সঞ্জয় উবাচ:
তদ্দেবনাগাসুরসিদ্ধসঙ্ঘৈ; র্গন্ধর্বয়ক্ষাপ্সরসাং চ সঙ্ঘৈঃ |
১ ক
সঞ্জয় উবাচ:
ব্রহ্মর্ষিরাজর্ষিসুপর্ণজুষ্টং; বভৌ বিয়দ্বিস্ময়নীয়রূপম্ ||
১ খ
সঞ্জয় উবাচ:
নানদ্যমানং নিনদৈর্মনোজ্ঞৈ; র্বাদিত্রগীতস্তুতিভিশ্চ নৃত্তৈঃ |
২ ক
সঞ্জয় উবাচ:
সর্বেঽন্তরিক্ষে দদৃশুর্মনুষ্যাঃ; খস্থাংশ্চ তান্বিস্ময়নীয়রূপান্ ||
২ খ
সঞ্জয় উবাচ:
ততঃ প্রহৃষ্টাঃ কুরুপাণ্ডুয়োধা; বাদিত্রপত্রায়ুধসিংহনাদৈঃ |
৩ ক
সঞ্জয় উবাচ:
নিনাদয়ন্তো বসুধাং দিশশ্চ; স্বনেন সর্বে দ্বিষতো নিজঘ্নুঃ ||
৩ খ
সঞ্জয় উবাচ:
নানাশ্বমাতঙ্গরথায়ুতাকুলং; বরাসিশক্ত্যৃষ্টিনিপাতদুঃসহম্ |
৪ ক
সঞ্জয় উবাচ:
অভীরুজুষ্টং হতদেহসঙ্কুলং; রণাজিরং লোহিতরক্তমাবভৌ ||
৪ খ
সঞ্জয় উবাচ:
তথা প্রবৃত্তেঽস্ত্রভৃতাং পরাভবে; ধনঞ্জয়শ্চাধিরথিশ্চ সায়কৈঃ |
৫ ক
সঞ্জয় উবাচ:
দিশশ্চ সৈন্যং চ শিতৈরজিহ্মগৈঃ; পরস্পরং প্রোর্ণুবতুঃ স্ম দংশিতৌ ||
৫ খ
সঞ্জয় উবাচ:
ততস্ত্বদীয়াশ্চ পরে চ সায়কৈঃ; কৃতেঽন্ধকারে বিবিদুর্ন কিঞ্চন |
৬ ক
সঞ্জয় উবাচ:
ভয়াত্তু তাবেব রথৌ সমাশ্রয়ং; স্তমোনুদৌ খে প্রসৃতা ইবাংশবঃ ||
৬ খ
সঞ্জয় উবাচ:
ততোঽস্ত্রমস্ত্রেণ পরস্পরস্য তৌ; বিধূয় বাতাবিব পূর্বপশ্চিমৌ |
৭ ক
সঞ্জয় উবাচ:
ঘনান্ধকারে বিততে তমোনুদৌ; যথোদিতৌ তদ্বদতীব রেজতুঃ ||
৭ খ
সঞ্জয় উবাচ:
ন চাভিমন্তব্যমিতি প্রচোদিতাঃ; পরে ত্বদীয়াশ্চ তদাবতস্থিরে |
৮ ক
সঞ্জয় উবাচ:
মহারথৌ তৌ পরিবার্য সর্বতঃ; সুরাসুরা বাসবশম্বরাবিব ||
৮ খ
সঞ্জয় উবাচ:
মৃদঙ্গভেরীপণবানকস্বনৈ; র্নিনাদিতে ভারত শঙ্খনিস্বনৈঃ |
৯ ক
সঞ্জয় উবাচ:
সসিংহনাদৌ বভতুর্নরোত্তমৌ; শশাঙ্কসূর্যাবিব মেঘসম্প্লবে ||
৯ খ
সঞ্জয় উবাচ:
মহাধনুর্মণ্ডলমধ্যগাবুভৌ; সুবর্চসৌ বাণসহস্ররশ্মিনৌ |
১০ ক
সঞ্জয় উবাচ:
দিধক্ষমাণৌ সচরাচরং জগ; দ্যুগাস্তসূর্যাবিব দুঃসহৌ রণে ||
১০ খ
সঞ্জয় উবাচ:
উভাবজেয়াবহিতান্তকাবুভৌ; জিঘাংসতুস্তৌ কৃতিনৌ পরস্পরম্ |
১১ ক
সঞ্জয় উবাচ:
মহাহবে বীরবরৌ সমীয়তু; র্যথেন্দ্রজম্ভাবিব কর্ণপাণ্ডবৌ ||
১১ খ
সঞ্জয় উবাচ:
