সঞ্জয় উবাচ:
তৌ শঙ্খভেরীনিনদে সমৃদ্ধে; সমীয়তুঃ শ্বেতহয়ৌ নরাগ্র্যৌ |
১ ক
সঞ্জয় উবাচ:
বৈকর্তনঃ সূতপুত্রোঽর্জুনশ্চ; দুর্মন্ত্রিতে তব পুত্রস্য রাজন্ ||
১ খ
সঞ্জয় উবাচ:
যথা গজৌ হৈমবতৌ প্রভিন্নৌ; প্রগৃহ্য দন্তাবিব বাশিতার্থে |
২ ক
সঞ্জয় উবাচ:
তথা সমাজগ্মতুরুগ্রবেগৌ; ধনঞ্জয়শ্চাধিরথিশ্চ বীরৌ ||
২ খ
সঞ্জয় উবাচ:
বলাহকেনেব যথা বলাহকো; যদৃচ্ছয়া বা গিরিণা গিরির্যথা |
৩ ক
সঞ্জয় উবাচ:
তথা ধনুর্জ্যাতলনেমিনিস্বনৌ; সমীয়তুস্তাবিষুবর্ষবর্ষিণৌ ||
৩ খ
সঞ্জয় উবাচ:
প্রবৃদ্ধশৃঙ্গদ্রুমবীরুদোষধী; প্রবৃদ্ধনানাবিধপর্বতৌকসৌ |
৪ ক
সঞ্জয় উবাচ:
যথাচলৌ বা গলিতৌ মহাবলৌ; তথা মহাস্ত্রৈরিতরেতরং ঘ্নতঃ ||
৪ খ
সঞ্জয় উবাচ:
স সংনিপাতস্তু তয়োর্মহানভূ; ৎসুরেশবৈরোচনয়োর্যথা পুরা |
৫ ক
সঞ্জয় উবাচ:
শরৈর্বিভুগ্নাঙ্গনিয়ন্তৃবাহনঃ; সুদুঃসহোঽন্যৈঃ পটুশোণিতোদকঃ ||
৫ খ
সঞ্জয় উবাচ:
প্রভূতপদ্মোৎপলমৎস্যকচ্ছপৌ; মহাহ্রদৌ পক্ষিগণানুনাদিতৌ |
৬ ক
সঞ্জয় উবাচ:
সুসংনিকৃষ্টাবনিলোদ্ধতৌ যথা; তথা রথৌ তৌ ধ্বজিনৌ সমীয়তুঃ ||
৬ খ
সঞ্জয় উবাচ:
উভৌ মহেন্দ্রস্য সমানবিক্রমা; বুভৌ মহেন্দ্রপ্রতিমৌ মহারথৌ |
৭ ক
সঞ্জয় উবাচ:
মহেন্দ্রবজ্রপ্রতিমৈশ্চ সায়কৈ; র্মহেন্দ্রবৃত্রাবিব সম্প্রজহ্রতুঃ ||
৭ খ
সঞ্জয় উবাচ:
সনাগপত্ত্যশ্বরথে উভে বলে; বিচিত্রবর্ণাভরণাম্বরস্রজে |
৮ ক
সঞ্জয় উবাচ:
চকম্পতুশ্চোন্নমতঃ স্ম বিস্ময়া; দ্বিয়দ্গতাশ্চার্জুনকর্ণসংয়ুগে ||
৮ খ
সঞ্জয় উবাচ:
ভুজাঃ সবজ্রাঙ্গুলয়ঃ সমুচ্ছ্রিতাঃ; সসিংহনাদা হৃষিতৈর্দিদৃক্ষুভিঃ |
৯ ক
সঞ্জয় উবাচ:
যদার্জুনং মত্তমিব দ্বিপো দ্বিপং; সমভ্যযাদাধিরথির্জিঘাংসয়া ||
৯ খ
সঞ্জয় উবাচ:
অভ্যক্রোশন্সোমকাস্তত্র পার্থং; ত্বরস্ব যাহ্যর্জুন বিধ্য কর্ণম্ |
১০ ক
সঞ্জয় উবাচ:
ছিন্ধ্যস্য মূর্ধানমলং চিরেণ; শ্রদ্ধাং চ রাজ্যাদ্ধৃতরাষ্ট্রসূনোঃ ||
১০ খ
সঞ্জয় উবাচ:
তথাস্মাকং বহবস্তত্র যোধাঃ; কর্ণং তদা যাহি যাহীত্যবোচন্ |
১১ ক
সঞ্জয় উবাচ:
জহ্যর্জুনং কর্ণ ততঃ সচীরাঃ; পুনর্বনং যান্তু চিরায় পার্থাঃ ||
১১ খ
সঞ্জয় উবাচ:
ততঃ কর্ণঃ প্রথমং তত্র পার্থং; মহেষুভির্দশভিঃ পর্যবিধ্যৎ |
১২ ক
সঞ্জয় উবাচ:
তমর্জুনঃ প্রত্যবিধ্যচ্ছিতাগ্রৈঃ; কক্ষান্তরে দশভিরতীব ক্রুদ্ধঃ ||
১২ খ
সঞ্জয় উবাচ:
পরস্পরং তৌ বিশিখৈঃ সুতীক্ষ্ণৈ; স্ততক্ষতুঃ সূতপুত্রোঽর্জুনশ্চ |
১৩ ক
সঞ্জয় উবাচ:
পরস্পরস্যান্তরেপ্সূ বিমর্দে; সুভীমমভ্যায়যতুঃ প্রহৃষ্টৌ ||
১৩ খ
সঞ্জয় উবাচ:
অমৃষ্যমাণশ্চ মহাবিমর্দে; তত্রাক্রুধ্যদ্ভীমসেনো মহাত্মা |
১৪ ক
সঞ্জয় উবাচ:
অথাব্রবীৎপাণিনা পাণিমাঘ্ন; ন্সন্দষ্টৌষ্ঠো নৃত্যতি বাদয়ন্নিব |
১৪ খ
সঞ্জয় উবাচ:
কথং নু ত্বাং সূতপুত্রঃ কিরীটি; ন্মহেষুভির্দশভিরবিধ্যদগ্রে ||
১৪ গ
সঞ্জয় উবাচ:
যয়া ধৃত্যা সর্বভূতান্যজৈষী; র্গ্রাসং দদদ্বহ্নয়ে খাণ্ডবে ত্বম্ |
১৫ ক
সঞ্জয় উবাচ:
তয়া ধৃত্যা সূতপুত্রং জহি ত্ব; মহং বৈনং গদয়া পোথয়িষ্যে ||
১৫ খ
সঞ্জয় উবাচ:
অথাব্রবীদ্বাসুদেবোঽপি পার্থং; দৃষ্ট্বা রথেষূন্প্রতিহন্যমানান্ |
১৬ ক
সঞ্জয় উবাচ:
অমীমৃদৎসর্বথা তেঽদ্য কর্ণো; হ্যস্ত্রৈরস্ত্রাণি কিমিদং কিরীটিন্ ||
১৬ খ
সঞ্জয় উবাচ:
স বীর কিং মুহ্যসি নাবধীয়সে; নদন্ত্যেতে কুরবঃ সম্প্রহৃষ্টাঃ |
১৭ ক
সঞ্জয় উবাচ:
কর্ণং পুরস্কৃত্য বিদুর্হি সর্বে; ত্বদস্ত্রমস্ত্রৈর্বিনিপাত্যমানম্ ||
১৭ খ
সঞ্জয় উবাচ:
যয়া ধৃত্যা নিহতং তামসাস্ত্রং; যুগে যুগে রাক্ষসাশ্চাপি ঘোরাঃ |
১৮ ক
সঞ্জয় উবাচ:
দম্ভোদ্ভবাশ্চাসুরাশ্চাহবেষু; তয়া ধৃত্যা ত্বং জহি সূতপুত্রম্ ||
১৮ খ
সঞ্জয় উবাচ:
