সঞ্জয় উবাচ:
অথাব্রবীদ্বাসুদেবো রথস্থো; রাধেয় দিষ্ট্যা স্মরসীহ ধর্মম্ |
১ ক
সঞ্জয় উবাচ:
প্রায়েণ নীচা ব্যসনেষু মগ্না; নিন্দন্তি দৈবং কুকৃতং ন তত্তৎ ||
১ খ
সঞ্জয় উবাচ:
যদ্দ্রৌপদীমেকবস্ত্রাং সভায়া; মানায়্য ত্বং চৈব সুয়োধনশ্চ |
২ ক
সঞ্জয় উবাচ:
দুঃশাসনঃ শকুনিঃ সৌবলশ্চ; ন তে কর্ণ প্রত্যভাত্তত্র ধর্মঃ ||
২ খ
সঞ্জয় উবাচ:
যদা সভায়াং কৌন্তেয়মনক্ষজ্ঞং যুধিষ্ঠিরম্ |
৩ ক
সঞ্জয় উবাচ:
অক্ষজ্ঞঃ শকুনির্জেতা তদা ধর্মঃ ক্ব তে গতঃ ||
৩ খ
সঞ্জয় উবাচ:
যদা রজস্বলাং কৃষ্ণাং দুঃশাসনবশে স্থিতাম্ |
৪ ক
সঞ্জয় উবাচ:
সভায়াং প্রাহসঃ কর্ণ ক্ব তে ধর্মস্তদা গতঃ ||
৪ খ
সঞ্জয় উবাচ:
রাজ্যলুব্ধঃ পুনঃ কর্ণ সমাহ্বয়সি পাণ্ডবম্ |
৫ ক
সঞ্জয় উবাচ:
গান্ধাররাজমাশ্রিত্য ক্ব তে ধর্মস্তদা গতঃ ||
৫ খ
সঞ্জয় উবাচ:
এবমুক্তে তু রাধেয়ে বাসুদেবেন পাণ্ডবম্ |
৬ ক
সঞ্জয় উবাচ:
মন্যুরভ্যাবিশত্তীব্রঃ স্মৃত্বা তত্তদ্ধনঞ্জয়ম্ ||
৬ খ
সঞ্জয় উবাচ:
তস্য ক্রোধেন সর্বেভ্যঃ স্রোতোভ্যস্তেজসোঽর্চিষঃ |
৭ ক
সঞ্জয় উবাচ:
প্রাদুরাসন্মহারাজ তদদ্ভুতমিবাভবৎ ||
৭ খ
সঞ্জয় উবাচ:
তং সমীক্ষ্য ততঃ কর্ণো ব্রহ্মাস্ত্রেণ ধনঞ্জয়ম্ |
৮ ক
সঞ্জয় উবাচ:
অভ্যবর্ষৎপুনর্যত্নমকরোদ্রথসর্জনে |
৮ খ
সঞ্জয় উবাচ:
তদস্ত্রমস্ত্রেণাবার্য প্রজহারাস্য পাণ্ডবঃ ||
৮ গ
সঞ্জয় উবাচ:
ততোঽন্যদস্ত্রং কৌন্তেয়ো দয়িতং জাতবেদসঃ |
৯ ক
সঞ্জয় উবাচ:
মুমোচ কর্ণমুদ্দিশ্য তৎপ্রজজ্বাল বৈ ভৃশম্ ||
৯ খ
সঞ্জয় উবাচ:
বারুণেন ততঃ কর্ণঃ শময়ামাস পাবকম্ |
১০ ক
সঞ্জয় উবাচ:
জীমূতৈশ্চ দিশঃ সর্বাশ্চক্রে তিমিরদুর্দিনাঃ ||
১০ খ
সঞ্জয় উবাচ:
পাণ্ডবেয়স্ত্বসম্ভ্রান্তো বায়ব্যাস্ত্রেণ বীর্যবান্ |
১১ ক
সঞ্জয় উবাচ:
অপোবাহ তদাভ্রাণি রাধেয়স্য প্রপশ্যতঃ ||
১১ খ
সঞ্জয় উবাচ:
তং হস্তিকক্ষ্যাপ্রবরং চ বাণৈঃ; সুবর্ণমুক্তামণিবজ্রমৃষ্টম্ |
১২ ক
সঞ্জয় উবাচ:
কালপ্রয়ত্নোত্তমশিল্পিয়ত্নৈঃ; কৃতং সুরূপং বিতমস্কমুচ্চৈঃ ||
১২ খ
সঞ্জয় উবাচ:
ঊর্জস্করং তব সৈন্যস্য নিত্য; মমিত্রবিত্রাসনমীড্যরূপম্ |
১৩ ক
সঞ্জয় উবাচ:
বিখ্যাতমাদিত্যসমস্য লোকে; ত্বিষা সমং পাবকভানুচন্দ্রৈঃ ||
১৩ খ
সঞ্জয় উবাচ:
ততঃ ক্ষুরেণাধিরথেঃ কিরীটী; সুবর্ণপুঙ্খেন শিতেন যত্তঃ |
১৪ ক
সঞ্জয় উবাচ:
শ্রিয়া জ্বলন্তং ধ্বজমুন্মমাথ; মহারথস্যাধিরথের্মহাত্মা ||
১৪ খ
সঞ্জয় উবাচ:
যশশ্চ ধর্মশ্চ জয়শ্চ মারিষ; প্রিয়াণি সর্বাণি চ তেন কেতুনা |
১৫ ক
সঞ্জয় উবাচ:
তদা কুরূণাং হৃদয়ানি চাপত; ন্বভূব হাহেতি চ নিস্বনো মহান্ ||
১৫ খ
সঞ্জয় উবাচ:
অথ ত্বরন্কর্ণবধায় পাণ্ডবো; মহেন্দ্রবজ্রানলদণ্ডসংনিভম্ |
১৬ ক
সঞ্জয় উবাচ:
আদত্ত পার্থোঽঞ্জলিকং নিষঙ্গা; ৎসহস্ররশ্মেরিব রশ্মিমুত্তমম্ ||
১৬ খ
সঞ্জয় উবাচ:
মর্মচ্ছিদং শোণিতমাংসদিগ্ধং; বৈশ্বানরার্কপ্রতিমং মহার্হম্ |
১৭ ক
সঞ্জয় উবাচ:
নরাশ্বনাগাসুহরং ত্র্যরত্নিং; ষড্বাজমঞ্জোগতিমুগ্রবেগম্ ||
১৭ খ
সঞ্জয় উবাচ:
সহস্রনেত্রাশনিতুল্যতেজসং; সমানক্রব্যাদমিবাতিদুঃসহম্ |
১৮ ক
সঞ্জয় উবাচ:
পিনাকনারায়ণচক্রসংনিভং; ভয়ঙ্করং প্রাণভৃতাং বিনাশনম্ ||
১৮ খ
সঞ্জয় উবাচ:
যুক্ত্বা মহাস্ত্রেণ পরেণ মন্ত্রবি; দ্বিকৃষ্য গাণ্ডীবমুবাচ সস্বনম্ |
১৯ ক
সঞ্জয় উবাচ:
অয়ং মহাস্ত্রোঽপ্রতিমো ধৃতঃ শরঃ; শরীরভিচ্চাসুহরশ্চ দুর্হৃদঃ ||
১৯ খ
সঞ্জয় উবাচ:
তপোঽস্তি তপ্তং গুরবশ্চ তোষিতা; ময়া যদিষ্টং সুহৃদাং তথা শ্রুতম্ |
২০ ক
সঞ্জয় উবাচ:
অনেন সত্যেন নিহন্ত্বয়ং শরঃ; সুদংশিতঃ কর্ণমরিং মমাজিতঃ ||
২০ খ
সঞ্জয় উবাচ:
ইত্যূচিবাংস্তং স মুমোচ বাণং; ধনঞ্জয়ঃ কর্ণবধায় ঘোরম্ |
২১ ক
সঞ্জয় উবাচ:
কৃত্যামথর্বাঙ্গিরসীমিবোগ্রাং; দীপ্তামসহ্যাং যুধি মৃত্যুনাপি ||
২১ খ
সঞ্জয় উবাচ:
ব্রুবন্কিরীটী তমতিপ্রহৃষ্টো; অয়ং শরো মে বিজয়াবহোঽস্তু |
২২ ক
সঞ্জয় উবাচ:
জিঘাংসুরর্কেন্দুসমপ্রভাবঃ; কর্ণং সমাপ্তিং নয়তাং যমায় ||
২২ খ
সঞ্জয় উবাচ:
তেনেষুবর্যেণ কিরীটমালী; প্রহৃষ্টরূপো বিজয়াবহেন |
২৩ ক
সঞ্জয় উবাচ:
জিঘাংসুরর্কেন্দুসমপ্রভেণ; চক্রে বিষক্তং রিপুমাততায়ী ||
২৩ খ
সঞ্জয় উবাচ:
তদুদ্যতাদিত্যসমানবর্চসং; শরন্নভোমধ্যগভাস্করোপমম্ |
২৪ ক
সঞ্জয় উবাচ:
বরাঙ্গমুর্ব্যামপতচ্চমূপতে; র্দিবাকরোঽস্তাদিব রক্তমণ্ডলঃ ||
২৪ খ
সঞ্জয় উবাচ:
তদস্য দেহী সততং সুখোদিতং; স্বরূপমত্যর্থমুদারকর্মণঃ |
২৫ ক
সঞ্জয় উবাচ:
পরেণ কৃচ্ছ্রেণ শরীরমত্যজ; দ্গৃহং মহর্দ্ধীব সসঙ্গমীশ্বরঃ ||
