
১৫ খ