বৈশম্পায়ন উবাচ:
তং প্রবিষ্টং মহাত্মানং বীরমানকদুন্দুভিঃ ।
১ ক
বৈশম্পায়ন উবাচ:
পুত্রশোকেন সন্তপ্তো দদর্শ কুরুপুঙ্গবম্ ॥
১ খ
বৈশম্পায়ন উবাচ:
তস্যাশ্রুপরিপূর্ণাক্ষো ব্যূঢোরস্কো মহাভুজঃ ।
২ ক
বৈশম্পায়ন উবাচ:
আর্তস্যার্ততরঃ পার্থঃ পাদৌ জগ্রাহ ভারত ॥
২ খ
বৈশম্পায়ন উবাচ:
তস্য মূর্ধানমাঘ্রাতুমিযেষানকদুন্দুভিঃ ।
৩ ক
বৈশম্পায়ন উবাচ:
স্বস্রীয়স্য মহাবাহুর্ন শশাক চ শত্রুহন্ ॥
৩ খ
বৈশম্পায়ন উবাচ:
সমালিঙ্গ্যার্জুনং বৃদ্ধঃ স ভুজাভ্যাং মহাভুজঃ ।
৪ ক
বৈশম্পায়ন উবাচ:
রুরোদাথ স্মরং শৌরিং বিললাপ সুবিহ্বলঃ ।
৪ খ
বৈশম্পায়ন উবাচ:
ভ্রাতৄন্ পুত্রাংশ্চ পৌত্রাংশ্চ দৌহিত্রান্ স সখীনপি ॥
৪ গ
বসুদেব উবাচ:
যৈর্জিতা ভূমিপালাশ্চ দৈত্যাশ্চ শতশো'র্জুন ।
৫ ক
বসুদেব উবাচ:
তান্ সর্বান্নেহ পশ্যামি জীবাম্যর্জুন দুর্মরঃ ॥
৫ খ
বসুদেব উবাচ:
যো তাবর্জুনশিষ্যৌ তে প্রিয়ৌ বহুমতৌ সদা ।
৬ ক
বসুদেব উবাচ:
তয়োরপনয়াৎপার্থ বৃষ্ণয়ো নিধনং গতাঃ ॥
৬ খ
বসুদেব উবাচ:
যৌ তৌ বৃষ্ণিপ্রবীরাণাং দ্বাবেবাতিরথৌ মতৌ ।
৭ ক
বসুদেব উবাচ:
প্রদ্যুম্নো যুযুধানশ্চ কথয়ন্ কত্থসে চ যৌ ॥
৭ খ
বসুদেব উবাচ:
তৌ সদা কুরুশার্দূল কৃষ্ণস্য প্রিয়ভাজনৌ ।
৮ ক
বসুদেব উবাচ:
তাবুভৌ বৃষ্ণিনাশস্য মুখমাস্তাং ধনঞ্জয় ॥
৮ খ
বসুদেব উবাচ:
ন তু গর্হামি শৈনেয়ং হার্দিক্যং চাহমর্জুন ।
৯ ক
বসুদেব উবাচ:
অক্রূরং রৌক্মিণেয়ং চ শাপো হ্যেবাত্র কারণম্ ॥
৯ খ
বসুদেব উবাচ:
কেশিনং যস্তু কংসং চ বিক্রম্যি হতবান্ প্রভুঃ ।
১০ ক
বসুদেব উবাচ:
বিদেহমকরোৎপার্থং চৈদ্যং চ বলগর্বিতম্ ॥
১০ খ
বসুদেব উবাচ:
নৈষাদিমেকলব্যং চ চক্রে কালিঙ্গমাগধান্ ।
১১ ক
বসুদেব উবাচ:
গান্ধারান্ কাশিরাজং চ মরুভূমৌ চ পার্থিবান্ ॥
১১ খ
বসুদেব উবাচ:
প্রাচ্যাংশ্চ দাক্ষিণাত্যাংশ্চ পার্বতীয়াংস্তথা নৃপান্ ।
১২ ক
বসুদেব উবাচ:
সোভ্যুপেক্ষিতবানেবমনয়ান্মধুসূদনঃ ॥
১২ খ
বসুদেব উবাচ:
ত্বং হি তং নারদশ্চৈব মুনয়শ্চ সনাতনম্ ।
১৩ ক
বসুদেব উবাচ:
গোবিন্দমনঘং দেবমভিজানীধ্বমচ্যুতম্ ॥
১৩ খ
বসুদেব উবাচ:
প্রত্যপশ্যচ্চ স বিভুর্জ্ঞাতিক্ষয়মধোক্ষজঃ ।
১৪ ক
বসুদেব উবাচ:
সমুপেক্ষিতবান্নিত্যং স্বয়ং স মম পুত্রকঃ ॥
