যুধিষ্ঠির উবাচ:
বিধিং গবাং পরমহং শ্রোতুমিচ্ছামি তত্ত্বতঃ |
১ ক
যুধিষ্ঠির উবাচ:
যেন তাঞ্শাশ্বতাঁল্লোকানখিলানশ্নুবীমহি ||
১ খ
ভীষ্ম উবাচ:
ন গোদানাৎপরং কিঞ্চিদ্বিদ্যতে বসুধাধিপ |
২ ক
ভীষ্ম উবাচ:
গৌর্হি ন্যায়াগতা দত্তা সদ্যস্তারয়তে কুলম্ ||
২ খ
ভীষ্ম উবাচ:
সতামর্থে সম্যগুৎপাদিতো যঃ; স বৈ কৢপ্তঃ সম্যগিষ্টঃ প্রজাভ্যঃ |
৩ ক
ভীষ্ম উবাচ:
তস্মাৎপূর্বং হ্যাদিকালে প্রবৃত্তং; গবাং দানে শৃণু রাজন্বিধিং মে ||
৩ খ
ভীষ্ম উবাচ:
পুরা গোষূপনীতাসু গোষু সন্দিগ্ধদর্শিনা |
৪ ক
ভীষ্ম উবাচ:
মান্ধাত্রা প্রকৃতং প্রশ্নং বৃহস্পতিরভাষত ||
৪ খ
ভীষ্ম উবাচ:
দ্বিজাতিমভিসৎকৃত্য শ্বঃ কালমভিবেদ্য চ |
৫ ক
ভীষ্ম উবাচ:
প্রদানার্থে নিয়ুঞ্জীত রোহিণীং নিয়তব্রতঃ ||
৫ খ
ভীষ্ম উবাচ:
আহ্বানং চ প্রয়ুঞ্জীত সমঙ্গে বহুলেতি চ |
৬ ক
ভীষ্ম উবাচ:
প্রবিশ্য চ গবাং মধ্যমিমাং শ্রুতিমুদাহরেৎ ||
৬ খ
ভীষ্ম উবাচ:
গৌর্মে মাতা গোবৃষভঃ পিতা মে; দিবং শর্ম জগতী মে প্রতিষ্ঠা |
৭ ক
ভীষ্ম উবাচ:
প্রপদ্যৈবং শর্বরীমুষ্য গোষু; মুনির্বাণীমুৎসৃজেদ্গোপ্রদানে ||
৭ খ
ভীষ্ম উবাচ:
স তামেকাং নিশাং গোভিঃ সমসখ্যঃ সমব্রতঃ |
৮ ক
ভীষ্ম উবাচ:
ঐকাত্ম্যগমনাৎসদ্যঃ কল্মষাদ্বিপ্রমুচ্যতে ||
৮ খ
ভীষ্ম উবাচ:
উৎসৃষ্টবৃষবৎসা হি প্রদেয়া সূর্যদর্শনে |
৯ ক
ভীষ্ম উবাচ:
ত্রিবিধং প্রতিপত্তব্যমর্থবাদাশিষঃ স্তবাঃ ||
৯ খ
ভীষ্ম উবাচ:
ঊর্জস্বিন্য ঊর্জমেধাশ্চ যজ্ঞো; গর্ভোঽমৃতস্য জগতশ্চ প্রতিষ্ঠা |
১০ ক
ভীষ্ম উবাচ:
ক্ষিতৌ রাধঃপ্রভবঃ শশ্বদেব; প্রাজাপত্যাঃ সর্বমিত্যর্থবাদঃ ||
১০ খ
ভীষ্ম উবাচ:
গাবো মমৈনঃ প্রণুদন্তু সৌর্যা; স্তথা সৌম্যাঃ স্বর্গয়ানায় সন্তু |
১১ ক
ভীষ্ম উবাচ:
আম্নাতা মে দদতীরাশ্রয়ং তু; তথানুক্তাঃ সন্তু সর্বাশিষো মে ||
১১ খ
ভীষ্ম উবাচ:
শেষোৎসর্গে কর্মভির্দেহমোক্ষে; সরস্বত্যঃ শ্রেয়সি সম্প্রবৃত্তাঃ |