অনেন বাস্য ক্ষুরনেমিনাদ্য; সঞ্ছিন্দ্ধি মূর্ধানমরেঃ প্রসহ্য |
১৯ ক
সঞ্জয় উবাচ:
ময়া নিসৃষ্টেন সুদর্শনেন; বজ্রেণ শক্রো নমুচেরিবারেঃ ||
১৯ খ
সঞ্জয় উবাচ:
কিরাতরূপী ভগবান্যযা চ; ত্বয়া মহত্যা পরিতোষিতোঽভূৎ |
২০ ক
সঞ্জয় উবাচ:
তাং ত্বং ধৃতিং বীর পুনর্গৃহীত্বা; সহানুবন্ধং জহি সূতপুত্রম্ ||
২০ খ
সঞ্জয় উবাচ:
ততো মহীং সাগরমেখলাং ত্বং; সপত্তনাং গ্রামবতীং সমৃদ্ধাম্ |
২১ ক
সঞ্জয় উবাচ:
প্রয়চ্ছ রাজ্ঞে নিহতারিসঙ্ঘাং; যশশ্চ পার্থাতুলমাপ্নুহি ত্বম্ ||
২১ খ
সঞ্জয় উবাচ:
সঞ্চোদিতো ভীমজনার্দনাভ্যাং; স্মৃত্বা তদাত্মানমবেক্ষ্য সত্ত্বম্ |
২২ ক
সঞ্জয় উবাচ:
মহাত্মনশ্চাগমনে বিদিত্বা; প্রয়োজনং কেশবমিত্যুবাচ ||
২২ খ
সঞ্জয় উবাচ:
প্রাদুষ্করোম্যেষ মহাস্ত্রমুগ্রং; শিবায় লোকস্য বধায় সৌতেঃ |
২৩ ক
সঞ্জয় উবাচ:
তন্মেঽনুজানাতু ভবান্সুরাশ্চ; ব্রহ্মা ভবো ব্রহ্মবিদশ্চ সর্বে ||
২৩ খ
সঞ্জয় উবাচ:
ইত্যূচিবান্ব্রাহ্মমসহ্যমস্ত্রং; প্রাদুশ্চক্রে মনসা সংবিধেয়ম্ |
২৪ ক
সঞ্জয় উবাচ:
ততো দিশশ্চ প্রদিশশ্চ সর্বাঃ; সমাবৃণোৎসায়কৈর্ভূরিতেজাঃ |
২৪ খ
সঞ্জয় উবাচ:
সসর্জ বাণান্ভরতর্ষভোঽপি; শতংশতানেকবদাশুবেগান্ ||
২৪ গ
সঞ্জয় উবাচ:
বৈকর্তনেনাপি তথাজিমধ্যে; সহস্রশো বাণগণা বিসৃষ্টাঃ |
২৫ ক
সঞ্জয় উবাচ:
তে ঘোষিণঃ পাণ্ডবমভ্যুপেয়ুঃ; পর্জন্যমুক্তা ইব বারিধারাঃ ||
২৫ খ
সঞ্জয় উবাচ:
স ভীমসেনং চ জনার্দনং চ; কিরীটিনং চাপ্যমনুষ্যকর্মা |
২৬ ক
সঞ্জয় উবাচ:
ত্রিভিস্ত্রিভির্ভীমবলো নিহত্য; ননাদ ঘোরং মহতা স্বরেণ ||
২৬ খ
সঞ্জয় উবাচ:
স কর্ণবাণাভিহতঃ কিরীটী; ভীমং তথা প্রেক্ষ্য জনার্দনং চ |
২৭ ক
সঞ্জয় উবাচ:
অমৃষ্যমাণঃ পুনরেব পার্থঃ; শরান্দশাষ্টৌ চ সমুদ্ববর্হ ||
২৭ খ
সঞ্জয় উবাচ:
সুষেণমেকেন শরেণ বিদ্ধ্বা; শল্যং চতুর্ভিস্ত্রিভিরেব কর্ণম্ |