১৪ খ
বসুদেব উবাচ:
গান্ধার্যা বচনং যত্তদৃষীণাং চ পরংতপ ।
১৫ ক
বসুদেব উবাচ:
তন্নূনমন্যথা কর্তুং নৈচ্ছৎস জগতঃ প্রভুঃ ॥
১৫ খ
বসুদেব উবাচ:
প্রত্যক্ষং ভবতশ্চাপি তব পৌত্রঃ পরংতপ ।
১৬ ক
বসুদেব উবাচ:
অশ্বত্থাম্না হতশ্চাপি জীবিতস্তস্য তেজসা ।
১৬ খ
বসুদেব উবাচ:
ইমাংস্তু নৈচ্ছৎস্বান্ জ্ঞাতীন্ রক্ষিতুং চ সখা তব ॥
১৬ গ
বসুদেব উবাচ:
ততঃ পুত্রাংশ্চ পৌত্রাংশ্চ ভ্রাতৄনথ সখীংস্তথা ।
১৭ ক
বসুদেব উবাচ:
শয়ানান্নিহতান্দৃষ্ট্বা কৃষ্ণো মামব্রবীদিদম্ ॥
১৭ খ
বসুদেব উবাচ:
সম্প্রাপ্তো'দ্যায়মস্যান্তঃ কুলস্য ভরতর্ষভ ।
১৮ ক
বসুদেব উবাচ:
আগমিষ্যতি বীভৎসুরিমাং দ্বারবতীং পুরীম্ ।
১৮ খ
বসুদেব উবাচ:
আখ্যেয়ং তস্য যদ্বৃত্তং বৃষ্ণীনাং বৈশসং মহৎ ॥
১৮ গ
বসুদেব উবাচ:
স তু শ্রুত্বা মহাতেজা যদূনাং নিধনং প্রভো ।
১৯ ক
বসুদেব উবাচ:
আগন্তা ক্ষিপ্রমেবেহ ন মে'ত্রাস্তি বিচারণা ॥
১৯ খ
বসুদেব উবাচ:
যো'হং তমর্জুনং বিদ্ধি যো'র্জুনঃ সোহমেব তু ।
২০ ক
বসুদেব উবাচ:
যদ্ব্রূয়াত্তত্তথা কার্যমিতি বুদ্ধ্যস্ব ভারত ॥
২০ খ
বসুদেব উবাচ:
স স্ত্রীষু প্রাপ্তকালাসু পাণ্ডবো বালকেষু চ ।
২১ ক
বসুদেব উবাচ:
প্রতিপৎস্যতি বীভৎসুর্ভবতশ্চৌর্ধ্বদেহিকম্ ॥
২১ খ
বসুদেব উবাচ:
ইমাং চ নগরীং সদ্যঃ প্রতিয়াতে ধনংজয়ে ।
২২ ক
বসুদেব উবাচ:
প্রাকারট্টালকোপেতাং সমুদ্রঃ প্লাবয়িষ্যতি ॥
২২ খ
বসুদেব উবাচ:
অহং দেশে তু কস্মিংশ্চিৎপুণ্যে নিয়মমাস্থিতঃ ।
২৩ ক
বসুদেব উবাচ:
কালং কাঙ্ক্ষে সদ্য এব রামেণ সহিতো বনে ॥
২৩ খ
বসুদেব উবাচ:
এবমুক্ত্বা হৃষীকেশো মামচিন্ত্যপরাক্রমঃ ।
২৪ ক
বসুদেব উবাচ:
হিত্বা মাং বালকৈঃ সার্ধং দিশং কামপ্যগাৎপ্রভুঃ ॥
২৪ খ
বসুদেব উবাচ:
সোহং তৌ চ মহাত্মানৌ চিন্তয়ন্ রামকেশবৌ ।
২৫ ক
বসুদেব উবাচ:
ঘোরং জ্ঞাতিবধং চৈব ন ভুঞ্জে শোককর্শিতঃ ॥
২৫ খ
বসুদেব উবাচ:
ন মোক্ষ্যেন চ জীবিষ্যে দিষ্ট্যা প্রাপ্তোসি পাণ্ডব ।
২৬ ক
বসুদেব উবাচ:
যদুক্তং পার্থং কৃষ্ণেন তৎসর্বমখিলং কুরু ॥
২৬ খ
বসুদেব উবাচ:
এতত্তে পার্থ রাজ্যং চ স্ত্রিয়ো রত্নানি চৈব হি ।
২৭ ক
বসুদেব উবাচ:
ইষ্টান্প্রাণানহং হীমাংস্ত্যক্ষ্যামি রিপুসূদন ॥
২৭ খ