ভীষ্ম উবাচ:
রাজ্ঞা পুরোহিতঃ কার্যো ভবেদ্বিদ্বান্বহুশ্রুতঃ |
১ ক
ভীষ্ম উবাচ:
উভৌ সমীক্ষ্য ধর্মার্থাবপ্রমেয়াবনন্তরম্ ||
১ খ
ভীষ্ম উবাচ:
ধর্মাত্মা ধর্মবিদ্যেষাং রাজ্ঞাং রাজন্পুরোহিতঃ |
২ ক
ভীষ্ম উবাচ:
রাজা চৈবং গুণো যেষাং কুশলং তেষু সর্বশঃ ||
২ খ
ভীষ্ম উবাচ:
উভৌ প্রজা বর্ধয়তো দেবান্পূর্বান্পরান্পিতৄন্ |
৩ ক
ভীষ্ম উবাচ:
যৌ সমেয়াস্থিতৌ ধর্মে শ্রদ্ধেয়ৌ সুতপস্বিনৌ ||
৩ খ
ভীষ্ম উবাচ:
পরস্পরস্য সুহৃদৌ সংমতৌ সমচেতসৌ |
৪ ক
ভীষ্ম উবাচ:
ব্রহ্মক্ষত্রস্য সংমানাৎপ্রজাঃ সুখমবাপ্নুয়ুঃ ||
৪ খ
ভীষ্ম উবাচ:
বিমাননাত্তয়োরেব প্রজা নশ্যেয়ুরেব হ |
৫ ক
ভীষ্ম উবাচ:
ব্রহ্মক্ষত্রং হি সর্বেষাং ধর্মাণাং মূলমুচ্যতে ||
৫ খ
ভীষ্ম উবাচ:
অত্রাপ্যুদাহরন্তীমমিতিহাসং পুরাতনম্ |
৬ ক
ভীষ্ম উবাচ:
ঐলকশ্যপসংবাদং তং নিবোধ যুধিষ্ঠির ||
৬ খ
ঐল উবাচ:
যদা হি ব্রহ্ম প্রজহাতি ক্ষত্রং; ক্ষত্রং যদা বা প্রজহাতি ব্রহ্ম |
৭ ক
ঐল উবাচ:
অন্বগ্বলং কতমেঽস্মিন্ভজন্তে; তথাবল্যং কতমেঽস্মিন্বিয়ন্তি ||
৭ খ
কশ্যপ উবাচ:
ব্যৃদ্ধং রাষ্ট্রং ভবতি ক্ষত্রিয়স্য; ব্রহ্ম ক্ষত্রং যত্র বিরুধ্যতে হ |
৮ ক
কশ্যপ উবাচ:
অন্বগ্বলং দস্যবস্তদ্ভজন্তে; ঽবল্যং তথা তত্র বিয়ন্তি সন্তঃ ||
৮ খ
কশ্যপ উবাচ:
নৈষামুক্ষা বর্ধতে নোত উস্রা; ন গর্গরো মথ্যতে নো যজন্তে |
৯ ক
কশ্যপ উবাচ:
নৈষাং পুত্রা বেদমধীয়তে চ; যদা ব্রহ্ম ক্ষত্রিয়াঃ সন্ত্যজন্তি ||
৯ খ
কশ্যপ উবাচ:
নৈষামুক্ষা বর্ধতে জাতু গেহে; নাধীয়তে সপ্রজা নো যজন্তে |
১০ ক
কশ্যপ উবাচ:
অপধ্বস্তা দস্যুভূতা ভবন্তি; যে ব্রাহ্মণাঃ ক্ষত্রিয়ান্সন্ত্যজন্তি ||
১০ খ
কশ্যপ উবাচ:
এতৌ হি নিত্যসংয়ুক্তাবিতরেতরধারণে |
১১ ক
কশ্যপ উবাচ:
ক্ষত্রং হি ব্রহ্মণো যোনির্যোনিঃ ক্ষত্রস্য চ দ্বিজাঃ ||
১১ খ
কশ্যপ উবাচ:
উভাবেতৌ নিত্যমভিপ্রপন্নৌ; সম্প্রাপতুর্মহতীং শ্রীপ্রতিষ্ঠাম্ |
