যুধিষ্ঠির উবাচ:
দত্তানাং ফলসম্প্রাপ্তিং গবাং প্রব্রূহি মেঽনঘ |
১ ক
যুধিষ্ঠির উবাচ:
বিস্তরেণ মহাবাহো ন হি তৃপ্যামি কথ্যতাম্ ||
১ খ
ভীষ্ম উবাচ:
অত্রাপ্যুদাহরন্তীমমিতিহাসং পুরাতনম্ |
২ ক
ভীষ্ম উবাচ:
ঋষেরুদ্দালকের্বাক্যং নাচিকেতস্য চোভয়োঃ ||
২ খ
ভীষ্ম উবাচ:
ঋষিরুদ্দালকির্দীক্ষামুপগম্য ততঃ সুতম্ |
৩ ক
ভীষ্ম উবাচ:
ত্বং মামুপচরস্বেতি নাচিকেতমভাষত |
৩ খ
ভীষ্ম উবাচ:
সমাপ্তে নিয়মে তস্মিন্মহর্ষিঃ পুত্রমব্রবীৎ ||
৩ গ
ভীষ্ম উবাচ:
উপস্পর্শনসক্তস্য স্বাধ্যায়নিরতস্য চ |
৪ ক
ভীষ্ম উবাচ:
ইধ্মা দর্ভাঃ সুমনসঃ কলশশ্চাভিতো জলম্ |
৪ খ
ভীষ্ম উবাচ:
বিস্মৃতং মে তদাদায় নদীতীরাদিহাব্রজ ||
৪ গ
ভীষ্ম উবাচ:
গত্বানবাপ্য তৎসর্বং নদীবেগসমাপ্লুতম্ |
৫ ক
ভীষ্ম উবাচ:
ন পশ্যামি তদিত্যেবং পিতরং সোঽব্রবীন্মুনিঃ ||
৫ খ
ভীষ্ম উবাচ:
ক্ষুৎপিপাসাশ্রমাবিষ্টো মুনিরুদ্দালকিস্তদা |
৬ ক
ভীষ্ম উবাচ:
যমং পশ্যেতি তং পুত্রমশপৎস মহাতপাঃ ||
৬ খ
ভীষ্ম উবাচ:
তথা স পিত্রাভিহতো বাগ্বজ্রেণ কৃতাঞ্জলিঃ |
৭ ক
ভীষ্ম উবাচ:
প্রসীদেতি ব্রুবন্নেব গতসত্ত্বোঽপতদ্ভুবি ||
৭ খ
ভীষ্ম উবাচ:
নাচিকেতং পিতা দৃষ্ট্বা পতিতং দুঃখমূর্ছিতঃ |
৮ ক
ভীষ্ম উবাচ:
কিং ময়া কৃতমিত্যুক্ত্বা নিপপাত মহীতলে ||
৮ খ
ভীষ্ম উবাচ:
তস্য দুঃখপরীতস্য স্বং পুত্রমুপগূহতঃ |
৯ ক
ভীষ্ম উবাচ:
ব্যতীতং তদহঃশেষং সা চোগ্রা তত্র শর্বরী ||
৯ খ
ভীষ্ম উবাচ:
পিত্র্যেণাশ্রুপ্রপাতেন নাচিকেতঃ কুরূদ্বহ |
১০ ক
ভীষ্ম উবাচ:
প্রাস্পন্দচ্ছয়নে কৌশ্যে বৃষ্ট্যা সস্যমিবাপ্লুতম্ ||
১০ খ
ভীষ্ম উবাচ:
স পর্যপৃচ্ছত্তং পুত্রং শ্লাঘ্যং প্রত্যাগতং পুনঃ |
১১ ক
ভীষ্ম উবাচ:
দিব্যৈর্গন্ধৈঃ সমাদিগ্ধং ক্ষীণস্বপ্নমিবোত্থিতম্ ||
১১ খ
ভীষ্ম উবাচ:
অপি পুত্র জিতা লোকাঃ শুভাস্তে স্বেন কর্মণা |
১২ ক
ভীষ্ম উবাচ:
দিষ্ট্যা চাসি পুনঃ প্রাপ্তো ন হি তে মানুষং বপুঃ ||
১২ খ
ভীষ্ম উবাচ:
প্রত্যক্ষদর্শী সর্বস্য পিত্রা পৃষ্টো মহাত্মনা |
১৩ ক
ভীষ্ম উবাচ:
অন্বর্থং তং পিতুর্মধ্যে মহর্ষীণাং ন্যবেদয়ৎ ||
১৩ খ
ভীষ্ম উবাচ:
কুর্বন্ভবচ্ছাসনমাশু যাতো; হ্যহং বিশালাং রুচিরপ্রভাবাম্ |
১৪ ক
ভীষ্ম উবাচ:
বৈবস্বতীং প্রাপ্য সভামপশ্যং; সহস্রশো যোজনহৈমভৌমাম্ ||
১৪ খ
ভীষ্ম উবাচ:
দৃষ্ট্বৈব মামভিমুখমাপতন্তং; গৃহং নিবেদ্যাসনমাদিদেশ |
১৫ ক
ভীষ্ম উবাচ:
বৈবস্বতোঽর্ঘ্যাদিভিরর্হণৈশ্চ; ভবৎকৃতে পূজয়ামাস মাং সঃ ||
১৫ খ
ভীষ্ম উবাচ:
ততস্ত্বহং তং শনকৈরবোচং; বৃতং সদস্যৈরভিপূজ্যমানম্ |
১৬ ক
ভীষ্ম উবাচ:
প্রাপ্তোঽস্মি তে বিষয়ং ধর্মরাজ; লোকানর্হে যান্স্ম তান্মে বিধৎস্ব ||
১৬ খ
ভীষ্ম উবাচ:
যমোঽব্রবীন্মাং ন মৃতোঽসি সৌম্য; যমং পশ্যেত্যাহ তু ত্বাং তপস্বী |
১৭ ক
ভীষ্ম উবাচ:
পিতা প্রদীপ্তাগ্নিসমানতেজা; ন তচ্ছক্যমনৃতং বিপ্র কর্তুম্ ||
১৭ খ
ভীষ্ম উবাচ:
দৃষ্টস্তেঽহং প্রতিগচ্ছস্ব তাত; শোচত্যসৌ তব দেহস্য কর্তা |
১৮ ক
ভীষ্ম উবাচ:
দদামি কিং চাপি মনঃপ্রণীতং; প্রিয়াতিথে তব কামান্বৃণীষ্ব ||
১৮ খ
ভীষ্ম উবাচ:
তেনৈবমুক্তস্তমহং প্রত্যবোচং; প্রাপ্তোঽস্মি তে বিষয়ং দুর্নিবর্ত্যম্ |
১৯ ক
ভীষ্ম উবাচ:
ইচ্ছাম্যহং পুণ্যকৃতাং সমৃদ্ধাঁ; ল্লোকান্দ্রষ্টুং যদি তেঽহং বরার্হঃ ||
১৯ খ
ভীষ্ম উবাচ:
যানং সমারোপ্য তু মাং স দেবো; বাহৈর্যুক্তং সুপ্রভং ভানুমন্তম্ |
২০ ক
ভীষ্ম উবাচ:
সন্দর্শয়ামাস তদা স্ম লোকা; ন্সর্বাংস্তদা পুণ্যকৃতাং দ্বিজেন্দ্র ||
২০ খ
ভীষ্ম উবাচ:
অপশ্যং তত্র বেশ্মানি তৈজসানি কৃতাত্মনাম্ |
২১ ক
ভীষ্ম উবাচ:
নানাসংস্থানরূপাণি সর্বরত্নময়ানি চ ||
২১ খ
ভীষ্ম উবাচ:
চন্দ্রমণ্ডলশুভ্রাণি কিঙ্কিণীজালবন্তি চ |
২২ ক
ভীষ্ম উবাচ:
অনেকশতভৌমানি সান্তর্জলবনানি চ ||
২২ খ
ভীষ্ম উবাচ:
বৈডূর্যার্কপ্রকাশানি রূপ্যরুক্মময়ানি চ |
২৩ ক
ভীষ্ম উবাচ:
তরুণাদিত্যবর্ণানি স্থাবরাণি চরাণি চ ||
২৩ খ
ভীষ্ম উবাচ:
ভক্ষ্যভোজ্যময়াঞ্শৈলান্বাসাংসি শয়নানি চ |
২৪ ক
ভীষ্ম উবাচ:
সর্বকামফলাংশ্চৈব বৃক্ষান্ভবনসংস্থিতান্ ||
২৪ খ
ভীষ্ম উবাচ:
নদ্যো বীথ্যঃ সভা বাপী দীর্ঘিকাশ্চৈব সর্বশঃ |
২৫ ক
ভীষ্ম উবাচ:
ঘোষবন্তি চ যানানি যুক্তান্যেব সহস্রশঃ ||
২৫ খ
ভীষ্ম উবাচ:
ক্ষীরস্রবা বৈ সরিতো গিরীংশ্চ; সর্পিস্তথা বিমলং চাপি তোয়ম্ |
২৬ ক
ভীষ্ম উবাচ:
বৈবস্বতস্যানুমতাংশ্চ দেশা; নদৃষ্টপূর্বান্সুবহূনপশ্যম্ ||
২৬ খ
ভীষ্ম উবাচ:
সর্বং দৃষ্ট্বা তদহং ধর্মরাজ; মবোচং বৈ প্রভবিষ্ণুং পুরাণম্ |
২৭ ক
ভীষ্ম উবাচ:
ক্ষীরস্যৈতাঃ সর্পিষশ্চৈব নদ্যঃ; শশ্বৎস্রোতাঃ কস্য ভোজ্যাঃ প্রদিষ্টাঃ ||
২৭ খ
ভীষ্ম উবাচ:
যমোঽব্রবীদ্বিদ্ধি ভোজ্যাস্ত্বমেতা; যে দাতারঃ সাধবো গোরসানাম্ |
২৮ ক
ভীষ্ম উবাচ:
অন্যে লোকাঃ শাশ্বতা বীতশোকাঃ; সমাকীর্ণা গোপ্রদানে রতানাম্ ||
২৮ খ
ভীষ্ম উবাচ:
ন ত্বেবাসাং দানমাত্রং প্রশস্তং; পাত্রং কালো গোবিশেষো বিধিশ্চ |
২৯ ক
ভীষ্ম উবাচ:
জ্ঞাত্বা দেয়া বিপ্র গবান্তরং হি; দুঃখং জ্ঞাতুং পাবকাদিত্যভূতম্ ||
২৯ খ
ভীষ্ম উবাচ:
স্বাধ্যায়াঢ্যো যোঽতিমাত্রং তপস্বী; বৈতানস্থো ব্রাহ্মণঃ পাত্রমাসাম্ |
৩০ ক
ভীষ্ম উবাচ:
কৃচ্ছ্রোৎসৃষ্টাঃ পোষণাভ্যাগতাশ্চ; দ্বারৈরেতৈর্গোবিশেষাঃ প্রশস্তাঃ ||
৩০ খ
ভীষ্ম উবাচ:
তিস্রো রাত্রীরদ্ভিরুপোষ্য ভূমৌ; তৃপ্তা গাবস্তর্পিতেভ্যঃ প্রদেয়াঃ |
৩১ ক
ভীষ্ম উবাচ:
বৎসৈঃ প্রীতাঃ সুপ্রজাঃ সোপচারা; স্ত্র্যহং দত্ত্বা গোরসৈর্বর্তিতব্যম্ ||
৩১ খ
ভীষ্ম উবাচ:
দত্ত্বা ধেনুং সুব্রতাং কাংস্যদোহাং; কল্যাণবৎসামপলায়িনীং চ |
৩২ ক
ভীষ্ম উবাচ:
যাবন্তি লোমানি ভবন্তি তস্যা; স্তাবদ্বর্ষাণ্যশ্নুতে স্বর্গলোকম্ ||
৩২ খ
ভীষ্ম উবাচ:
তথানড্বাহং ব্রাহ্মণায় প্রদায়; দান্তং ধুর্যং বলবন্তং যুবানম্ |
৩৩ ক
ভীষ্ম উবাচ:
কুলানুজীবং বীর্যবন্তং বৃহন্তং; ভুঙ্ক্তে লোকান্সংমিতান্ধেনুদস্য ||
৩৩ খ
ভীষ্ম উবাচ:
গোষু ক্ষান্তং গোশরণ্যং কৃতজ্ঞং; বৃত্তিগ্লানং তাদৃশং পাত্রমাহুঃ |
৩৪ ক
ভীষ্ম উবাচ:
বৃত্তিগ্লানে সম্ভ্রমে বা মহার্থে; কৃষ্যর্থে বা হোমহেতোঃ প্রসূত্যাম্ ||
৩৪ খ
ভীষ্ম উবাচ:
গুর্বর্থে বা বালপুষ্ট্যাভিষঙ্গা; দ্গাবো দাতুং দেশকালোঽবিশিষ্টঃ |
৩৫ ক
ভীষ্ম উবাচ:
অন্তর্জাতাঃ সুক্রয়জ্ঞানলব্ধাঃ; প্রাণক্রীতা নির্জিতাশ্চৌদকাশ্চ ||
৩৫ খ
নাচিকেত উবাচ:
শ্রুত্বা বৈবস্বতবচস্তমহং পুনরব্রুবম্ |
৩৬ ক
নাচিকেত উবাচ:
অগোমী গোপ্রদাতৄণাং কথং লোকান্নিগচ্ছতি ||
৩৬ খ
নাচিকেত উবাচ:
ততো যমোঽব্রবীদ্ধীমান্গোপ্রদানে পরাং গতিম্ |
৩৭ ক
নাচিকেত উবাচ:
গোপ্রদানানুকল্পং তু গামৃতে সন্তি গোপ্রদাঃ ||
৩৭ খ
নাচিকেত উবাচ:
অলাভে যো গবাং দদ্যাদ্ঘৃতধেনুং যতব্রতঃ |
