বসুমনা উবাচ:
পৃচ্ছামি ত্বাং বসুমনা রৌশদশ্বি; র্যদ্যস্তি লোকো দিবি মহ্যং নরেন্দ্র |
১ ক
বসুমনা উবাচ:
যদ্যন্তরিক্ষে প্রথিতো মহাত্ম; ন্ক্ষেত্রজ্ঞং ত্বাং তস্য ধর্মস্য মন্যে ||
১ খ
যয়াতিরু উবাচ:
যদন্তরিক্ষং পৃথিবী দিশশ্চ; যত্তেজসা তপতে ভানুমাংশ্চ |
২ ক
যয়াতিরু উবাচ:
লোকাস্তাবন্তো দিবি সংস্থিতা বৈ; তে নান্তবন্তঃ প্রতিপালয়ন্তি ||
২ খ
বসুমনা উবাচ:
তাংস্তে দদামি পত মা প্রপাতং; যে মে লোকাস্তব তে বৈ ভবন্তু |
৩ ক
বসুমনা উবাচ:
ক্রীণীষ্বৈনাংস্তৃণকেনাপি রাজ; ন্প্রতিগ্রহস্তে যদি সম্যক্প্রদুষ্টঃ ||
৩ খ
যয়াতিরু উবাচ:
ন মিথ্যাহং বিক্রয়ং বৈ স্মরামি; বৃথা গৃহীতং শিশুকাচ্ছঙ্কমানঃ |
৪ ক
যয়াতিরু উবাচ:
কুর্যাং ন চৈবাকৃতপূর্বমন্যৈ; র্বিবিৎসমানঃ কিমু তত্র সাধু ||
৪ খ
বসুমনা উবাচ:
তাংস্ত্বং লোকান্প্রতিপদ্যস্ব রাজ; ন্ময়া দত্তান্যদি নেষ্টঃ ক্রয়স্তে |
৫ ক
বসুমনা উবাচ:
অহং ন তান্বৈ প্রতিগন্তা নরেন্দ্র; সর্বে লোকাস্তব তে বৈ ভবন্তু ||
৫ খ
শিবিরু উবাচ:
পৃচ্ছামি ত্বাং শিবিরৌশীনরোঽহং; মমাপি লোকা যদি সন্তীহ তাত |
৬ ক
শিবিরু উবাচ:
যদ্যন্তরিক্ষে যদি বা দিবি শ্রিতাঃ; ক্ষেত্রজ্ঞং ত্বাং তস্য ধর্মস্য মন্যে ||
৬ খ
যয়াতিরু উবাচ:
ন ত্বং বাচা হৃদয়েনাপি বিদ্ব; ন্পরীপ্সমানান্নাবমংস্থা নরেন্দ্র |
৭ ক
যয়াতিরু উবাচ:
তেনানন্তা দিবি লোকাঃ শ্রিতাস্তে; বিদ্যুদ্রূপাঃ স্বনবন্তো মহান্তঃ ||
৭ খ
শিবিরু উবাচ:
তাংস্ত্বং লোকান্প্রতিপদ্যস্ব রাজ; ন্ময়া দত্তান্যদি নেষ্টঃ ক্রয়স্তে |
৮ ক
শিবিরু উবাচ:
ন চাহং তান্প্রতিপৎস্যেহ দত্ত্বা; যত্র গত্বা ত্বমুপাস্সে হ লোকান্ ||
৮ খ
যয়াতিরু উবাচ:
যথা ত্বমিন্দ্রপ্রতিমপ্রভাব; স্তে চাপ্যনন্তা নরদেব লোকাঃ |
৯ ক
যয়াতিরু উবাচ:
তথাদ্য লোকে ন রমেঽন্যদত্তে; তস্মাচ্ছিবে নাভিনন্দামি দায়ম্ ||
৯ খ
অষ্টক উবাচ:
ন চেদেকৈকশো রাজঁল্লোকান্নঃ প্রতিনন্দসি |
১০ ক
অষ্টক উবাচ:
সর্বে প্রদায় ভবতে গন্তারো নরকং বয়ম্ ||
১০ খ
যয়াতিরু উবাচ:
যদর্হায় দদধ্বং তৎসন্তঃ সত্যানৃশংস্যতঃ |
১১ ক
যয়াতিরু উবাচ:
অহং তু নাভিধৃষ্ণোমি যৎকৃতং ন ময়া পুরা ||
১১ খ
অষ্টক উবাচ:
কস্যৈতে প্রতিদৃশ্যন্তে রথাঃ পঞ্চ হিরণ্ময়াঃ |
১২ ক
অষ্টক উবাচ:
উচ্চৈঃ সন্তঃ প্রকাশন্তে জ্বলন্তোঽগ্নিশিখা ইব ||
১২ খ
যয়াতিরু উবাচ:
যুষ্মানেতে হি বক্ষ্যন্তি রথাঃ পঞ্চ হিরণ্ময়াঃ |
১৩ ক
যয়াতিরু উবাচ:
উচ্চৈঃ সন্তঃ প্রকাশন্তে জ্বলন্তোঽগ্নিশিখা ইব ||
১৩ খ
অষ্টক উবাচ:
আতিষ্ঠস্ব রথং রাজন্বিক্রমস্ব বিহায়সা |
১৪ ক
অষ্টক উবাচ:
বয়মপ্যনুয়াস্যামো যদা কালো ভবিষ্যতি ||