১২ ক
কশ্যপ উবাচ:
তয়োঃ সন্ধির্ভিদ্যতে চেৎপুরাণ; স্ততঃ সর্বং ভবতি হি সম্প্রমূঢম্ ||
১২ খ
কশ্যপ উবাচ:
নাত্র প্লবং লভতে পারগামী; মহাগাধে নৌরিব সম্প্রণুন্না |
১৩ ক
কশ্যপ উবাচ:
চাতুর্বর্ণ্যং ভবতি চ সম্প্রমূঢং; ততঃ প্রজাঃ ক্ষয়সংস্থা ভবন্তি ||
১৩ খ
কশ্যপ উবাচ:
ব্রহ্মবৃক্ষো রক্ষ্যমাণো মধু হেম চ বর্ষতি |
১৪ ক
কশ্যপ উবাচ:
অরক্ষ্যমাণঃ সততমশ্রু পাপং চ বর্ষতি ||
১৪ খ
কশ্যপ উবাচ:
অব্রহ্মচারী চরণাদপেতো; যদা ব্রহ্মা ব্রহ্মণি ত্রাণমিচ্ছেৎ |
১৫ ক
কশ্যপ উবাচ:
আশ্চর্যশো বর্ষতি তত্র দেব; স্তত্রাভীক্ষ্ণং দুঃসহাশ্চাবিশন্তি ||
১৫ খ
কশ্যপ উবাচ:
স্ত্রিয়ং হত্বা ব্রাহ্মণং বাপি পাপঃ; সভায়াং যত্র লভতেঽনুবাদম্ |
১৬ ক
কশ্যপ উবাচ:
রাজ্ঞঃ সকাশে ন বিভেতি চাপি; ততো ভয়ং জায়তে ক্ষত্রিয়স্য ||
১৬ খ
কশ্যপ উবাচ:
পাপৈঃ পাপে ক্রিয়মাণেঽতিবেলং; ততো রুদ্রো জায়তে দেব এষঃ |
১৭ ক
কশ্যপ উবাচ:
পাপৈঃ পাপাঃ সঞ্জনয়ন্তি রুদ্রং; ততঃ সর্বান্সাধ্বসাধূন্হিনস্তি ||
১৭ খ
ঐল উবাচ:
কুতো রুদ্রঃ কীদৃশো বাপি রুদ্রঃ; সত্ত্বৈঃ সত্ত্বং দৃশ্যতে বধ্যমানম্ |
১৮ ক
ঐল উবাচ:
এতদ্বিদ্বন্কশ্যপ মে প্রচক্ষ্ব; যতো রুদ্রো জায়তে দেব এষঃ ||
১৮ খ
কশ্যপ উবাচ:
আত্মা রুদ্রো হৃদয়ে মানবানাং; স্বং স্বং দেহং পরদেহং চ হন্তি |
১৯ ক
কশ্যপ উবাচ:
বাতোৎপাতৈঃ সদৃশং রুদ্রমাহু; র্দাবৈর্জীমূতৈঃ সদৃশং রূপমস্য ||
১৯ খ
ঐল উবাচ:
ন বৈ বাতং পরিবৃনোতি কশ্চি; ন্ন জীমূতো বর্ষতি নৈব দাবঃ |
২০ ক
ঐল উবাচ:
তথায়ুক্তো দৃশ্যতে মানবেষু; কামদ্বেষাদ্বধ্যতে মুচ্যতে চ ||
২০ খ
কশ্যপ উবাচ:
যথৈকগেহে জাতবেদাঃ প্রদীপ্তঃ; কৃৎস্নং গ্রামং প্রদহেৎস ত্বরাবান্ |
২১ ক
কশ্যপ উবাচ:
বিমোহনং কুরুতে দেব এষ; ততঃ সর্বং স্পৃশ্যতে পুণ্যপাপৈঃ ||
২১ খ
ঐল উবাচ:
যদি দণ্ডঃ স্পৃশতে পুণ্যভাজং; পাপৈঃ পাপে ক্রিয়মাণেঽবিশেষাৎ |
২২ ক