৩৮ ক
নাচিকেত উবাচ:
তস্যৈতা ঘৃতবাহিন্যঃ ক্ষরন্তে বৎসলা ইব ||
৩৮ খ
নাচিকেত উবাচ:
ঘৃতালাভে চ যো দদ্যাত্তিলধেনুং যতব্রতঃ |
৩৯ ক
নাচিকেত উবাচ:
স দুর্গাত্তারিতো ধেন্বা ক্ষীরনদ্যাং প্রমোদতে ||
৩৯ খ
নাচিকেত উবাচ:
তিলালাভে চ যো দদ্যাজ্জলধেনুং যতব্রতঃ |
৪০ ক
নাচিকেত উবাচ:
স কামপ্রবহাং শীতাং নদীমেতামুপাশ্নুতে ||
৪০ খ
নাচিকেত উবাচ:
এবমাদীনি মে তত্র ধর্মরাজো ন্যদর্শয়ৎ |
৪১ ক
নাচিকেত উবাচ:
দৃষ্ট্বা চ পরমং হর্ষমবাপমহমচ্যুত ||
৪১ খ
নাচিকেত উবাচ:
নিবেদয়ে চাপি প্রিয়ং ভবৎসু; ক্রতুর্মহানল্পধনপ্রচারঃ |
৪২ ক
নাচিকেত উবাচ:
প্রাপ্তো ময়া তাত স মৎপ্রসূতঃ; প্রপৎস্যতে বেদবিধিপ্রবৃত্তঃ ||
৪২ খ
নাচিকেত উবাচ:
শাপো হ্যযং ভবতোঽনুগ্রহায়; প্রাপ্তো ময়া যত্র দৃষ্টো যমো মে |
৪৩ ক
নাচিকেত উবাচ:
দানব্যুষ্টিং তত্র দৃষ্ট্বা মহার্থাং; নিঃসন্দিগ্ধং দানধর্মাংশ্চরিষ্যে ||
৪৩ খ
নাচিকেত উবাচ:
ইদং চ মামব্রবীদ্ধর্মরাজঃ; পুনঃ পুনঃ সম্প্রহৃষ্টো দ্বিজর্ষে |
৪৪ ক
নাচিকেত উবাচ:
দানেন তাত প্রয়তোঽভূঃ সদৈব; বিশেষতো গোপ্রদানং চ কুর্যাঃ ||
৪৪ খ
নাচিকেত উবাচ:
শুদ্ধো হ্যর্থো নাবমন্যঃ স্বধর্মা; ৎপাত্রে দেয়ং দেশকালোপপন্নে |
৪৫ ক
নাচিকেত উবাচ:
তস্মাদ্গাবস্তে নিত্যমেব প্রদেয়া; মা ভূচ্চ তে সংশয়ঃ কশ্চিদত্র ||
৪৫ খ
নাচিকেত উবাচ:
এতাঃ পুরা অদদন্নিত্যমেব; শান্তাত্মানো দানপথে নিবিষ্টাঃ |
৪৬ ক
নাচিকেত উবাচ:
তপাংস্যুগ্রাণ্যপ্রতিশঙ্কমানা; স্তে বৈ দানং প্রদদুশ্চাপি শক্ত্যা ||
৪৬ খ
নাচিকেত উবাচ:
কালে শক্ত্যা মৎসরং বর্জয়িত্বা; শুদ্ধাত্মানঃ শ্রদ্ধিনঃ পুণ্যশীলাঃ |
৪৭ ক
নাচিকেত উবাচ:
দত্ত্বা তপ্ত্বা লোকমমুং প্রপন্না; দেদীপ্যন্তে পুণ্যশীলাশ্চ নাকে ||
৪৭ খ
নাচিকেত উবাচ:
এতদ্দানং ন্যায়লব্ধং দ্বিজেভ্যঃ; পাত্রে দত্তং প্রাপণীয়ং পরীক্ষ্য |
৪৮ ক
নাচিকেত উবাচ:
কাম্যাষ্টম্যাং বর্তিতব্যং দশাহং; রসৈর্গবাং শকৃতা প্রস্নবৈর্বা ||
৪৮ খ
নাচিকেত উবাচ:
বেদব্রতী স্যাদ্বৃষভপ্রদাতা; বেদাবাপ্তির্গোয়ুগস্য প্রদানে |
৪৯ ক
নাচিকেত উবাচ:
তীর্থাবাপ্তির্গোপ্রয়ুক্তপ্রদানে; পাপোৎসর্গঃ কপিলায়াঃ প্রদানে ||
৪৯ খ