সঞ্জয় উবাচ:
শল্যস্তু কর্ণার্জুনয়োর্বিমর্দে; বলানি দৃষ্ট্বা মৃদিতানি বাণৈঃ |
১ ক
সঞ্জয় উবাচ:
দুর্যোধনং যান্তমবেক্ষমাণো; সন্দর্শয়দ্ভারত যুদ্ধভূমিম্ ||
১ খ
সঞ্জয় উবাচ:
নিপাতিতস্যন্দনবাজিনাগং; দৃষ্ট্বা বলং তদ্ধতসূতপুত্রম্ |
২ ক
সঞ্জয় উবাচ:
দুর্যোধনোঽশ্রুপ্রতিপূর্ণনেত্রো; মুহুর্মুহুর্ন্যশ্বসদার্তরূপঃ ||
২ খ
সঞ্জয় উবাচ:
কর্ণং তু শূরং পতিতং পৃথিব্যাং; শরাচিতং শোণিতদিগ্ধগাত্রম্ |
৩ ক
সঞ্জয় উবাচ:
যদৃচ্ছয়া সূর্যমিবাবনিস্থং; দিদৃক্ষবঃ সম্পরিবার্য তস্থুঃ ||
৩ খ
সঞ্জয় উবাচ:
প্রহৃষ্টবিত্রস্তবিষণ্ণবিস্মৃতা; স্তথাপরে শোকগতা ইবাভবন্ |
৪ ক
সঞ্জয় উবাচ:
পরে ত্বদীয়াশ্চ পরস্পরেণ; যথা যথৈষাং প্রকৃতিস্তথাভবন্ ||
৪ খ
সঞ্জয় উবাচ:
প্রবিদ্ধবর্মাভরণাম্বরায়ুধং; ধনঞ্জয়েনাভিহতং হতৌজসম্ |
৫ ক
সঞ্জয় উবাচ:
নিশম্য কর্ণং কুরবঃ প্রদুদ্রুবু; র্হতর্ষভা গাব ইবাকুলাকুলাঃ ||
৫ খ
সঞ্জয় উবাচ:
কৃত্বা বিমর্দং ভৃশমর্জুনেন; কর্ণং হতং কেসরিণেব নাগম্ |
৬ ক
সঞ্জয় উবাচ:
দৃষ্ট্বা শয়ানং ভুবি মদ্ররাজো; ভীতোঽপসর্পৎসরথঃ সুশীঘ্রম্ ||
৬ খ
সঞ্জয় উবাচ:
মদ্রাধিপশ্চাপি বিমূঢচেতা; স্তূর্ণং রথেনাপহৃতধ্বজেন |
৭ ক
সঞ্জয় উবাচ:
দুর্যোধনস্যান্তিকমেত্য শীঘ্রং; সম্ভাষ্য দুঃখার্তমুবাচ বাক্যম্ ||
৭ খ
সঞ্জয় উবাচ:
বিশীর্ণনাগাশ্বরথপ্রবীরং; বলং ত্বদিয়ং যমরাষ্ট্রকল্পম্ |
৮ ক
সঞ্জয় উবাচ:
অন্যোন্যমাসাদ্য হতং মহদ্ভি; র্নরাশ্বনাগৈর্গিরিকূটকল্পৈঃ ||
৮ খ
সঞ্জয় উবাচ:
নৈতাদৃশং ভারত যুদ্ধমাসী; দ্যথাদ্য কর্ণার্জুনয়োর্বভূব |
৯ ক
সঞ্জয় উবাচ:
গ্রস্তৌ হি কর্ণেন সমেত্য কৃষ্ণা; বন্যে চ সর্বে তব শত্রবো যে ||
৯ খ
সঞ্জয় উবাচ:
দৈবং তু যত্তৎস্ববশং প্রবৃত্তং; তৎপাণ্ডবান্পাতি হিনস্তি চাস্মান্ |
১০ ক
সঞ্জয় উবাচ:
তবার্থসিদ্ধ্যর্থকরা হি সর্বে; প্রসহ্য বীরা নিহতা দ্বিষদ্ভিঃ ||