১২ ক
ভীষ্ম উবাচ:
যূয়ং নিত্যং পুণ্যকর্মোপবাহ্যা; দিশধ্বং মে গতিমিষ্টাং প্রপন্নাঃ ||
১২ খ
ভীষ্ম উবাচ:
যা বৈ যূয়ং সোঽহমদ্যৈকভাবো; যুষ্মান্দত্ত্বা চাহমাত্মপ্রদাতা |
১৩ ক
ভীষ্ম উবাচ:
মনশ্চ্যুতা মনএবোপপন্নাঃ; সন্ধুক্ষধ্বং সৌম্যরূপোগ্ররূপাঃ ||
১৩ খ
ভীষ্ম উবাচ:
এবং তস্যাগ্রে পূর্বমর্ধং বদেত; গবাং দাতা বিধিবৎপূর্বদৃষ্টম্ |
১৪ ক
ভীষ্ম উবাচ:
প্রতিব্রূয়াচ্ছেষমর্ধং দ্বিজাতিঃ; প্রতিগৃহ্ণন্বৈ গোপ্রদানে বিধিজ্ঞঃ ||
১৪ খ
ভীষ্ম উবাচ:
গাং দদানীতি বক্তব্যমর্ঘ্যবস্ত্রবসুপ্রদঃ |
১৫ ক
ভীষ্ম উবাচ:
ঊধস্যা ভরিতব্যা চ বৈষ্ণবীতি চ চোদয়েৎ ||
১৫ খ
ভীষ্ম উবাচ:
নাম সঙ্কীর্তয়েত্তস্যা যথাসঙ্খ্যোত্তরং স বৈ |
১৬ ক
ভীষ্ম উবাচ:
ফলং ষড্বিংশদষ্টৌ চ সহস্রাণি চ বিংশতিঃ ||
১৬ খ
ভীষ্ম উবাচ:
এবমেতান্গুণান্বৃদ্ধান্গবাদীনাং যথাক্রমম্ |
১৭ ক
ভীষ্ম উবাচ:
গোপ্রদাতা সমাপ্নোতি সমস্তানষ্টমে ক্রমে ||
১৭ খ
ভীষ্ম উবাচ:
গোদঃ শীলী নির্ভয়শ্চার্ঘদাতা; ন স্যাদ্দুঃখী বসুদাতা চ কামী |
১৮ ক
ভীষ্ম উবাচ:
ঊধস্যোঢা ভারত যশ্চ বিদ্বা; ন্ব্যাখ্যাতাস্তে বৈষ্ণবাশ্চন্দ্রলোকাঃ ||
১৮ খ
ভীষ্ম উবাচ:
গা বৈ দত্ত্বা গোব্রতী স্যাত্ত্রিরাত্রং; নিশাং চৈকাং সংবসেতেহ তাভিঃ |
১৯ ক
ভীষ্ম উবাচ:
কাম্যাষ্টম্যাং বর্তিতব্যং ত্রিরাত্রং; রসৈর্বা গোঃ শকৃতা প্রস্নবৈর্বা ||
১৯ খ
ভীষ্ম উবাচ:
বেদব্রতী স্যাদ্বৃষভপ্রদাতা; বেদাবাপ্তির্গোয়ুগস্য প্রদানে |
২০ ক
ভীষ্ম উবাচ:
তথা গবাং বিধিমাসাদ্য যজ্বা; লোকানগ্র্যান্বিন্দতে নাবিধিজ্ঞঃ ||
২০ খ
ভীষ্ম উবাচ:
কামান্সর্বান্পার্থিবানেকসংস্থা; ন্যো বৈ দদ্যাৎকামদুঘাং চ ধেনুম্ |
২১ ক
ভীষ্ম উবাচ:
সম্যক্তাঃ স্যুর্হব্যকব্যৌঘবত্য; স্তাসামুক্ষ্ণাং জ্যায়সাং সম্প্রদানম্ ||
২১ খ
ভীষ্ম উবাচ:
ন চাশিষ্যায়াব্রতায়োপকুর্যা; ন্নাশ্রদ্দধানায় ন বক্রবুদ্ধয়ে |
২২ ক
ভীষ্ম উবাচ:
গুহ্যো হ্যযং সর্বলোকস্য ধর্মো; নেমং ধর্মং যত্র তত্র প্রজল্পেৎ ||
২২ খ
ভীষ্ম উবাচ:
সন্তি লোকে শ্রদ্দধানা মনুষ্যাঃ; সন্তি ক্ষুদ্রা রাক্ষসা মানুষেষু |
২৩ ক
ভীষ্ম উবাচ:
যেষাং দানং দীয়মানং হ্যনিষ্টং; নাস্তিক্যং চাপ্যাশ্রয়ন্তে হ্যপুণ্যাঃ ||
২৩ খ
ভীষ্ম উবাচ:
বার্হস্পত্যং বাক্যমেতন্নিশম্য; যে রাজানো গোপ্রদানানি কৃত্বা |
২৪ ক
ভীষ্ম উবাচ:
লোকান্প্রাপ্তাঃ পুণ্যশীলাঃ সুবৃত্তা; স্তান্মে রাজন্কীর্ত্যমানান্নিবোধ ||
২৪ খ
ভীষ্ম উবাচ:
উশীনরো বিষ্বগশ্বো নৃগশ্চ; ভগীরথো বিশ্রুতো যৌবনাশ্বঃ |
২৫ ক
ভীষ্ম উবাচ:
মান্ধাতা বৈ মুচুকুন্দশ্চ রাজা; ভূরিদ্যুম্নো নৈষধঃ সোমকশ্চ ||
২৫ খ
ভীষ্ম উবাচ:
পুরূরবা ভরতশ্চক্রবর্তী; যস্যান্বয়ে ভারতাঃ সর্ব এব |
২৬ ক
ভীষ্ম উবাচ:
তথা বীরো দাশরথিশ্চ রামো; যে চাপ্যন্যে বিশ্রুতাঃ কীর্তিমন্তঃ ||
২৬ খ
ভীষ্ম উবাচ:
তথা রাজা পৃথুকর্মা দিলীপো; দিবং প্রাপ্তো গোপ্রদানে বিধিজ্ঞঃ |
২৭ ক
ভীষ্ম উবাচ:
যজ্ঞৈর্দানৈস্তপসা রাজধর্মৈ; র্মান্ধাতাভূদ্গোপ্রদানৈশ্চ যুক্তঃ ||
২৭ খ
ভীষ্ম উবাচ:
তস্মাৎপার্থ ত্বমপীমাং ময়োক্তাং; বার্হস্পতীং ভারতীং ধারয়স্ব |
২৮ ক
ভীষ্ম উবাচ:
দ্বিজাগ্র্যেভ্যঃ সম্প্রয়চ্ছ প্রতীতো; গাঃ পুণ্যা বৈ প্রাপ্য রাজ্যং কুরূণাম্ ||
২৮ খ
বৈশম্পায়ন উবাচ:
তথা সর্বং কৃতবান্ধর্মরাজো; ভীষ্মেণোক্তো বিধিবদ্গোপ্রদানে |
২৯ ক
বৈশম্পায়ন উবাচ:
স মান্ধাতুর্দেবদেবোপদিষ্টং; সম্যগ্ধর্মং ধারয়ামাস রাজা ||
২৯ খ
বৈশম্পায়ন উবাচ:
ইতি নৃপ সততং গবাং প্রদানে; যবশকলান্সহ গোময়ৈঃ পিবানঃ |
৩০ ক
বৈশম্পায়ন উবাচ:
ক্ষিতিতলশয়নঃ শিখী যতাত্মা; বৃষ ইব রাজবৃষস্তদা বভূব ||
৩০ খ
বৈশম্পায়ন উবাচ:
স নৃপতিরভবৎসদৈব তাভ্যঃ; প্রয়তমনা হ্যভিসংস্তুবংশ্চ গা বৈ |
৩১ ক
বৈশম্পায়ন উবাচ:
নৃপধুরি চ ন গাময়ুঙ্ক্ত ভূয়; স্তুরগবরৈরগমচ্চ যত্র তত্র ||
৩১ খ