১৪ খ
যয়াতিরু উবাচ:
সর্বৈরিদানীং গন্তব্যং সহস্বর্গজিতো বয়ম্ |
১৫ ক
যয়াতিরু উবাচ:
এষ নো বিরজাঃ পন্থা দৃশ্যতে দেবসদ্মনঃ ||
১৫ খ
বৈশম্পায়ন উবাচ:
তেঽধিরুহ্য রথান্সর্বে প্রয়াতা নৃপসত্তমাঃ |
১৬ ক
বৈশম্পায়ন উবাচ:
আক্রমন্তো দিবং ভাভির্ধর্মেণাবৃত্য রোদসী ||
১৬ খ
অষ্টক উবাচ:
অহং মন্যে পূর্বমেকোঽস্মি গন্তা; সখা চেন্দ্রঃ সর্বথা মে মহাত্মা |
১৭ ক
অষ্টক উবাচ:
কস্মাদেবং শিবিরৌশীনরোঽয়; মেকোঽত্যগাৎসর্ববেগেন বাহান্ ||
১৭ খ
যয়াতিরু উবাচ:
অদদাদ্দেবয়ানায় যাবদ্বিত্তমবিন্দত |
১৮ ক
যয়াতিরু উবাচ:
উশীনরস্য পুত্রোঽয়ং তস্মাচ্ছ্রেষ্ঠো হি নঃ শিবিঃ ||
১৮ খ
যয়াতিরু উবাচ:
দানং তপঃ সত্যমথাপি ধর্মো; হ্রীঃ শ্রীঃ ক্ষমা সৌম্য তথা তিতিক্ষা |
১৯ ক
যয়াতিরু উবাচ:
রাজন্নেতান্যপ্রতিমস্য রাজ্ঞঃ; শিবেঃ স্থিতান্যনৃশংসস্য বুদ্ধ্যা |
১৯ খ
যয়াতিরু উবাচ:
এবংবৃত্তো হ্রীনিষেধশ্চ যস্মা; ত্তস্মাচ্ছিবিরত্যগাদ্বৈ রথেন ||
১৯ গ
বৈশম্পায়ন উবাচ:
অথাষ্টকঃ পুনরেবান্বপৃচ্ছ; ন্মাতামহং কৌতুকাদিন্দ্রকল্পম্ |
২০ ক
বৈশম্পায়ন উবাচ:
পৃচ্ছামি ত্বাং নৃপতে ব্রূহি সত্যং; কুতশ্চ কস্যাসি সুতশ্চ কস্য |
২০ খ
বৈশম্পায়ন উবাচ:
কৃতং ত্বয়া যদ্ধি ন তস্য কর্তা; লোকে ত্বদন্যঃ ক্ষত্রিয়ো ব্রাহ্মণো বা ||
২০ গ
যয়াতিরু উবাচ:
যয়াতিরস্মি নহুষস্য পুত্রঃ; পূরোঃ পিতা সার্বভৌমস্ত্বিহাসম্ |
২১ ক
যয়াতিরু উবাচ:
গুহ্যমর্থং মামকেভ্যো ব্রবীমি; মাতামহোঽহং ভবতাং প্রকাশঃ ||
২১ খ
যয়াতিরু উবাচ:
সর্বামিমাং পৃথিবীং নির্জিগায়; প্রস্থে বদ্ধ্বা হ্যদদং ব্রাহ্মণেভ্যঃ |
২২ ক
যয়াতিরু উবাচ:
মেধ্যানশ্বানেকশফান্সুরূপাং; স্তদা দেবাঃ পুণ্যভাজো ভবন্তি ||
২২ খ
যয়াতিরু উবাচ:
অদামহং পৃথিবীং ব্রাহ্মণেভ্যঃ; পূর্ণামিমামখিলাং বাহনস্য |
২৩ ক
যয়াতিরু উবাচ:
গোভিঃ সুবর্ণেন ধনৈশ্চ মুখ্যৈ; স্তত্রাসন্গাঃ শতমর্বুদানি ||
২৩ খ
যয়াতিরু উবাচ:
সত্যেন মে দ্যৌশ্চ বসুন্ধরা চ; তথৈবাগ্নির্জ্বলতে মানুষেষু |
২৪ ক
যয়াতিরু উবাচ:
ন মে বৃথা ব্যাহৃতমেব বাক্যং; সত্যং হি সন্তঃ প্রতিপূজয়ন্তি |
২৪ খ
যয়াতিরু উবাচ:
সর্বে চ দেবা মুনয়শ্চ লোকাঃ; সত্যেন পূজ্যা ইতি মে মনোগতম্ ||
২৪ গ
যয়াতিরু উবাচ:
যো নঃ স্বর্গজিতঃ সর্বান্যথাবৃত্তং নিবেদয়েৎ |
২৫ ক
যয়াতিরু উবাচ:
অনসূয়ুর্দ্বিজাগ্রেভ্যঃ স লভেন্নঃ সলোকতাম্ ||
২৫ খ
বৈশম্পায়ন উবাচ:
এবং রাজা স মহাত্মা হ্যতীব; স্বৈর্দৌহিত্রৈস্তারিতোঽমিত্রসাহঃ |
২৬ ক
বৈশম্পায়ন উবাচ:
ত্যক্ত্বা মহীং পরমোদারকর্মা; স্বর্গং গতঃ কর্মভির্ব্যাপ্য পৃথ্বীম্ ||
২৬ খ