১০ খ
সঞ্জয় উবাচ:
কুবেরবৈবস্বতবাসবানাং; তুল্যপ্রভাবাম্বুপতেশ্চ বীরাঃ |
১১ ক
সঞ্জয় উবাচ:
বীর্যেণ শৌর্যেণ বলেন চৈব; তৈস্তৈশ্চ যুক্তা বিপুলৈর্গুণৌঘৈঃ ||
১১ খ
সঞ্জয় উবাচ:
অবধ্যকল্পা নিহতা নরেন্দ্রা; স্তবার্থকামা যুধি পাণ্ডবেয়ৈঃ |
১২ ক
সঞ্জয় উবাচ:
তন্মা শুচো ভারত দিষ্টমেত; ৎপর্যায়সিদ্ধির্ন সদাস্তি সিদ্ধিঃ ||
১২ খ
সঞ্জয় উবাচ:
এতদ্বচো মদ্রপতের্নিশম্য; স্বং চাপনীতং মনসা নিরীক্ষ্য |
১৩ ক
সঞ্জয় উবাচ:
দুর্যোধনো দীনমনা বিসঞ্জ্ঞঃ; পুনঃ পুনর্ন্যশ্বসদার্তরূপঃ ||
১৩ খ
সঞ্জয় উবাচ:
তং ধ্যানমূকং কৃপণং ভৃশার্ত; মার্তায়নির্দীনমুবাচ বাক্যম্ |
১৪ ক
সঞ্জয় উবাচ:
পশ্যেদমুগ্রং নরবাজিনাগৈ; রায়োধনং বীরহতৈঃ প্রপন্নম্ ||
১৪ খ
সঞ্জয় উবাচ:
মহীধরাভৈঃ পতিতৈর্মহাগজৈঃ; সকৃৎপ্রবিদ্ধৈঃ শরবিদ্ধমর্মভিঃ |
১৫ ক
সঞ্জয় উবাচ:
তৈর্বিহ্বলদ্ভিশ্চ গতাসুভিশ্চ; প্রধ্বস্তয়ন্ত্রায়ুধবর্ময়োধৈঃ ||
১৫ খ
সঞ্জয় উবাচ:
বজ্রাপবিদ্ধৈরিব চাচলেন্দ্রৈ; র্বিভিন্নপাষাণমৃগদ্রুমৌষধৈঃ |
১৬ ক
সঞ্জয় উবাচ:
প্রবিদ্ধঘণ্টাঙ্কুশতোমরধ্বজৈঃ; সহেমমালৈ রুধিরৌঘসম্প্লুতৈঃ ||
১৬ খ
সঞ্জয় উবাচ:
শরাবভিন্নৈঃ পতিতৈশ্চ বাজিভিঃ; শ্বসদ্ভিরন্যৈঃ ক্ষতজং বমদ্ভিঃ |
১৭ ক
সঞ্জয় উবাচ:
দীনৈঃ স্তনদ্ভিঃ পরিবৃত্তনেত্রৈ; র্মহীং দশদ্ভিঃ কৃপণং নদদ্ভিঃ ||
১৭ খ
সঞ্জয় উবাচ:
তথাপবিদ্ধৈর্গজবাজিয়োধৈ; র্মন্দাসুভিশ্চৈব গতাসুভিশ্চ |
১৮ ক
সঞ্জয় উবাচ:
নরাশ্বনাগৈশ্চ রথৈশ্চ মর্দিতৈ; র্মহী মহাবৈতরণীব দুর্দৃশা ||
১৮ খ
সঞ্জয় উবাচ:
গজৈর্নিকৃত্তাপরহস্তগাত্রৈ; রুদ্বেপমানৈঃ পতিতৈঃ পৃথিব্যাম্ |
১৯ ক
সঞ্জয় উবাচ:
যশস্বিভির্নাগরথাশ্বয়োধিভিঃ; পদাতিভিশ্চাভিমুখৈর্হতৈঃ পরৈঃ |
১৯ খ
সঞ্জয় উবাচ:
বিশীর্ণবর্মাভরণাম্বরায়ুধৈ; র্বৃতা নিশান্তৈরিব পাবকৈর্মহী ||
১৯ গ
সঞ্জয় উবাচ:
শরপ্রহারাভিহতৈর্মহাবলৈ; রবেক্ষ্যমাণৈঃ পতিতৈঃ সহস্রশঃ |
২০ ক
সঞ্জয় উবাচ:
প্রনষ্টসঞ্জ্ঞৈঃ পুনরুচ্ছ্বসদ্ভি; র্মহী বভূবানুগতৈরিবাগ্নিভিঃ |
২০ খ
সঞ্জয় উবাচ:
দিবশ্চ্যুতৈর্ভূরতিদীপ্তিমদ্ভি; র্নক্তং গ্রহৈর্দ্যৌরমলেব দীপ্তৈঃ ||
২০ গ
সঞ্জয় উবাচ:
শরাস্তু কর্ণার্জুনবাহুমুক্তা; বিদার্য নাগাশ্বমনুষ্যদেহান্ |
২১ ক
সঞ্জয় উবাচ:
প্রাণান্নিরস্যাশু মহীমতীয়ু; র্মহোরগা বাসমিবাভিতোঽস্ত্রৈঃ ||
২১ খ
সঞ্জয় উবাচ:
হতৈর্মনুষ্যাশ্বগজৈশ্চ সঙ্খ্যে; শরাবভিন্নৈশ্চ রথৈর্বভূব |
২২ ক
সঞ্জয় উবাচ:
ধনঞ্জয়স্যাধিরথেশ্চ মার্গে; গজৈরগম্যা বসুধাতিদুর্গা ||
২২ খ
সঞ্জয় উবাচ:
রথৈর্বরেষূন্মথিতৈশ্চ যোধৈঃ; সংস্যূতসূতাশ্ববরায়ুধধ্বজৈঃ |
২৩ ক
সঞ্জয় উবাচ:
বিশীর্ণশস্ত্রৈর্বিনিকৃত্তবন্ধুরৈ; র্নিকৃত্তচক্রাক্ষয়ুগত্রিবেণুভিঃ ||
২৩ খ
সঞ্জয় উবাচ:
বিমুক্তয়ন্ত্রৈর্নিহতৈরয়স্ময়ৈ; র্হতানুষঙ্গৈর্বিনিষঙ্গবন্ধুরৈঃ |
২৪ ক
সঞ্জয় উবাচ:
প্রভগ্ননীডৈর্মণিহেমমণ্ডিতৈঃ; স্তৃতা মহী দ্যৌরিব শারদৈর্ঘনৈঃ ||
২৪ খ
সঞ্জয় উবাচ:
বিকৃষ্যমণৈর্জবনৈরলঙ্কৃতৈ; র্হতেশ্বরৈরাজিরথৈঃ সুকল্পিতৈঃ |
২৫ ক
সঞ্জয় উবাচ:
মনুষ্যমাতঙ্গরথাশ্বরাশিভি; র্দ্রুতং ব্রজন্তো বহুধা বিচূর্ণিতাঃ ||
২৫ খ
সঞ্জয় উবাচ:
সহেমপট্টাঃ পরিঘাঃ পরশ্বধাঃ; কডঙ্গরায়োমুসলানি পট্টিশাঃ |
২৬ ক
সঞ্জয় উবাচ:
পেতুশ্চ খড্গা বিমলা বিকোশা; গদাশ্চ জাম্বূনদপট্টবদ্ধাঃ ||
২৬ খ
সঞ্জয় উবাচ:
চাপানি রুক্মাঙ্গদভূষণানি; শরাশ্চ কার্তস্বরচিত্রপুঙ্খাঃ |
২৭ ক
সঞ্জয় উবাচ:
ঋষ্ট্যশ্চ পীতা বিমলা বিকোশাঃ; প্রাসাঃ সখড্গাঃ কনকাবভাসাঃ ||
২৭ খ
সঞ্জয় উবাচ:
ছত্রাণি বালব্যজনানি শঙ্খাঃ; স্রজশ্চ পুষ্পোত্তমহেমচিত্রাঃ |
২৮ ক
সঞ্জয় উবাচ:
কুথাঃ পতাকাম্বরবেষ্টিতাশ্চ; কিরীটমালা মুকুটাশ্চ শুভ্রাঃ ||
২৮ খ
সঞ্জয় উবাচ:
প্রকীর্ণকা বিপ্রকীর্ণাঃ কুথাশ্চ; প্রধানমুক্তাতরলাশ্চ হারাঃ |
২৯ ক
সঞ্জয় উবাচ:
আপীডকেয়ূরবরাঙ্গদানি; গ্রৈবেয়নিষ্কাঃ সসুবর্ণসূত্রাঃ ||
২৯ খ
সঞ্জয় উবাচ:
মণ্যুত্তমা বজ্রসুবর্ণমুক্তা; রত্নানি চোচ্চাবচমঙ্গলানি |
৩০ ক
সঞ্জয় উবাচ:
গাত্রাণি চাত্যন্তসুখোচিতানি; শিরাংসি চেন্দুপ্রতিমাননানি ||
৩০ খ
সঞ্জয় উবাচ:
দেহাংশ্চ ভোগাংশ্চ পরিচ্ছদাংশ্চ; ত্যক্ত্বা মনোজ্ঞানি সুখানি চাপি |
৩১ ক
সঞ্জয় উবাচ:
স্বধর্মনিষ্ঠাং মহতীমবাপ্য; ব্যাপ্তাংশ্চ লোকান্যশসা সমীয়ুঃ ||
৩১ খ
সঞ্জয় উবাচ:
ইত্যেবমুক্ত্বা বিররাম শল্যো; দুর্যোধনঃ শোকপরীতচেতাঃ |
৩২ ক
সঞ্জয় উবাচ:
হা কর্ণ হা কর্ণ ইতি ব্রুবাণ; আর্তো বিসঞ্জ্ঞো ভৃশমশ্রুনেত্রঃ ||
৩২ খ
সঞ্জয় উবাচ:
তং দ্রোণপুত্রপ্রমুখা নরেন্দ্রাঃ; সর্বে সমাশ্বাস্য সহ প্রয়ান্তি |
৩৩ ক
সঞ্জয় উবাচ:
নিরীক্ষমাণা মুহুরর্জুনস্য; ধ্বজং মহান্তং যশসা জ্বলন্তম্ ||
৩৩ খ
সঞ্জয় উবাচ:
নরাশ্বমাতঙ্গশরীরজেন; রক্তেন সিক্তা রুধিরেণ ভূমিঃ |
৩৪ ক
সঞ্জয় উবাচ:
রক্তাম্বরস্রক্তপনীয়যোগা; ন্নারী প্রকাশা ইব সর্বগম্যা ||
৩৪ খ
সঞ্জয় উবাচ:
প্রচ্ছন্নরূপা রুধিরেণ রাজ; ন্রৌদ্রে মুহূর্তেঽতিবিরাজমানাঃ |
৩৫ ক
সঞ্জয় উবাচ:
নৈবাবতস্থুঃ কুরবঃ সমীক্ষ্য; প্রব্রাজিতা দেবলোকাশ্চ সর্বে ||
৩৫ খ
সঞ্জয় উবাচ:
বধেন কর্ণস্য সুদুঃখিতাস্তে; হা কর্ণ হা কর্ণ ইতি ব্রুবাণাঃ |
৩৬ ক
সঞ্জয় উবাচ:
দ্রুতং প্রয়াতাঃ শিবিরাণি রাজ; ন্দিবাকরং রক্তমবেক্ষমাণাঃ ||
৩৬ খ
সঞ্জয় উবাচ:
গাণ্ডীবমুক্তৈস্তু সুবর্ণপুঙ্খৈঃ; শিতৈঃ শরৈঃ শোণিতদিগ্ধবাজৈঃ |
৩৭ ক
সঞ্জয় উবাচ:
শরৈশ্চিতাঙ্গো ভুবি ভাতি কর্ণো; হতোঽপি সন্সূর্য ইবাংশুমালী ||
৩৭ খ
সঞ্জয় উবাচ:
কর্ণস্য দেহং রুধিরাবসিক্তং; ভক্তানুকম্পী ভগবান্বিবস্বান্ |
৩৮ ক
সঞ্জয় উবাচ:
স্পৃষ্ট্বা করৈর্লোহিতরক্তরূপঃ; সিষ্ণাসুরভ্যেতি পরং সমুদ্রম্ ||
