ধৃতরাষ্ট্র উবাচ:
চক্ষুষ্মতাং বৈ স্পৃহয়ামি সঞ্জয়; দ্রক্ষ্যন্তি যে বাসুদেবং সমীপে |
১ ক
ধৃতরাষ্ট্র উবাচ:
বিভ্রাজমানং বপুষা পরেণ; প্রকাশয়ন্তং প্রদিশো দিশশ্চ ||
১ খ
ধৃতরাষ্ট্র উবাচ:
ঈরয়ন্তং ভারতীং ভারতানা; মভ্যর্চনীয়াং শঙ্করীং সৃঞ্জয়ানাম্ |
২ ক
ধৃতরাষ্ট্র উবাচ:
বুভূষদ্ভির্গ্রহণীয়ামনিন্দ্যাং; পরাসূনামগ্রহণীয়রূপাম্ ||
২ খ
ধৃতরাষ্ট্র উবাচ:
সমুদ্যন্তং সাত্বতমেকবীরং; প্রণেতারমৃষভং যাদবানাম্ |
৩ ক
ধৃতরাষ্ট্র উবাচ:
নিহন্তারং ক্ষোভণং শাত্রবাণাং; মুষ্ণন্তং চ দ্বিষতাং বৈ যশাংসি ||
৩ খ
ধৃতরাষ্ট্র উবাচ:
দ্রষ্টারো হি কুরবস্তং সমেতা; মহাত্মানং শত্রুহণং বরেণ্যম্ |
৪ ক
ধৃতরাষ্ট্র উবাচ:
ব্রুবন্তং বাচমনৃশংসরূপাং; বৃষ্ণিশ্রেষ্ঠং মোহয়ন্তং মদীয়ান্ ||
৪ খ
ধৃতরাষ্ট্র উবাচ:
ঋষিং সনাতনতমং বিপশ্চিতং; বাচঃ সমুদ্রং কলশং যতীনাম্ |
৫ ক
ধৃতরাষ্ট্র উবাচ:
অরিষ্টনেমিং গরুডং সুপর্ণং; পতিং প্রজানাং ভুবনস্য ধাম ||
৫ খ
ধৃতরাষ্ট্র উবাচ:
সহস্রশীর্ষং পুরুষং পুরাণ; মনাদিমধ্যান্তমনন্তকীর্তিম্ |
৬ ক
ধৃতরাষ্ট্র উবাচ:
শুক্রস্য ধাতারমজং জনিত্রং; পরং পরেভ্যঃ শরণং প্রপদ্যে ||
৬ খ
ধৃতরাষ্ট্র উবাচ:
ত্রৈলোক্যনির্মাণকরং জনিত্রং; দেবাসুরাণামথ নাগরক্ষসাম্ |
৭ ক
ধৃতরাষ্ট্র উবাচ:
নরাধিপানাং বিদুষাং প্রধান; মিন্দ্রানুজং তং শরণং প্রপদ্যে ||
৭ খ