২৫ খ
সঞ্জয় উবাচ:
শরৈর্বিভুগ্নং ব্যসু তদ্বিবর্মণঃ; পপাত কর্ণস্য শরীরমুচ্ছ্রিতম্ |
২৬ ক
সঞ্জয় উবাচ:
স্রবদ্ব্রণং গৈরিকতোয়বিস্রবং; গিরের্যথা বজ্রহতং শিরস্তথা ||
২৬ খ
সঞ্জয় উবাচ:
দেহাত্তু কর্ণস্য নিপাতিতস্য; তেজো দীপ্তং খং বিগাহ্যাচিরেণ |
২৭ ক
সঞ্জয় উবাচ:
তদদ্ভুতং সর্বমনুষ্যযোধাঃ; পশ্যন্তি রাজন্নিহতে স্ম কর্ণে ||
২৭ খ
সঞ্জয় উবাচ:
তং সোমকাঃ প্রেক্ষ্য হতং শয়ানং; প্রীতা নাদং সহ সৈন্যৈরকুর্বন্ |
২৮ ক
সঞ্জয় উবাচ:
তূর্যাণি চাজঘ্নুরতীব হৃষ্টা; বাসাংসি চৈবাদুধুবুর্ভুজাংশ্চ |
২৮ খ
সঞ্জয় উবাচ:
বলান্বিতাশ্চাপ্যপরে হ্যনৃত্য; ন্নন্যোন্যমাশ্লিষ্য নদন্ত ঊচুঃ ||
২৮ গ
সঞ্জয় উবাচ:
দৃষ্ট্বা তু কর্ণং ভুবি নিষ্টনন্তং; হতং রথাৎসায়কেনাবভিন্নম্ |
২৯ ক
সঞ্জয় উবাচ:
মহানিলেনাগ্নিমিবাপবিদ্ধং; যজ্ঞাবসানে শয়নে নিশান্তে ||
২৯ খ
সঞ্জয় উবাচ:
শরৈরাচিতসর্বাঙ্গঃ শোণিতৌঘপরিপ্লুতঃ |
৩০ ক
সঞ্জয় উবাচ:
বিভাতি দেহঃ কর্ণস্য স্বরশ্মিভিরিবাংশুমান্ ||
৩০ খ
সঞ্জয় উবাচ:
প্রতাপ্য সেনামামিত্রীং দীপ্তৈঃ শরগভস্তিভিঃ |
৩১ ক
সঞ্জয় উবাচ:
বলিনার্জুনকালেন নীতোঽস্তং কর্ণভাস্করঃ ||
৩১ খ
সঞ্জয় উবাচ:
অস্তং গচ্ছন্যথাদিত্যঃ প্রভামাদায় গচ্ছতি |
৩২ ক
সঞ্জয় উবাচ:
এবং জীবিতমাদায় কর্ণস্যেষুর্জগাম হ ||
৩২ খ
সঞ্জয় উবাচ:
অপরাহ্ণে পরাহ্ণস্য সূতপুত্রস্য মারিষ |
৩৩ ক
সঞ্জয় উবাচ:
ছিন্নমঞ্জলিকেনাজৌ সোৎসেধমপতচ্ছিরঃ ||
৩৩ খ
সঞ্জয় উবাচ:
উপর্যুপরি সৈন্যানাং তস্য শত্রোস্তদঞ্জসা |
৩৪ ক
সঞ্জয় উবাচ:
শিরঃ কর্ণস্য সোৎসেধমিষুঃ সোঽপাহরদ্দ্রুতম্ ||
৩৪ খ
সঞ্জয় উবাচ:
কর্ণং তু শূরং পতিতং পৃথিব্যাং; শরাচিতং শোণিতদিগ্ধগাত্রম্ |
৩৫ ক
সঞ্জয় উবাচ:
দৃষ্ট্বা শয়ানং ভুবি মদ্ররাজ; শ্ছিন্নধ্বজেনাপয়যৌ রথেন ||
৩৫ খ
সঞ্জয় উবাচ:
কর্ণে হতে কুরবঃ প্রাদ্রবন্ত; ভয়ার্দিতা গাঢবিদ্ধাশ্চ সঙ্খ্যে |
৩৬ ক
সঞ্জয় উবাচ:
অবেক্ষমাণা মুহুরর্জুনস্য; ধ্বজং মহান্তং বপুষা জ্বলন্তম্ ||
৩৬ খ
সঞ্জয় উবাচ:
সহস্রনেত্রপ্রতিমানকর্মণঃ; সহস্রপত্রপ্রতিমাননং শুভম্ |
৩৭ ক
সঞ্জয় উবাচ:
সহস্ররশ্মির্দিনসঙ্ক্ষয়ে যথা; তথাপতত্তস্য শিরো বসুন্ধরাম্ ||
৩৭ খ