৩৮ খ
সঞ্জয় উবাচ:
ইতীব সঞ্চিন্ত্য সুরর্ষিসঙ্ঘাঃ; সম্প্রস্থিতা যান্তি যথানিকেতম্ |
৩৯ ক
সঞ্জয় উবাচ:
সঞ্চিন্তয়িত্বা চ জনা বিসস্রু; র্যথাসুখং খং চ মহীতলং চ ||
৩৯ খ
সঞ্জয় উবাচ:
তদদ্ভুতং প্রাণভৃতাং ভয়ঙ্করং; নিশম্য যুদ্ধং কুরুবীরমুখ্যযোঃ |
৪০ ক
সঞ্জয় উবাচ:
ধনঞ্জয়স্যাধিরথেশ্চ বিস্মিতাঃ; প্রশংসমানাঃ প্রয়যুস্তদা জনাঃ ||
৪০ খ
সঞ্জয় উবাচ:
শরৈঃ সঙ্কৃত্তবর্মাণং বীরং বিশসনে হতম্ |
৪১ ক
সঞ্জয় উবাচ:
গতাসুমপি রাধেয়ং নৈব লক্ষ্মীর্ব্যমুঞ্চত ||
৪১ খ
সঞ্জয় উবাচ:
নানাভরণবান্রাজন্মৃষ্টজাম্বূনদাঙ্গদঃ |
৪২ ক
সঞ্জয় উবাচ:
হতো বৈকর্তনঃ শেতে পাদপোঽঙ্কুরবানিব ||
৪২ খ
সঞ্জয় উবাচ:
কনকোত্তমসঙ্কাশঃ প্রদীপ্ত ইব পাবকঃ |
৪৩ ক
সঞ্জয় উবাচ:
সপুত্রঃ পুরুষব্যাঘ্রঃ সংশান্তঃ পার্থতেজসা |
৪৩ খ
সঞ্জয় উবাচ:
প্রতাপ্য পাণ্ডবান্রাজন্পাঞ্চালাংশ্চাস্ত্রতেজসা ||
৪৩ গ
সঞ্জয় উবাচ:
দদানীত্যেব যোঽবোচন্ন নাস্তীত্যর্থিতোঽর্থিভিঃ |
৪৪ ক
সঞ্জয় উবাচ:
সদ্ভিঃ সদা সৎপুরুষঃ স হতো দ্বৈরথে বৃষঃ ||
৪৪ খ
সঞ্জয় উবাচ:
যস্য ব্রাহ্মণসাৎসর্বমাত্মার্থং ন মহাত্মনঃ |
৪৫ ক
সঞ্জয় উবাচ:
নাদেয়ং ব্রাহ্মণেষ্বাসীদ্যস্য স্বমপি জীবিতম্ ||
৪৫ খ
সঞ্জয় উবাচ:
সদা নৄণাং প্রিয়ো দাতা প্রিয়দানো দিবং গতঃ |
৪৬ ক
সঞ্জয় উবাচ:
আদায় তব পুত্রাণাং জয়াশাং শর্ম বর্ম চ ||
৪৬ খ
সঞ্জয় উবাচ:
হতে স্ম কর্ণে সরিতো ন স্রবন্তি; জগাম চাস্তং কলুষো দিবাকরঃ |
৪৭ ক
সঞ্জয় উবাচ:
গ্রহশ্চ তির্যগ্জ্বলিতার্কবর্ণো; যমস্য পুত্রোঽভ্যুদিয়ায় রাজন্ ||
৪৭ খ
সঞ্জয় উবাচ:
নভঃ পফালাথ ননাদ চোর্বী; ববুশ্চ বাতাঃ পরুষাতিবেলম্ |
৪৮ ক
সঞ্জয় উবাচ:
দিশঃ সধূমাশ্চ ভৃশং প্রজজ্বলু; র্মহার্ণবাশ্চুক্ষুভিরে চ সস্বনাঃ ||
৪৮ খ
সঞ্জয় উবাচ:
সকাননাঃ সাদ্রিচয়াশ্চকম্পুঃ; প্রবিব্যথুর্ভূতগণাশ্চ মারিষ |
৪৯ ক