সঞ্জয় উবাচ:
ততোঽপয়াতাঃ শরপাতমাত্র; মবস্থিতাঃ কুরবো ভিন্নসেনাঃ |
১ ক
সঞ্জয় উবাচ:
বিদ্যুৎপ্রকাশং দদৃশুঃ সমন্তা; দ্ধনঞ্জয়াস্ত্রং সমুদীর্যমাণম্ ||
১ খ
সঞ্জয় উবাচ:
তদর্জুনাস্ত্রং গ্রসতে স্ম বীরা; ন্বিয়ত্তথাকাশমনন্তঘোষম্ |
২ ক
সঞ্জয় উবাচ:
ক্রুদ্ধেন পার্থেন তদাশু সৃষ্টং; বধায় কর্ণস্য মহাবিমর্দে ||
২ খ
সঞ্জয় উবাচ:
রামাদুপাত্তেন মহামহিম্না; আথর্বণেনারিবিনাশনেন |
৩ ক
সঞ্জয় উবাচ:
তদর্জুনাস্ত্রং ব্যধমদ্দহন্তং; পার্থং চ বাণৈর্নিশিতৈর্নিজঘ্নে ||
৩ খ
সঞ্জয় উবাচ:
ততো বিমর্দঃ সুমহান্বভূব; তস্যার্জুনস্যাধিরথেশ্চ রাজন্ |
৪ ক
সঞ্জয় উবাচ:
অন্যোন্যমাসাদয়তোঃ পৃষৎকৈ; র্বিষাণঘাতৈর্দ্বিপয়োরিবোগ্রৈঃ ||
৪ খ
সঞ্জয় উবাচ:
ততো রিপুঘ্নং সমধত্ত কর্ণঃ; সুসংশিতং সর্পমুখং জ্বলন্তম্ |
৫ ক
সঞ্জয় উবাচ:
রৌদ্রং শরং সংয়তি সুপ্রধৌতং; পার্থার্থমত্যর্থচিরায় গুপ্তম্ ||
৫ খ
সঞ্জয় উবাচ:
সদার্চিতং চন্দনচূর্ণশায়িনং; সুবর্ণনালীশয়নং মহাবিষম্ |
৬ ক
সঞ্জয় উবাচ:
প্রদীপ্তমৈরাবতবংশসম্ভবং; শিরো জিহীর্ষুর্যুধি ফল্গুনস্য ||
৬ খ
সঞ্জয় উবাচ:
তমব্রবীন্মদ্ররাজো মহাত্মা; বৈকর্তনং প্রেক্ষ্য হি সংহিতেষুম্ |
৭ ক
সঞ্জয় উবাচ:
ন কর্ণ গ্রীবামিষুরেষ প্রাপ্স্যতে; সংলক্ষ্য সন্ধৎস্ব শরং শিরোঘ্নম্ ||
৭ খ
সঞ্জয় উবাচ:
অথাব্রবীৎক্রোধসংরক্তনেত্রঃ; কর্ণঃ শল্যং সন্ধিতেষুঃ প্রসহ্য |
৮ ক
সঞ্জয় উবাচ:
ন সন্ধত্তে দ্বিঃ শরং শল্য কর্ণো; ন মাদৃশাঃ শাঠ্যযুক্তা ভবন্তি ||
৮ খ
সঞ্জয় উবাচ:
তথৈবমুক্ত্বা বিসসর্জ তং শরং; বলাহকং বর্ষঘনাভিপূজিতম্ |
৯ ক
সঞ্জয় উবাচ:
হতোঽসি বৈ ফল্গুন ইত্যবোচ; ত্ততস্ত্বরন্নূর্জিতমুৎসসর্জ ||
৯ খ
সঞ্জয় উবাচ:
সন্ধীয়মানং ভুজগং দৃষ্ট্বা কর্ণেন মাধবঃ |
১০ ক
সঞ্জয় উবাচ:
আক্রম্য স্যন্দনং পদ্ভ্যাং বলেন বলিনাং বরঃ ||