২৮ ক
সঞ্জয় উবাচ:
ততঃ সুমুক্তৈর্দশভির্জঘান; সভাপতিং কাঞ্চনবর্মনদ্ধম্ ||
২৮ খ
সঞ্জয় উবাচ:
স রাজপুত্রো বিশিরা বিবাহু; র্বিবাজিসূতো বিধনুর্বিকেতুঃ |
২৯ ক
সঞ্জয় উবাচ:
ততো রথাগ্রাদপতৎপ্রভগ্নঃ; পরশ্বধৈঃ শাল ইবাভিকৃত্তঃ ||
২৯ খ
সঞ্জয় উবাচ:
পুনশ্চ কর্ণং ত্রিভিরষ্টভিশ্চ; দ্বাভ্যাং চতুর্ভির্দশভিশ্চ বিদ্ধ্বা |
৩০ ক
সঞ্জয় উবাচ:
চতুঃশতান্দ্বিরদান্সায়ুধীয়া; ন্হত্বা রথানষ্টশতং জঘান |
৩০ খ
সঞ্জয় উবাচ:
সহস্রমশ্বাংশ্চ পুনশ্চ সাদী; নষ্টৌ সহস্রাণি চ পত্তিবীরান্ ||
৩০ গ
সঞ্জয় উবাচ:
দৃষ্ট্বাজিমুখ্যাবথ যুধ্যমানৌ; দিদৃক্ষবঃ শূরবরাবরিঘ্নৌ |
৩১ ক
সঞ্জয় উবাচ:
কর্ণং চ পার্থং চ নিয়ম্য বাহা; ন্খস্থা মহীস্থাশ্চ জনাবতস্থুঃ ||
৩১ খ
সঞ্জয় উবাচ:
ততো ধনুর্জ্যা সহসাতিকৃষ্টা; সুঘোষমাচ্ছিদ্যত পাণ্ডবস্য |
৩২ ক
সঞ্জয় উবাচ:
তস্মিন্ক্ষণে সূতপুত্রস্তু পার্থং; সমাচিনোৎক্ষুদ্রকাণাং শতেন ||
৩২ খ
সঞ্জয় উবাচ:
নির্মুক্তসর্পপ্রতিমৈশ্চ তীক্ষ্ণৈ; স্তৈলপ্রধৌতৈঃ খগপত্রবাজৈঃ |
৩৩ ক
সঞ্জয় উবাচ:
ষষ্ট্যা নারাচৈর্বাসুদেবং বিভেদ; তদন্তরং সোমকাঃ প্রাদ্রবন্ত ||
৩৩ খ
সঞ্জয় উবাচ:
ততো ধনুর্জ্যামবধম্য শীঘ্রং; শরানস্তানাধিরথের্বিধম্য |
৩৪ ক
সঞ্জয় উবাচ:
সুসংরব্ধঃ কর্ণশরক্ষতাঙ্গো; রণে পার্থঃ সোমকান্প্রত্যগৃহ্ণাৎ |
৩৪ খ
সঞ্জয় উবাচ:
ন পক্ষিণঃ সম্পতন্ত্যন্তরিক্ষে; ক্ষেপীয়সাস্ত্রেণ কৃতেঽন্ধকারে ||
৩৪ গ
সঞ্জয় উবাচ:
শল্যং চ পার্থো দশভিঃ পৃষৎকৈ; র্ভৃশং তনুত্রে প্রহসন্নবিধ্যৎ |
৩৫ ক
সঞ্জয় উবাচ:
ততঃ কর্ণং দ্বাদশভিঃ সুমুক্তৈ; র্বিদ্ধ্বা পুনঃ সপ্তভিরভ্যবিধ্যৎ ||
৩৫ খ
সঞ্জয় উবাচ:
স পার্থবাণাসনবেগনুন্নৈ; র্দৃঢাহতঃ পত্রিভিরুগ্রবেগৈঃ |
৩৬ ক
সঞ্জয় উবাচ:
বিভিন্নগাত্রঃ ক্ষতজোক্ষিতাঙ্গঃ; কর্ণো বভৌ রুদ্র ইবাততেষুঃ ||