ততো মহাস্ত্রাণি মহাধনুর্ধরৌ; বিমুঞ্চমানাবিষুভির্ভয়ানকৈঃ |
১২ ক
সঞ্জয় উবাচ:
নরাশ্বনাগানমিতৌ নিজঘ্নতুঃ; পরস্পরং জঘ্নতুরুত্তমেষুভিঃ ||
১২ খ
সঞ্জয় উবাচ:
ততো বিসস্রুঃ পুনরর্দিতাঃ শরৈ; র্নরোত্তমাভ্যাং কুরুপাণ্ডবাশ্রয়াঃ |
১৩ ক
সঞ্জয় উবাচ:
সনাগপত্ত্যশ্বরথা দিশো গতা; স্তথা যথা সিংহভয়াদ্বনৌকসঃ ||
১৩ খ
সঞ্জয় উবাচ:
ততস্তু দুর্যোধনভোজসৌবলাঃ; কৃপশ্চ শারদ্বতসূনুনা সহ |
১৪ ক
সঞ্জয় উবাচ:
মহারথাঃ পঞ্চ ধনঞ্জয়াচ্যুতৌ; শরৈঃ শরীরান্তকরৈরতাডয়ন্ ||
১৪ খ
সঞ্জয় উবাচ:
ধনূংষি তেষামিষুধীন্হয়ান্ধ্বজা; ন্রথাংশ্চ সূতাংশ্চ ধনঞ্জয়ঃ শরৈঃ |
১৫ ক
সঞ্জয় উবাচ:
সমং চ চিচ্ছেদ পরাভিনচ্চ তা; ঞ্শরোত্তমৈর্দ্বাদশভিশ্চ সূতজম্ ||
১৫ খ
সঞ্জয় উবাচ:
অথাভ্যধাবংস্ত্বরিতাঃ শতং রথাঃ; শতং চ নাগার্জুনমাততায়িনঃ |
১৬ ক
সঞ্জয় উবাচ:
শকাস্তুখারা যবনাশ্চ সাদিনঃ; সহৈব কাম্বোজবরৈর্জিঘাংসবঃ ||
১৬ খ
সঞ্জয় উবাচ:
বরায়ুধান্পাণিগতান্করৈঃ সহ; ক্ষুরৈর্ন্যকৃন্তংস্ত্বরিতাঃ শিরাংসি চ |
১৭ ক
সঞ্জয় উবাচ:
হয়াংশ্চ নাগাংশ্চ রথাংশ্চ যুধ্যতাং; ধনঞ্জয়ঃ শত্রুগণং তমক্ষিণোৎ ||
১৭ খ
সঞ্জয় উবাচ:
ততোঽন্তরিক্ষে সুরতূর্যনিস্বনাঃ; সসাধুবাদা হৃষিতৈঃ সমীরিতাঃ |
১৮ ক
সঞ্জয় উবাচ:
নিপেতুরপ্যুত্তমপুষ্পবৃষ্টয়ঃ; সুরূপগন্ধাঃ পবনেরিতাঃ শিবাঃ ||
১৮ খ
সঞ্জয় উবাচ:
তদদ্ভুতং দেবমনুষ্যসাক্ষিকং; সমীক্ষ্য ভূতানি বিসিষ্মিয়ুর্নৃপ |
১৯ ক
সঞ্জয় উবাচ:
তবাত্মজঃ সূতসুতশ্চ ন ব্যথাং; ন বিস্ময়ং জগ্মতুরেকনিশ্চয়ৌ ||
১৯ খ
সঞ্জয় উবাচ:
অথাব্রবীদ্দ্রোণসুতস্তবাত্মজং; করং করেণ প্রতিপীড্য সান্ত্বয়ন্ |
২০ ক
সঞ্জয় উবাচ:
প্রসীদ দুর্যোধন শাম্য পাণ্ডবৈ; রলং বিরোধেন ধিগস্তু বিগ্রহম্ ||
২০ খ
সঞ্জয় উবাচ:
হতো গুরুর্ব্রহ্মসমো মহাস্ত্রবি; ত্তথৈব ভীষ্মপ্রমুখা নরর্ষভাঃ |
২১ ক
সঞ্জয় উবাচ:
অহং ত্ববধ্যো মম চাপি মাতুলঃ; প্রশাধি রাজ্যং সহ পাণ্ডবৈশ্চিরম্ ||
২১ খ
সঞ্জয় উবাচ:
ধনঞ্জয়ঃ স্থাস্যতি বারিতো ময়া; জনার্দনো নৈব বিরোধমিচ্ছতি |
২২ ক
সঞ্জয় উবাচ:
যুধিষ্ঠিরো ভূতহিতে সদা রতো; বৃকোদরস্তদ্বশগস্তথা যমৌ ||