১০ খ
সঞ্জয় উবাচ:
অবগাঢে রথে ভূমৌ জানুভ্যামগমন্হয়াঃ |
১১ ক
সঞ্জয় উবাচ:
ততঃ শরঃ সোঽভ্যহনৎকিরীটং তস্য ধীমতঃ ||
১১ খ
সঞ্জয় উবাচ:
অথার্জুনস্যোত্তমগাত্রভূষণং; ধরাবিয়দ্দ্যোসলিলেষু বিশ্রুতম্ |
১২ ক
সঞ্জয় উবাচ:
বলাস্ত্রসর্গোত্তময়ত্নমন্যুভিঃ; শরেণ মূর্ধ্নঃ স জহার সূতজঃ ||
১২ খ
সঞ্জয় উবাচ:
দিবাকরেন্দুজ্বলনগ্রহত্বিষং; সুবর্ণমুক্তামণিজালভূষিতম্ |
১৩ ক
সঞ্জয় উবাচ:
পুরন্দরার্থং তপসা প্রয়ত্নতঃ; স্বয়ং কৃতং যদ্ভুবনস্য সূনুনা ||
১৩ খ
সঞ্জয় উবাচ:
মহার্হরূপং দ্বিষতাং ভয়ঙ্করং; বিভাতি চাত্যর্থসুখং সুগন্ধি তৎ |
১৪ ক
সঞ্জয় উবাচ:
নিজঘ্নুষে দেবরিপূন্সুরেশ্বরঃ; স্বয়ং দদৌ যৎসুমনাঃ কিরীটিনে ||
১৪ খ
সঞ্জয় উবাচ:
হরাম্বুপাখণ্ডলবিত্তগোপ্তৃভিঃ; পিনাকপাশাশনিসায়কোত্তমৈঃ |
১৫ ক
সঞ্জয় উবাচ:
সুরোত্তমৈরপ্যবিষহ্যমর্দিতুং; প্রসহ্য নাগেন জহার যদ্বৃষঃ ||
১৫ খ
সঞ্জয় উবাচ:
তদুত্তমেষূন্মথিতং বিষাগ্নিনা; প্রদীপ্তমর্চিষ্মদভিক্ষিতি প্রিয়ম্ |
১৬ ক
সঞ্জয় উবাচ:
পপাত পার্থস্য কিরীটমুত্তমং; দিবাকরোঽস্তাদিব পর্বতাজ্জ্বলন্ ||
১৬ খ
সঞ্জয় উবাচ:
ততঃ কিরীটং বহুরত্নমণ্ডিতং; জহার নাগোঽর্জুনমূর্ধতো বলাৎ |
১৭ ক
সঞ্জয় উবাচ:
গিরেঃ সুজাতাঙ্কুরপুষ্পিতদ্রুমং; মহেন্দ্রবজ্রঃ শিখরং যথোত্তমম্ ||
১৭ খ
সঞ্জয় উবাচ:
মহী বিয়দ্দ্যৌঃ সলিলানি বায়ুনা; যথা বিভিন্নানি বিভান্তি ভারত |
১৮ ক
সঞ্জয় উবাচ:
তথৈব শব্দো ভুবনেষ্বভূত্তদা; জনা ব্যবস্যন্ব্যথিতাশ্চ চস্খলুঃ ||
১৮ খ
সঞ্জয় উবাচ:
ততঃ সমুদ্গ্রথ্য সিতেন বাসসা; স্বমূর্ধজানব্যথিতঃ স্থিতোঽর্জুনঃ |
১৯ ক
সঞ্জয় উবাচ:
বিভাতি সম্পূর্ণমরীচিভাস্বতা; শিরোগতেনোদয়পর্বতো যথা ||
১৯ খ
সঞ্জয় উবাচ:
বলাহকঃ কর্ণভুজেরিতস্ততো; হুতাশনার্কপ্রতিমদ্যুতির্মহান্ |
২০ ক
সঞ্জয় উবাচ:
মহোরগঃ কৃতবৈরোঽর্জুনেন; কিরীটমাসাদ্য সমুৎপপাত ||
২০ খ
সঞ্জয় উবাচ:
তমব্রবীদ্বিদ্ধি কৃতাগসং মে; কৃষ্ণাদ্য মাতুর্বধজাতবৈরম্ |
২১ ক
সঞ্জয় উবাচ:
ততঃ কৃষ্ণঃ পার্থমুবাচ সঙ্খ্যে; মহোরগং কৃতবৈরং জহি ত্বম্ ||
২১ খ
সঞ্জয় উবাচ:
স এবমুক্তো মধুসূদনেন; গাণ্ডীবধন্বা রিপুষূগ্রধন্বা |
২২ ক
সঞ্জয় উবাচ:
উবাচ কো ন্বেষ মমাদ্য নাগঃ; স্বয়ং য আগাদ্গরুডস্য বক্ত্রম্ ||
২২ খ
কৃষ্ণ উবাচ:
যোঽসৌ ত্বয়া খাণ্ডবে চিত্রভানুং; সন্তর্পয়ানেন ধনুর্ধরেণ |
২৩ ক
কৃষ্ণ উবাচ:
বিয়দ্গতো বাণনিকৃত্তদেহো; হ্যনেকরূপো নিহতাস্য মাতা ||
২৩ খ
কৃষ্ণ উবাচ:
ততস্তু জিষ্ণুঃ পরিহৃত্য শেষাং; শ্চিচ্ছেদ ষড্ভির্নিশিতৈঃ সুধারৈঃ |
২৪ ক
কৃষ্ণ উবাচ:
নাগং বিয়ত্তির্যগিবোৎপতন্তং; স ছিন্নগাত্রো নিপপাত ভূমৌ ||
২৪ খ
কৃষ্ণ উবাচ:
তস্মিন্মুহূর্তে দশভিঃ পৃষৎকৈঃ; শিলাশিতৈর্বর্হিণবাজিতৈশ্চ |
২৫ ক
কৃষ্ণ উবাচ:
বিব্যাধ কর্ণঃ পুরুষপ্রবীরং; ধনঞ্জয়ং তির্যগবেক্ষমাণম্ ||
২৫ খ
কৃষ্ণ উবাচ:
ততোঽর্জুনো দ্বাদশভির্বিমুক্তৈ; রাকর্ণমুক্তৈর্নিশিতৈঃ সমর্প্য |
২৬ ক
কৃষ্ণ উবাচ:
নারাচমাশীবিষতুল্যবেগ; মাকর্ণপূর্ণায়তমুৎসসর্জ ||
২৬ খ
কৃষ্ণ উবাচ:
স চিত্রবর্মেষুবরো বিদার্য; প্রাণান্নিরস্যন্নিব সাধু মুক্তঃ |
২৭ ক
কৃষ্ণ উবাচ:
কর্ণস্য পীত্বা রুধিরং বিবেশ; বসুন্ধরাং শোণিতবাজদিগ্ধঃ ||
২৭ খ
কৃষ্ণ উবাচ:
ততো বৃষো বাণনিপাতকোপিতো; মহোরগো দণ্ডবিঘট্টিতো যথা |
২৮ ক
কৃষ্ণ উবাচ:
তথাশুকারী ব্যসৃজচ্ছরোত্তমা; ন্মহাবিষঃ সর্প ইবোত্তমং বিষম্ ||
২৮ খ
কৃষ্ণ উবাচ:
জনার্দনং দ্বাদশভিঃ পরাভিন; ন্নবৈর্নবত্যা চ শরৈস্তথার্জুনম্ |
২৯ ক
কৃষ্ণ উবাচ:
শরেণ ঘোরেণ পুনশ্চ পাণ্ডবং; বিভিদ্য কর্ণোঽভ্যনদজ্জহাস চ ||
২৯ খ
কৃষ্ণ উবাচ:
তমস্য হর্ষং মমৃষে ন পাণ্ডবো; বিভেদ মর্মাণি ততোঽস্য মর্মবিৎ |