ঐল উবাচ:
কস্য হেতোঃ সুকৃতং নাম কুর্যা; দ্দুষ্কৃতং বা কস্য হেতোর্ন কুর্যাৎ ||
২২ খ
কশ্যপ উবাচ:
অসন্ত্যাগাৎপাপকৃতামপাপাং; স্তুল্যো দণ্ডঃ স্পৃশতে মিশ্রভাবাৎ |
২৩ ক
কশ্যপ উবাচ:
শুষ্কেণার্দ্রং দহ্যতে মিশ্রভাবা; ন্ন মিশ্রঃ স্যাৎপাপকৃদ্ভিঃ কথঞ্চিৎ ||
২৩ খ
ঐল উবাচ:
সাধ্বসাধূন্ধারয়তীহ ভূমিঃ; সাধ্বসাধূংস্তাপয়তীহ সূর্যঃ |
২৪ ক
ঐল উবাচ:
সাধ্বসাধূন্বাতয়তীহ বায়ু; রাপস্তথা সাধ্বসাধূন্বহন্তি ||
২৪ খ
কশ্যপ উবাচ:
এবমস্মিন্বর্ততে লোক এব; নামুত্রৈবং বর্ততে রাজপুত্র |
২৫ ক
কশ্যপ উবাচ:
প্রেত্যৈতয়োরন্তরবান্বিশেষো; যো বৈ পুণ্যং চরতে যশ্চ পাপম্ ||
২৫ খ
কশ্যপ উবাচ:
পুণ্যস্য লোকো মধুমান্ঘৃতার্চি; র্হিরণ্যজ্যোতিরমৃতস্য নাভিঃ |
২৬ ক
কশ্যপ উবাচ:
তত্র প্রেত্য মোদতে ব্রহ্মচারী; ন তত্র মৃত্যুর্ন জরা নোত দুঃখম্ ||
২৬ খ
কশ্যপ উবাচ:
পাপস্য লোকো নিরয়োঽপ্রকাশো; নিত্যং দুঃখঃ শোকভূয়িষ্ঠ এব |
২৭ ক
কশ্যপ উবাচ:
তত্রাত্মানং শোচতে পাপকর্মা; বহ্বীঃ সমাঃ প্রপতন্নপ্রতিষ্ঠঃ ||
২৭ খ
কশ্যপ উবাচ:
মিথো ভেদাদ্ব্রাহ্মণক্ষত্রিয়াণাং; প্রজা দুঃখং দুঃসহং চাবিশন্তি |
২৮ ক
কশ্যপ উবাচ:
এবং জ্ঞাত্বা কার্য এবেহ বিদ্বা; ন্পুরোহিতো নৈকবিদ্যো নৃপেণ ||
২৮ খ
কশ্যপ উবাচ:
তং চৈবান্বভিষিচ্যেত তথা ধর্মো বিধীয়তে |
২৯ ক
কশ্যপ উবাচ:
অগ্র্যো হি ব্রাহ্মণঃ প্রোক্তঃ সর্বস্যৈবেহ ধর্মতঃ ||
২৯ খ
কশ্যপ উবাচ:
পূর্বং হি ব্রাহ্মণাঃ সৃষ্টা ইতি ধর্মবিদো বিদুঃ |
৩০ ক
কশ্যপ উবাচ:
জ্যেষ্ঠেনাভিজনেনাস্য প্রাপ্তং সর্বং যদুত্তরম্ ||
৩০ খ
কশ্যপ উবাচ:
তস্মান্মান্যশ্চ পূজ্যশ্চ ব্রাহ্মণঃ প্রসৃতাগ্রভুক্ |
৩১ ক
কশ্যপ উবাচ:
সর্বং শ্রেষ্ঠং বরিষ্ঠং চ নিবেদ্যং তস্য ধর্মতঃ ||
৩১ খ
কশ্যপ উবাচ:
অবশ্যমেতৎকর্তব্যং রাজ্ঞা বলবতাপি হি |
৩২ ক
কশ্যপ উবাচ:
ব্রহ্ম বর্ধয়তি ক্ষত্রং ক্ষত্রতো ব্রহ্ম বর্ধতে ||
৩২ খ