২২ খ
সঞ্জয় উবাচ:
ত্বয়া চ পার্থৈশ্চ পরস্পরেণ; প্রজাঃ শিবং প্রাপ্নুয়ুরিচ্ছতি ত্বয়ি |
২৩ ক
সঞ্জয় উবাচ:
ব্রজন্তু শেষাঃ স্বপুরাণি পার্থিবা; নিবৃত্তবৈরাশ্চ ভবন্তু সৈনিকাঃ ||
২৩ খ
সঞ্জয় উবাচ:
ন চেদ্বচঃ শ্রোষ্যসি মে নরাধিপ; ধ্রুবং প্রতপ্তাসি হতোঽরিভির্যুধি |
২৪ ক
সঞ্জয় উবাচ:
ইদং চ দৃষ্টং জগতা সহ ত্বয়া; কৃতং যদেকেন কিরীটমালিনা |
২৪ খ
সঞ্জয় উবাচ:
যথা ন কুর্যাদ্বলভিন্ন চান্তকো; ন চ প্রচেতা ভগবান্ন যক্ষরাট্ ||
২৪ গ
সঞ্জয় উবাচ:
অতোঽপি ভূয়াংশ্চ গুণৈর্ধনঞ্জয়ঃ; স চাভিপৎস্যত্যখিলং বচো মম |
২৫ ক
সঞ্জয় উবাচ:
তবানুয়াত্রাং চ তথা করিষ্যতি; প্রসীদ রাজঞ্জগতঃ শমায় বৈ ||
২৫ খ
সঞ্জয় উবাচ:
মমাপি মানঃ পরমঃ সদা ত্বয়ি; ব্রবীম্যতস্ত্বাং পরমাচ্চ সৌহৃদাৎ |
২৬ ক
সঞ্জয় উবাচ:
নিবারয়িষ্যামি হি কর্ণমপ্যহং; যদা ভবান্সপ্রণয়ো ভবিষ্যতি ||
২৬ খ
সঞ্জয় উবাচ:
বদন্তি মিত্রং সহজং বিচক্ষণা; স্তথৈব সাম্না চ ধনেন চার্জিতম্ |
২৭ ক
সঞ্জয় উবাচ:
প্রতাপতশ্চোপনতং চতুর্বিধং; তদস্তি সর্বং ত্বয়ি পাণ্ডবেষু চ ||
২৭ খ
সঞ্জয় উবাচ:
নিসর্গতস্তে তব বীর বান্ধবাঃ; পুনশ্চ সাম্না চ সমাপ্নুহি স্থিরম্ |
২৮ ক
সঞ্জয় উবাচ:
ত্বয়ি প্রসন্নে যদি মিত্রতামিয়ু; র্ধ্রুবং নরেন্দ্রেন্দ্র তথা ত্বমাচর ||
২৮ খ
সঞ্জয় উবাচ:
স এবমুক্তঃ সুহৃদা বচো হিতং; বিচিন্ত্য নিঃশ্বস্য চ দুর্মনাব্রবীৎ |
২৯ ক
সঞ্জয় উবাচ:
যথা ভবানাহ সখে তথৈব ত; ন্মমাপি চ জ্ঞাপয়তো বচঃ শৃণু ||
২৯ খ
সঞ্জয় উবাচ:
নিহত্য দুঃশাসনমুক্তবান্বহু; প্রসহ্য শার্দূলবদেষ দুর্মতিঃ |
৩০ ক
সঞ্জয় উবাচ:
বৃকোদরস্তদ্ধৃদয়ে মম স্থিতং; ন তৎপরোক্ষং ভবতঃ কুতঃ শমঃ ||
৩০ খ
সঞ্জয় উবাচ:
ন চাপি কর্ণং গুরুপুত্র সংস্তবা; দুপারমেত্যর্হসি বক্তুমচ্যুত |
৩১ ক
সঞ্জয় উবাচ:
শ্রমেণ যুক্তো মহতাদ্য ফল্গুন; স্তমেষ কর্ণঃ প্রসভং হনিষ্যতি ||
৩১ খ
সঞ্জয় উবাচ:
তমেবমুক্ত্বাভ্যনুনীয় চাসকৃ; ত্তবাত্মজঃ স্বাননুশাস্তি সৈনিকান্ |
৩২ ক
সঞ্জয় উবাচ:
সমাঘ্নতাভিদ্রবতাহিতানিমা; ন্সবাণশব্দান্কিমু জোষমাস্যতে ||
৩২ খ