যয়াতিরু উবাচ:
অহং যয়াতির্নহুষস্য পুত্রঃ; পূরোঃ পিতা সর্বভূতাবমানাৎ |
১ ক
যয়াতিরু উবাচ:
প্রভ্রংশিতঃ সুরসিদ্ধর্ষিলোকা; ৎপরিচ্যুতঃ প্রপতাম্যল্পপুণ্যঃ ||
১ খ
যয়াতিরু উবাচ:
অহং হি পূর্বো বয়সা ভবদ্ভ্য; স্তেনাভিবাদং ভবতাং ন প্রয়ুঞ্জে |
২ ক
যয়াতিরু উবাচ:
যো বিদ্যযা তপসা জন্মনা বা; বৃদ্ধঃ স পূজ্যো ভবতি দ্বিজানাম্ ||
২ খ
অষ্টক উবাচ:
অবাদীশ্চেদ্বয়সা যঃ স বৃদ্ধ; ইতি রাজন্নাভ্যবদঃ কথঞ্চিৎ |
৩ ক
অষ্টক উবাচ:
যো বৈ বিদ্বান্বয়সা সন্স্ম বৃদ্ধঃ; স এব পূজ্যো ভবতি দ্বিজানাম্ ||
৩ খ
যয়াতিরু উবাচ:
প্রতিকূলং কর্মণাং পাপমাহু; স্তদ্বর্ততেঽপ্রবণে পাপলোক্যম্ |
৪ ক
যয়াতিরু উবাচ:
সন্তোঽসতাং নানুবর্তন্তি চৈত; দ্যথা আত্মৈষামনুকূলবাদী ||
৪ খ
যয়াতিরু উবাচ:
অভূদ্ধনং মে বিপুলং মহদ্বৈ; বিচেষ্টমানো নাধিগন্তা তদস্মি |
৫ ক
যয়াতিরু উবাচ:
এবং প্রধার্যাত্মহিতে নিবিষ্টো; যো বর্ততে স বিজানাতি জীবন্ ||
৫ খ
যয়াতিরু উবাচ:
নানাভাবা বহবো জীবলোকে; দৈবাধীনা নষ্টচেষ্টাধিকারাঃ |
৬ ক
যয়াতিরু উবাচ:
তত্তৎপ্রাপ্য ন বিহন্যেত ধীরো; দিষ্টং বলীয় ইতি মত্বাত্মবুদ্ধ্যা ||
৬ খ
যয়াতিরু উবাচ:
সুখং হি জন্তুর্যদি বাপি দুঃখং; দৈবাধীনং বিন্দতি নাত্মশক্ত্যা |
৭ ক
যয়াতিরু উবাচ:
তস্মাদ্দিষ্টং বলবন্মন্যমানো; ন সঞ্জ্বরেন্নাপি হৃষ্যেৎকদাচিৎ ||
৭ খ
যয়াতিরু উবাচ:
দুঃখে ন তপ্যেন্ন সুখেন হৃষ্যে; ৎসমেন বর্তেত সদৈব ধীরঃ |
৮ ক
যয়াতিরু উবাচ:
দিষ্টং বলীয় ইতি মন্যমানো; ন সঞ্জ্বরেন্নাপি হৃষ্যেৎকদাচিৎ ||
৮ খ
যয়াতিরু উবাচ:
ভয়ে ন মুহ্যাম্যষ্টকাহং কদা চি; ৎসন্তাপো মে মানসো নাস্তি কশ্চিৎ |
৯ ক
যয়াতিরু উবাচ:
ধাতা যথা মাং বিদধাতি লোকে; ধ্রুবং তথাহং ভবিতেতি মত্বা ||
৯ খ
যয়াতিরু উবাচ:
সংস্বেদজা অণ্ডজা উদ্ভিদাশ্চ; সরীসৃপাঃ কৃময়োঽথাপ্সু মৎস্যাঃ |
১০ ক
যয়াতিরু উবাচ:
তথাশ্মানস্তৃণকাষ্ঠং চ সর্বং; দিষ্টক্ষয়ে স্বাং প্রকৃতিং ভজন্তে ||
১০ খ
যয়াতিরু উবাচ:
অনিত্যতাং সুখদুঃখস্য বুদ্ধ্বা; কস্মাৎসন্তাপমষ্টকাহং ভজেয়ম্ |
১১ ক