৩৬ খ
সঞ্জয় উবাচ:
ততস্ত্রিভিশ্চ ত্রিদশাধিপোপমং; শরৈর্বিভেদাধিরথির্ধনঞ্জয়ম্ |
৩৭ ক
সঞ্জয় উবাচ:
শরাংস্তু পঞ্চ জ্বলিতানিবোরগা; ন্প্রবীরয়ামাস জিঘাংসুরচ্যুতে ||
৩৭ খ
সঞ্জয় উবাচ:
তে বর্ম ভিত্ত্বা পুরুষোত্তমস্য; সুবর্ণচিত্রং ন্যপতন্সুমুক্তাঃ |
৩৮ ক
সঞ্জয় উবাচ:
বেগেন গামাবিবিশুঃ সুবেগাঃ; স্নাত্বা চ কর্ণাভিমুখাঃ প্রতীয়ুঃ ||
৩৮ খ
সঞ্জয় উবাচ:
তান্পঞ্চভল্লৈস্ত্বরিতৈঃ সুমুক্তৈ; স্ত্রিধা ত্রিধৈকৈকমথোচ্চকর্ত |
৩৯ ক
সঞ্জয় উবাচ:
ধনঞ্জয়স্তে ন্যপতন্পৃথিব্যাং; মহাহয়স্তক্ষকপুত্রপক্ষাঃ ||
৩৯ খ
সঞ্জয় উবাচ:
ততঃ প্রজজ্বাল কিরীটমালী; ক্রোধেন কক্ষং প্রদহন্নিবাগ্নিঃ |
৪০ ক
সঞ্জয় উবাচ:
স কর্ণমাকর্ণবিকৃষ্টসৃষ্টৈঃ; শরৈঃ শরীরান্তকরৈর্জ্বলদ্ভিঃ |
৪০ খ
সঞ্জয় উবাচ:
মর্মস্ববিধ্যৎস চচাল দুঃখা; দ্ধৈর্যাত্তু তস্থাবতিমাত্রধৈর্যঃ ||
৪০ গ
সঞ্জয় উবাচ:
ততঃ শরৌঘৈঃ প্রদিশো দিশশ্চ; রবিপ্রভা কর্ণরথশ্চ রাজন্ |
৪১ ক
সঞ্জয় উবাচ:
অদৃশ্য আসীৎকুপিতে ধনঞ্জয়ে; তুষারনীহারবৃতং যথা নভঃ ||
৪১ খ
সঞ্জয় উবাচ:
স চক্ররক্ষানথ পাদরক্ষা; ন্পুরঃসরান্পৃষ্ঠগোপাংশ্চ সর্বান্ |
৪২ ক
সঞ্জয় উবাচ:
দুর্যোধনেনানুমতানরিঘ্না; ন্সমুচ্চিতান্সুরথান্সারভূতান্ ||
৪২ খ
সঞ্জয় উবাচ:
দ্বিসাহস্রান্সমরে সব্যসাচী; কুরুপ্রবীরানৃষভঃ কুরূণাম্ |
৪৩ ক
সঞ্জয় উবাচ:
ক্ষণেন সর্বান্সরথাশ্বসূতা; ন্নিনায় রাজন্ক্ষয়মেকবীরঃ ||
৪৩ খ
সঞ্জয় উবাচ:
অথাপলায়ন্ত বিহায় কর্ণং; তবাত্মজাঃ কুরবশ্চাবশিষ্টাঃ |
৪৪ ক
সঞ্জয় উবাচ:
হতানবাকীর্য শরক্ষতাংশ্চ; লালপ্যমানাংস্তনয়ান্পিতৄংশ্চ ||
৪৪ খ
সঞ্জয় উবাচ:
স সর্বতঃ প্রেক্ষ্য দিশো বিশূন্যা; ভয়াবদীর্ণৈঃ কুরুভির্বিহীনঃ |
৪৫ ক
সঞ্জয় উবাচ:
ন বিব্যথে ভারত তত্র কর্ণঃ; প্রতীপমেবার্জুনমভ্যধাবৎ ||
৪৫ খ