বৈশম্পায়ন উবাচ:
বনং প্রবিষ্টেষ্বথ পাণ্ডবেষু; প্রজ্ঞাচক্ষুস্তপ্যমানোঽম্বিকেয়ঃ |
১ ক
বৈশম্পায়ন উবাচ:
ধর্মাত্মানং বিদুরমগাধবুদ্ধিং; সুখাসীনো বাক্যমুবাচ রাজা ||
১ খ
বৈশম্পায়ন উবাচ:
প্রজ্ঞা চ তে ভার্গবস্যেব শুদ্ধা; ধর্মং চ ত্বং পরমং বেত্থ সূক্ষ্মম্ |
২ ক
বৈশম্পায়ন উবাচ:
সমশ্চ ত্বং সংমতঃ কৌরবাণাং; পথ্যং চৈষাং মম চৈব ব্রবীহি ||
২ খ
বৈশম্পায়ন উবাচ:
এবং গতে বিদুর যদদ্য কার্যং; পৌরাশ্চেমে কথমস্মান্ভজেরন্ |
৩ ক
বৈশম্পায়ন উবাচ:
তে চাপ্যস্মান্নোদ্ধরেয়ুঃ সমূলা; ন্ন কাময়ে তাংশ্চ বিনশ্যমানান্ ||
৩ খ
বিদুর উবাচ:
ত্রিবর্গোঽয়ং ধর্মমূলো নরেন্দ্র; রাজ্যং চেদং ধর্মমূলং বদন্তি |
৪ ক
বিদুর উবাচ:
ধর্মে রাজন্বর্তমানঃ স্বশক্ত্যা; পুত্রান্সর্বান্পাহি কুন্তীসুতাংশ্চ ||
৪ খ
বিদুর উবাচ:
স বৈ ধর্মো বিপ্রলুপ্তঃ সভায়াং; পাপাত্মভিঃ সৌবলেয়প্রধানৈঃ |
৫ ক
বিদুর উবাচ:
আহূয় কুন্তীসুতমক্ষবত্যাং; পরাজৈষীৎসত্যসন্ধং সুতস্তে ||
৫ খ
বিদুর উবাচ:
এতস্য তে দুষ্প্রণীতস্য রাজ; ঞ্শেষস্যাহং পরিপশ্যাম্যুপায়ম্ |
৬ ক
বিদুর উবাচ:
যথা পুত্রস্তব কৌরব্য পাপা; ন্মুক্তো লোকে প্রতিতিষ্ঠেত সাধু ||
৬ খ
বিদুর উবাচ:
তদ্বৈ সর্বং পাণ্ডুপুত্রা লভন্তাং; যত্তদ্রাজন্নতিসৃষ্টং ত্বয়াসীৎ |
৭ ক
বিদুর উবাচ:
এষ ধর্মঃ পরমো যৎস্বকেন; রাজা তুষ্যেন্ন পরস্বেষু গৃধ্যেৎ ||
৭ খ
বিদুর উবাচ:
এতৎকার্যং তব সর্বপ্রধানং; তেষাং তুষ্টিঃ শকুনেশ্চাবমানঃ |
৮ ক
বিদুর উবাচ:
এবং শেষং যদি পুত্রেষু তে স্যা; দেতদ্রাজংস্ত্বরমাণঃ কুরুষ্ব ||
৮ খ
বিদুর উবাচ:
অথৈতদেবং ন করোষি রাজ; ন্ধ্রুবং কুরূণাং ভবিতা বিনাশঃ |
৯ ক
বিদুর উবাচ:
ন হি ক্রুদ্ধো ভীমসেনোঽর্জুনো বা; শেষং কুর্যাচ্ছাত্রবাণামনীকে ||
৯ খ
বিদুর উবাচ:
যেষাং যোদ্ধা সব্যসাচী কৃতাস্ত্রো; ধনুর্যেষাং গাণ্ডিবং লোকসারম্ |
১০ ক
বিদুর উবাচ:
যেষাং ভীমো বাহুশালী চ যোদ্ধা; তেষাং লোকে কিং নু ন প্রাপ্যমস্তি ||
১০ খ
বিদুর উবাচ:
উক্তং পূর্বং জাতমাত্রে সুতে তে; ময়া যত্তে হিতমাসীত্তদানীম্ |
১১ ক
বিদুর উবাচ:
পুত্রং ত্যজেমমহিতং কুলস্যে; ত্যেতদ্রাজন্ন চ তত্ত্বং চকর্থ |
১১ খ
বিদুর উবাচ:
ইদানীং তে হিতমুক্তং ন চেত্ত্বং; কর্তাসি রাজন্পরিতপ্তাসি পশ্চাৎ ||
১১ গ
বিদুর উবাচ:
যদ্যেতদেবমনুমন্তা সুতস্তে; সম্প্রীয়মাণঃ পাণ্ডবৈরেকরাজ্যম্ |
১২ ক
বিদুর উবাচ:
তাপো ন তে বৈ ভবিতা প্রীতিয়োগা; ত্ত্বং চেন্ন গৃহ্ণাসি সুতং সহায়ৈঃ |
১২ খ
বিদুর উবাচ:
অথাপরো ভবতি হি তং নিগৃহ্য; পাণ্ডোঃ পুত্রং প্রকুরুষ্বাধিপত্যে ||
১২ গ
বিদুর উবাচ:
অজাতশত্রুর্হি বিমুক্তরাগো; ধর্মেণেমাং পৃথিবীং শাস্তু রাজন্ |
১৩ ক
বিদুর উবাচ:
ততো রাজন্পার্থিবাঃ সর্ব এব; বৈশ্যা ইবাস্মানুপতিষ্ঠন্তু সদ্যঃ ||
১৩ খ
বিদুর উবাচ:
দুর্যোধনঃ শকুনিঃ সূতপুত্রঃ; প্রীত্যা রাজন্পাণ্ডুপুত্রান্ভজন্তাম্ |
১৪ ক
বিদুর উবাচ:
দুঃশাসনো যাচতু ভীমসেনং; সভামধ্যে দ্রুপদস্যাত্মজাং চ ||
১৪ খ
বিদুর উবাচ:
যুধিষ্ঠিরং ত্বং পরিসান্ত্বয়স্ব; রাজ্যে চৈনং স্থাপয়স্বাভিপূজ্য |
১৫ ক
বিদুর উবাচ:
ত্বয়া পৃষ্টঃ কিমহমন্যদ্বদেয়; মেতৎকৃত্বা কৃতকৃত্যোঽসি রাজন্ ||
১৫ খ
ধৃতরাষ্ট্র উবাচ:
এতদ্বাক্যং বিদুর যত্তে সভায়া; মিহ প্রোক্তং পাণ্ডবান্প্রাপ্য মাং চ |
১৬ ক
ধৃতরাষ্ট্র উবাচ:
হিতং তেষামহিতং মামকানা; মেতৎসর্বং মম নোপৈতি চেতঃ ||
১৬ খ
ধৃতরাষ্ট্র উবাচ:
ইদং ত্বিদানীং কুত এব নিশ্চিতং; তেষামর্থে পাণ্ডবানাং যদাত্থ |
১৭ ক
ধৃতরাষ্ট্র উবাচ:
তেনাদ্য মন্যে নাসি হিতো মমেতি; কথং হি পুত্রং পাণ্ডবার্থে ত্যজেয়ম্ ||
১৭ খ
ধৃতরাষ্ট্র উবাচ:
অসংশয়ং তেঽপি মমৈব পুত্রা; দুর্যোধনস্তু মম দেহাৎপ্রসূতঃ |
১৮ ক
ধৃতরাষ্ট্র উবাচ:
স্বং বৈ দেহং পরহেতোস্ত্যজেতি; কো নু ব্রূয়াৎসমতামন্ববেক্ষন্ ||
১৮ খ
ধৃতরাষ্ট্র উবাচ:
স মা জিহ্মং বিদুর সর্বং ব্রবীষি; মানং চ তেঽহমধিকং ধারয়ামি |
১৯ ক
ধৃতরাষ্ট্র উবাচ:
যথেচ্ছকং গচ্ছ বা তিষ্ঠ বা ত্বং; সুসান্ত্ব্যমানাপ্যসতী স্ত্রী জহাতি ||
১৯ খ
বৈশম্পায়ন উবাচ:
এতাবদুক্ত্বা ধৃতরাষ্ট্রোঽন্বপদ্য; দন্তর্বেশ্ম সহসোত্থায় রাজন্ |
২০ ক
বৈশম্পায়ন উবাচ:
নেদমস্তীত্যথ বিদুরো ভাষমাণঃ; সম্প্রাদ্রবদ্যত্র পার্থা বভূবুঃ ||
২০ খ