যয়াতিরু উবাচ:
কিং কুর্যাং বৈ কিং চ কৃত্বা ন তপ্যে; তস্মাৎসন্তাপং বর্জয়াম্যপ্রমত্তঃ ||
১১ খ
অষ্টক উবাচ:
যে যে লোকাঃ পার্থিবেন্দ্র প্রধানা; স্ত্বয়া ভুক্তা যং চ কালং যথা চ |
১২ ক
অষ্টক উবাচ:
তন্মে রাজন্ব্রূহি সর্বং যথাব; ৎক্ষেত্রজ্ঞবদ্ভাষসে ত্বং হি ধর্মান্ ||
১২ খ
যয়াতিরু উবাচ:
রাজাহমাসমিহ সার্বভৌম; স্ততো লোকান্মহতো অজয়ং বৈ |
১৩ ক
যয়াতিরু উবাচ:
তত্রাবসং বর্ষসহস্রমাত্রং; ততো লোকং পরমস্ম্যভ্যুপেতঃ ||
১৩ খ
যয়াতিরু উবাচ:
ততঃ পুরীং পুরুহূতস্য রম্যাং; সহস্রদ্বারাং শতয়োজনায়তাম্ |
১৪ ক
যয়াতিরু উবাচ:
অধ্যাবসং বর্ষসহস্রমাত্রং; ততো লোকং পরমস্ম্যভ্যুপেতঃ ||
১৪ খ
যয়াতিরু উবাচ:
ততো দিব্যমজরং প্রাপ্য লোকং; প্রজাপতের্লোকপতের্দুরাপম্ |
১৫ ক
যয়াতিরু উবাচ:
তত্রাবসং বর্ষসহস্রমাত্রং; ততো লোকং পরমস্ম্যভ্যুপেতঃ ||
১৫ খ
যয়াতিরু উবাচ:
দেবস্য দেবস্য নিবেশনে চ; বিজিত্য লোকানবসং যথেষ্টম্ |
১৬ ক
যয়াতিরু উবাচ:
সম্পূজ্যমানস্ত্রিদশৈঃ সমস্তৈ; স্তুল্যপ্রভাবদ্যুতিরীশ্বরাণাম্ ||
১৬ খ
যয়াতিরু উবাচ:
তথাবসং নন্দনে কামরূপী; সংবৎসরাণাময়ুতং শতানাম্ |
১৭ ক
যয়াতিরু উবাচ:
সহাপ্সরোভির্বিহরন্পুণ্যগন্ধা; ন্পশ্যন্নগান্পুষ্পিতাংশ্চারুরূপান্ ||
১৭ খ
যয়াতিরু উবাচ:
তত্রস্থং মাং দেবসুখেষু সক্তং; কালেঽতীতে মহতি ততোঽতিমাত্রম্ |
১৮ ক
যয়াতিরু উবাচ:
দূতো দেবানামব্রবীদুগ্ররূপো; ধ্বংসেত্যুচ্চৈস্ত্রিঃ প্লুতেন স্বরেণ ||
১৮ খ
যয়াতিরু উবাচ:
এতাবন্মে বিদিতং রাজসিংহ; ততো ভ্রষ্টোঽহং নন্দনাৎক্ষীণপুণ্যঃ |
১৯ ক
যয়াতিরু উবাচ:
বাচোঽশ্রৌষং চান্তরিক্ষে সুরাণা; মনুক্রোশাচ্ছোচতাং মানবেন্দ্র ||
১৯ খ
যয়াতিরু উবাচ:
অহো কষ্টং ক্ষীণপুণ্যো যয়াতিঃ; পতত্যসৌ পুণ্যকৃৎপুণ্যকীর্তিঃ |
২০ ক
যয়াতিরু উবাচ:
তানব্রুবং পতমানস্ততোঽহং; সতাং মধ্যে নিপতেয়ং কথং নু ||
২০ খ
যয়াতিরু উবাচ:
তৈরাখ্যাতা ভবতাং যজ্ঞভূমিঃ; সমীক্ষ্য চৈনাং ত্বরিতমুপাগতোঽস্মি |
২১ ক
যয়াতিরু উবাচ:
হবির্গন্ধং দেশিকং যজ্ঞভূমে; র্ধূমাপাঙ্গং প্রতিগৃহ্য প্রতীতঃ ||
২১ খ