বৈশম্পায়ন উবাচ:
অথাপরো ভীমবলঃ শ্রিয়া জ্বল; ন্নুপায়যৌ সিংহবিলাসবিক্রমঃ |
১ ক
বৈশম্পায়ন উবাচ:
খজং চ দর্বীং চ করেণ ধারয়; ন্নসিং চ কালাঙ্গমকোশমব্রণম্ ||
১ খ
বৈশম্পায়ন উবাচ:
স সূদরূপঃ পরমেণ বর্চসা; রবির্যথা লোকমিমং প্রভাসয়ন্ |
২ ক
বৈশম্পায়ন উবাচ:
সুকৃষ্ণবাসা গিরিরাজসারবা; ন্স মৎস্যরাজং সমুপেত্য তস্থিবান্ ||
২ খ
বৈশম্পায়ন উবাচ:
তং প্রেক্ষ্য রাজা বরয়ন্নুপাগতং; ততোঽব্রবীজ্জানপদান্সমাগতান্ |
৩ ক
বৈশম্পায়ন উবাচ:
সিংহোন্নতাংসোঽয়মতীব রূপবা; ন্প্রদৃশ্যতে কো নু নরর্ষভো যুবা ||
৩ খ
বৈশম্পায়ন উবাচ:
অদৃষ্টপূর্বঃ পুরুষো রবির্যথা; বিতর্কয়ন্নাস্য লভামি সম্পদম্ |
৪ ক
বৈশম্পায়ন উবাচ:
তথাস্য চিত্তং হ্যপি সংবিতর্কয়; ন্নরর্ষভস্যাদ্য ন যামি তত্ত্বতঃ ||
৪ খ
বৈশম্পায়ন উবাচ:
ততো বিরাটং সমুপেত্য পাণ্ডবঃ; সুদীনরূপো বচনং মহামনাঃ |
৫ ক
বৈশম্পায়ন উবাচ:
উবাচ সূদোঽস্মি নরেন্দ্র বল্লবো; ভজস্ব মাং ব্যঞ্জনকারমুত্তমম্ ||
৫ খ
বিরাট উবাচ:
ন সূদতাং মানদ শ্রদ্দধামি তে; সহস্রনেত্রপ্রতিমো হি দৃশ্যসে |
৬ ক
বিরাট উবাচ:
শ্রিয়া চ রূপেণ চ বিক্রমেণ চ; প্রভাসি তাতানবরো নরেষ্বিহ ||
৬ খ
ভীম উবাচ:
নরেন্দ্র সূদঃ পরিচারকোঽস্মি তে; জানামি সূপান্প্রথমেন কেবলান্ |
৭ ক
ভীম উবাচ:
আস্বাদিতা যে নৃপতে পুরাভব; ন্যুধিষ্ঠিরেণাপি নৃপেণ সর্বশঃ ||
৭ খ
ভীম উবাচ:
বলেন তুল্যশ্চ ন বিদ্যতে ময়া; নিয়ুদ্ধশীলশ্চ সদৈব পার্থিব |
৮ ক
ভীম উবাচ:
গজৈশ্চ সিংহৈশ্চ সমেয়িবানহং; সদা করিষ্যামি তবানঘ প্রিয়ম্ ||
৮ খ
বিরাট উবাচ:
দদামি তে হন্ত বরং মহানসে; তথা চ কুর্যাঃ কুশলং হি ভাষসে |
৯ ক
বিরাট উবাচ:
ন চৈব মন্যে তব কর্ম তৎসমং; সমুদ্রনেমিং পৃথিবীং ত্বমর্হসি ||
৯ খ
বিরাট উবাচ:
যথা হি কামস্তব তত্তথা কৃতং; মহানসে ত্বং ভব মে পুরস্কৃতঃ |
১০ ক
বিরাট উবাচ:
নরাশ্চ যে তত্র মমোচিতাঃ পুরা; ভবস্ব তেষামধিপো ময়া কৃতঃ ||
১০ খ
বৈশম্পায়ন উবাচ:
তথা স ভীমো বিহিতো মহানসে; বিরাটরাজ্ঞো দয়িতোঽভবদ্দৃঢম্ |
১১ ক
বৈশম্পায়ন উবাচ:
উবাস রাজন্ন চ তং পৃথগ্জনো; বুবোধ তত্রানুচরশ্চ কশ্চন ||
১১ খ