৩০ ক
কৃষ্ণ উবাচ:
পরং শরৈঃ পত্রিভিরিন্দ্রবিক্রম; স্তথা যথেন্দ্রো বলমোজসাহনৎ ||
৩০ খ
কৃষ্ণ উবাচ:
ততঃ শরাণাং নবতীর্নবার্জুনঃ; সসর্জ কর্ণেঽন্তকদণ্ডসংনিভাঃ |
৩১ ক
কৃষ্ণ উবাচ:
শরৈর্ভৃশায়স্ততনুঃ প্রবিব্যথে; তথা যথা বজ্রবিদারিতোঽচলঃ ||
৩১ খ
কৃষ্ণ উবাচ:
মণিপ্রবেকোত্তমবজ্রহাটকৈ; রলঙ্কৃতং চাস্য বরাঙ্গভূষণম্ |
৩২ ক
কৃষ্ণ উবাচ:
প্রবিদ্ধমুর্ব্যাং নিপপাত পত্রিভি; র্ধনঞ্জয়েনোত্তমকুণ্ডলেঽপি চ ||
৩২ খ
কৃষ্ণ উবাচ:
মহাধনং শিল্পিবরৈঃ প্রয়ত্নতঃ; কৃতং যদস্যোত্তমবর্ম ভাস্বরম্ |
৩৩ ক
কৃষ্ণ উবাচ:
সুদীর্ঘকালেন তদস্য পাণ্ডবঃ; ক্ষণেন বাণৈর্বহুধা ব্যশাতয়ৎ ||
৩৩ খ
কৃষ্ণ উবাচ:
স তং বিবর্মাণমথোত্তমেষুভিঃ; শরৈশ্চতুর্ভিঃ কুপিতঃ পরাভিনৎ |
৩৪ ক
কৃষ্ণ উবাচ:
স বিব্যথেঽত্যর্থমরিপ্রহারিতো; যথাতুরঃ পিত্তকফানিলব্রণৈঃ ||
৩৪ খ
কৃষ্ণ উবাচ:
মহাধনুর্মণ্ডলনিঃসৃতৈঃ শিতৈঃ; ক্রিয়াপ্রয়ত্নপ্রহিতৈর্বলেন চ |
৩৫ ক
কৃষ্ণ উবাচ:
ততক্ষ কর্ণং বহুভিঃ শরোত্তমৈ; র্বিভেদ মর্মস্বপি চার্জুনস্ত্বরন্ ||
৩৫ খ
কৃষ্ণ উবাচ:
দৃঢাহতঃ পত্রিভিরুগ্রবেগৈঃ; পার্থেন কর্ণো বিবিধৈঃ শিতাগ্রৈঃ |
৩৬ ক
কৃষ্ণ উবাচ:
বভৌ গিরির্গৈরিকধাতুরক্তঃ; ক্ষরন্প্রপাতৈরিব রক্তমম্ভঃ ||
৩৬ খ
কৃষ্ণ উবাচ:
সাশ্বং তু কর্ণং সরথং কিরীটী; সমাচিনোদ্ভারত বৎসদন্তৈঃ |
৩৭ ক
কৃষ্ণ উবাচ:
প্রচ্ছাদয়ামাস দিশশ্চ বাণৈঃ; সর্বপ্রয়ত্নাত্তপনীয়পুঙ্খৈঃ ||
৩৭ খ
কৃষ্ণ উবাচ:
স বৎসদন্তৈঃ পৃথুপীনবক্ষাঃ; সমাচিতঃ স্মাধিরথির্বিভাতি |
৩৮ ক
কৃষ্ণ উবাচ:
সুপুষ্পিতাশোকপলাশশাল্মলি; র্যথাচলঃ স্পন্দনচন্দনায়ুতঃ ||
৩৮ খ
কৃষ্ণ উবাচ:
শরৈঃ শরীরে বহুধা সমর্পিতৈ; র্বিভাতি কর্ণঃ সমরে বিশাং পতে |
৩৯ ক
কৃষ্ণ উবাচ:
মহীরুহৈরাচিতসানুকন্দরো; যথা মহেন্দ্রঃ শুভকর্ণিকারবান্ ||
৩৯ খ
কৃষ্ণ উবাচ:
স বাণসঙ্ঘান্ধনুষা ব্যবাসৃজ; ন্বিভাতি কর্ণঃ শরজালরশ্মিবান্ |
৪০ ক
কৃষ্ণ উবাচ:
সলোহিতো রক্তগভস্তিমণ্ডলো; দিবাকরোঽস্তাভিমুখো যথা তথা ||
৪০ খ
কৃষ্ণ উবাচ:
বাহ্বন্তরাদাধিরথের্বিমুক্তা; ন্বাণান্মহাহীনিব দীপ্যমানান্ |
৪১ ক
কৃষ্ণ উবাচ:
ব্যধ্বংসয়ন্নর্জুনবাহুমুক্তাঃ; শরাঃ সমাসাদ্য দিশঃ শিতাগ্রাঃ ||
৪১ খ
কৃষ্ণ উবাচ:
ততশ্চক্রমপতত্তস্য ভূমৌ; স বিহ্বলঃ সমরে সূতপুত্রঃ |
৪২ ক
কৃষ্ণ উবাচ:
ঘূর্ণে রথে ব্রাহ্মণস্যাভিশাপা; দ্রামাদুপাত্তেঽপ্রতিভাতি চাস্ত্রে ||
৪২ খ
কৃষ্ণ উবাচ:
অমৃষ্যমাণো ব্যসনানি তানি; হস্তৌ বিধুন্বন্স বিগর্হমাণঃ |
৪৩ ক
কৃষ্ণ উবাচ:
ধর্মপ্রধানানভিপাতি ধর্ম; ইত্যব্রুবন্ধর্মবিদঃ সদৈব |
৪৩ খ
কৃষ্ণ উবাচ:
মমাপি নিম্নোঽদ্য ন পাতি ভক্তা; ন্মন্যে ন নিত্যং পরিপাতি ধর্মঃ ||
৪৩ গ
কৃষ্ণ উবাচ:
এবং ব্রুবন্প্রস্খলিতাশ্বসূতো; বিচাল্যমানোঽর্জুনশস্ত্রপাতৈঃ |
৪৪ ক
কৃষ্ণ উবাচ:
মর্মাভিঘাতাচ্চলিতঃ ক্রিয়াসু; পুনঃ পুনর্ধর্মমগর্হদাজৌ ||
৪৪ খ
কৃষ্ণ উবাচ:
ততঃ শরৈর্ভীমতরৈরবিধ্যত্ত্রিভিরাহবে |
৪৫ ক
কৃষ্ণ উবাচ:
হস্তে কর্ণস্তদা পার্থমভ্যবিধ্যচ্চ সপ্তভিঃ ||
৪৫ খ
কৃষ্ণ উবাচ:
ততোঽর্জুনঃ সপ্তদশ তিগ্মতেজানজিহ্মগান্ |
৪৬ ক
কৃষ্ণ উবাচ:
ইন্দ্রাশনিসমান্ঘোরানসৃজৎপাবকোপমান্ ||
৪৬ খ
কৃষ্ণ উবাচ:
নির্ভিদ্য তে ভীমবেগা ন্যপতন্পৃথিবীতলে |
৪৭ ক
কৃষ্ণ উবাচ:
কম্পিতাত্মা তথা কর্ণঃ শক্ত্যা চেষ্টামদর্শয়ৎ ||
৪৭ খ
কৃষ্ণ উবাচ:
বলেনাথ স সংস্তভ্য ব্রহ্মাস্ত্রং সমুদৈরয়ৎ |
৪৮ ক
কৃষ্ণ উবাচ:
ঐন্দ্রাস্ত্রমর্জুনশ্চাপি তদ্দৃষ্ট্বাভিন্যমন্ত্রয়ৎ ||
৪৮ খ
কৃষ্ণ উবাচ:
গাণ্ডীবং জ্যাং চ বাণাংশ্চ অনুমন্ত্র্য ধনঞ্জয়ঃ |
৪৯ ক
কৃষ্ণ উবাচ:
অসৃজচ্ছরবর্ষাণি বর্ষাণীব পুরন্দরঃ ||
৪৯ খ
কৃষ্ণ উবাচ:
ততস্তেজোময়া বাণা রথাৎপার্থস্য নিঃসৃতাঃ |
৫০ ক