ইন্দ্র উবাচ:
কচ্চিৎসুখং স্বপিষি ত্বং বৃহস্পতে; কচ্চিন্মনোজ্ঞাঃ পরিচারকাস্তে |
১ ক
ইন্দ্র উবাচ:
কচ্চিদ্দেবানাং সুখকামোঽসি বিপ্র; কচ্চিদ্দেবাস্ত্বাং পরিপালয়ন্তি ||
১ খ
বৃহস্পতিরু উবাচ:
সুখং শয়েঽহং শয়নে মহেন্দ্র; তথা মনোজ্ঞাঃ পরিচারকা মে |
২ ক
বৃহস্পতিরু উবাচ:
তথা দেবানাং সুখকামোঽস্মি শক্র; দেবাশ্চ মাং সুভৃশং পালয়ন্তি ||
২ খ
ইন্দ্র উবাচ:
কুতো দুঃখং মানসং দেহজং বা; পাণ্ডুর্বিবর্ণশ্চ কুতস্ত্বমদ্য |
৩ ক
ইন্দ্র উবাচ:
আচক্ষ্ব মে তদ্দ্বিজ যাবদেতা; ন্নিহন্মি সর্বাংস্তব দুঃখকর্তৄন্ ||
৩ খ
বৃহস্পতিরু উবাচ:
মরুত্তমাহুর্মঘবন্যক্ষ্যমাণং; মহায়জ্ঞেনোত্তমদক্ষিণেন |
৪ ক
বৃহস্পতিরু উবাচ:
তং সংবর্তো যাজয়িতেতি মে শ্রুতং; তদিচ্ছামি ন স তং যাজয়েত ||
৪ খ
ইন্দ্র উবাচ:
সর্বান্কামাননুজাতোঽসি বিপ্র; যস্ত্বং দেবানাং মন্ত্রয়সে পুরোধাঃ |
৫ ক
ইন্দ্র উবাচ:
উভৌ চ তে জন্মমৃত্যূ ব্যতীতৌ; কিং সংবর্তস্তব কর্তাদ্য বিপ্র ||
৫ খ
বৃহস্পতিরু উবাচ:
দেবৈঃ সহ ত্বমসুরান্সম্প্রণুদ্য; জিঘাংসসেঽদ্যাপ্যুত সানুবন্ধান্ |
৬ ক
বৃহস্পতিরু উবাচ:
যং যং সমৃদ্ধং পশ্যসি তত্র তত্র; দুঃখং সপত্নেষু সমৃদ্ধভাবঃ ||
৬ খ
বৃহস্পতিরু উবাচ:
অতোঽস্মি দেবেন্দ্র বিবর্ণরূপঃ; সপত্নো মে বর্ধতে তন্নিশম্য |
৭ ক
বৃহস্পতিরু উবাচ:
সর্বোপায়ৈর্মঘবন্সংনিয়চ্ছ; সংবর্তং বা পার্থিবং বা মরুত্তম্ ||
৭ খ
ইন্দ্র উবাচ:
এহি গচ্ছ প্রহিতো জাতবেদো; বৃহস্পতিং পরিদাতুং মরুত্তে |
৮ ক
ইন্দ্র উবাচ:
অয়ং বৈ ত্বা যাজয়িতা বৃহস্পতি; স্তথামরং চৈব করিষ্যতীতি ||
৮ খ
অগ্নিরু উবাচ:
অয়ং গচ্ছামি তব শক্রাদ্য দূতো; বৃহস্পতিং পরিদাতুং মরুত্তে |
৯ ক
অগ্নিরু উবাচ:
বাচং সত্যাং পুরুহূতস্য কর্তুং; বৃহস্পতেশ্চাপচিতিং চিকীর্ষুঃ ||
৯ খ
ব্যাস উবাচ:
ততঃ প্রায়াদ্ধূমকেতুর্মহাত্মা; বনস্পতীন্বীরুধশ্চাবমৃদ্নন্ |
১০ ক
ব্যাস উবাচ:
কামাদ্ধিমান্তে পরিবর্তমানঃ; কাষ্ঠাতিগো মাতরিশ্বেব নর্দন্ ||
১০ খ
মরুত্ত উবাচ:
আশ্চর্যমদ্য পশ্যামি রূপিণং বহ্নিমাগতম্ |
১১ ক
মরুত্ত উবাচ:
আসনং সলিলং পাদ্যং গাং চোপানয় বৈ মুনে ||
১১ খ
অগ্নিরু উবাচ:
আসনং সলিলং পাদ্যং প্রতিনন্দামি তেঽনঘ |
১২ ক
অগ্নিরু উবাচ:
ইন্দ্রেণ তু সমাদিষ্টং বিদ্ধি মাং দূতমাগতম্ ||
১২ খ
মরুত্ত উবাচ:
কচ্চিচ্ছ্রীমান্দেবরাজঃ সুখী চ; কচ্চিচ্চাস্মান্প্রীয়তে ধূমকেতো |
১৩ ক
মরুত্ত উবাচ:
কচ্চিদ্দেবাশ্চাস্য বশে যথাব; ত্তদ্ব্রূহি ত্বং মম কার্ত্স্ন্যেন দেব ||
১৩ খ
অগ্নিরু উবাচ:
শক্রো ভৃশং সুসুখী পার্থিবেন্দ্র; প্রীতিং চেচ্ছত্যজরাং বৈ ত্বয়া সঃ |
১৪ ক
অগ্নিরু উবাচ:
দেবাশ্চ সর্বে বশগাস্তস্য রাজ; ন্সন্দেশং ত্বং শৃণু মে দেবরাজ্ঞঃ ||
১৪ খ
অগ্নিরু উবাচ:
যদর্থং মাং প্রাহিণোত্ত্বৎসকাশং; বৃহস্পতিং পরিদাতুং মরুত্তে |
১৫ ক
অগ্নিরু উবাচ:
অয়ং গুরুর্যাজয়িতা নৃপ ত্বাং; মর্ত্যং সন্তমমরং ত্বাং করোতু ||
১৫ খ
মরুত্ত উবাচ:
সংবর্তোঽয়ং যাজয়িতা দ্বিজো মে; বৃহস্পতেরঞ্জলিরেষ তস্য |
১৬ ক
মরুত্ত উবাচ:
নাসৌ দেবং যাজয়িত্বা মহেন্দ্রং; মর্ত্যং সন্তং যাজয়ন্নদ্য শোভেৎ ||
১৬ খ
অগ্নিরু উবাচ:
যে বৈ লোকা দেবলোকে মহান্তঃ; সম্প্রাপ্স্যসে তান্দেবরাজপ্রসাদাৎ |
১৭ ক
অগ্নিরু উবাচ:
ত্বাং চেদসৌ যাজয়েদ্বৈ বৃহস্পতি; র্নূনং স্বর্গং ত্বং জয়েঃ কীর্তিয়ুক্তঃ ||
১৭ খ
অগ্নিরু উবাচ:
তথা লোকা মানুষা যে চ দিব্যাঃ; প্রজাপতেশ্চাপি যে বৈ মহান্তঃ |
১৮ ক
অগ্নিরু উবাচ:
তে তে জিতা দেবরাজ্যং চ কৃৎস্নং; বৃহস্পতিশ্চেদ্যাজয়েত্ত্বাং নরেন্দ্র ||
১৮ খ
সংবর্ত উবাচ:
মাস্মানেবং ত্বং পুনরাগাঃ কথং চি; দ্বৃহস্পতিং পরিদাতুং মরুত্তে |
১৯ ক
সংবর্ত উবাচ:
মা ত্বাং ধক্ষ্যে চক্ষুষা দারুণেন; সঙ্ক্রুদ্ধোঽহং পাবক তন্নিবোধ ||
১৯ খ
ব্যাস উবাচ:
ততো দেবানগমদ্ধূমকেতু; র্দাহাদ্ভীতো ব্যথিতোঽশ্বত্থপর্ণবৎ |
২০ ক
ব্যাস উবাচ:
তং বৈ দৃষ্ট্বা প্রাহ শক্রো মহাত্মা; বৃহস্পতেঃ সংনিধৌ হব্যবাহম্ ||
২০ খ
ব্যাস উবাচ:
যত্ত্বং গতঃ প্রহিতো জাতবেদো; বৃহস্পতিং পরিদাতুং মরুত্তে |
২১ ক
ব্যাস উবাচ:
তৎকিং প্রাহ স নৃপো যক্ষ্যমাণঃ; কচ্চিদ্বচঃ প্রতিগৃহ্ণাতি তচ্চ ||
২১ খ
অগ্নিরু উবাচ:
ন তে বাচং রোচয়তে মরুত্তো; বৃহস্পতেরঞ্জলিং প্রাহিণোৎসঃ |
২২ ক
অগ্নিরু উবাচ:
সংবর্তো মাং যাজয়িতেত্যভীক্ষ্ণং; পুনঃ পুনঃ স ময়া প্রোচ্যমানঃ ||
২২ খ
অগ্নিরু উবাচ:
উবাচেদং মানুষা যে চ দিব্যাঃ; প্রজাপতের্যে চ লোকা মহান্তঃ |
২৩ ক
অগ্নিরু উবাচ:
তাংশ্চেল্লভেয়ং সংবিদং তেন কৃত্বা; তথাপি নেচ্ছেয়মিতি প্রতীতঃ ||
২৩ খ
ইন্দ্র উবাচ:
পুনর্ভবান্পার্থিবং তং সমেত্য; বাক্যং মদীয়ং প্রাপয় স্বার্থয়ুক্তম্ |
২৪ ক
ইন্দ্র উবাচ:
পুনর্যদ্যুক্তো ন করিষ্যতে বচ; স্ততো বজ্রং সম্প্রহর্তাস্মি তস্মৈ ||
২৪ খ
অগ্নিরু উবাচ:
গন্ধর্বরাড্যাত্বয়ং তত্র দূতো; বিভেম্যহং বাসব তত্র গন্তুম্ |
২৫ ক
অগ্নিরু উবাচ:
সংরব্ধো মামব্রবীত্তীক্ষ্ণরোষঃ; সংবর্তো বাক্যং চরিতব্রহ্মচর্যঃ ||
২৫ খ
অগ্নিরু উবাচ:
যদ্যাগচ্ছেঃ পুনরেবং কথং চি; দ্বৃহস্পতিং পরিদাতুং মরুত্তে |
২৬ ক
অগ্নিরু উবাচ:
দহেয়ং ত্বাং চক্ষুষা দারুণেন; সঙ্ক্রুদ্ধ ইত্যেতদবৈহি শক্র ||
২৬ খ
ইন্দ্র উবাচ:
ত্বমেবান্যান্দহসে জাতবেদো; ন হি ত্বদন্যো বিদ্যতে ভস্মকর্তা |
২৭ ক
ইন্দ্র উবাচ:
ত্বৎসংস্পর্শাৎসর্বলোকো বিভে; ত্যশ্রদ্ধেয়ং বদসে হব্যবাহ ||
২৭ খ
অগ্নিরু উবাচ:
দিবং দেবেন্দ্র পৃথিবীং চৈব সর্বাং; সংবেষ্টয়েস্ত্বং স্ববলেনৈব শক্র |
২৮ ক
অগ্নিরু উবাচ:
এবংবিধস্যেহ সতস্তবাসৌ; কথং বৃত্রস্ত্রিদিবং প্রাগ্জহার ||
২৮ খ
ইন্দ্র উবাচ:
ন চণ্ডিকা জঙ্গমা নো করেণু; র্ন বারিসোমং প্রপিবামি বহ্নে |
২৯ ক
ইন্দ্র উবাচ:
ন দুর্বলে বৈ বিসৃজামি বজ্রং; কো মেঽসুখায় প্রহরেন্মনুষ্যঃ ||
২৯ খ
ইন্দ্র উবাচ:
প্রব্রাজয়েয়ং কালকেয়ান্পৃথিব্যা; মপাকর্ষং দানবানন্তরিক্ষাৎ |
৩০ ক
ইন্দ্র উবাচ:
দিবঃ প্রহ্রাদমবসানমানয়ং; কো মেঽসুখায় প্রহরেত মর্ত্যঃ ||
৩০ খ
অগ্নিরু উবাচ:
যত্র শর্যাতিং চ্যবনো যাজয়িষ্য; ন্সহাশ্বিভ্যাং সোমমগৃহ্ণদেকঃ |
৩১ ক
অগ্নিরু উবাচ:
তং ত্বং ক্রুদ্ধঃ প্রত্যষেধীঃ পুরস্তা; চ্ছর্যাতিয়জ্ঞং স্মর তং মহেন্দ্র ||
৩১ খ
অগ্নিরু উবাচ:
বজ্রং গৃহীত্বা চ পুরন্দর ত্বং; সম্প্রাহার্ষীশ্চ্যবনস্যাতিঘোরম্ |
৩২ ক
অগ্নিরু উবাচ:
স তে বিপ্রঃ সহ বজ্রেণ বাহু; মপাগৃহ্ণাত্তপসা জাতমন্যুঃ ||
৩২ খ
অগ্নিরু উবাচ:
ততো রোষাৎসর্বতো ঘোররূপং; সপত্নং তে জনয়ামাস ভূয়ঃ |
৩৩ ক
অগ্নিরু উবাচ:
মদং নামাসুরং বিশ্বরূপং; যং ত্বং দৃষ্ট্বা চক্ষুষী সংন্যমীলঃ ||
৩৩ খ
অগ্নিরু উবাচ:
হনুরেকা জগতীস্থা তথৈকা; দিবং গতা মহতো দানবস্য |
৩৪ ক
অগ্নিরু উবাচ:
সহস্রং দন্তানাং শতয়োজনানাং; সুতীক্ষ্ণানাং ঘোররূপং বভূব ||
৩৪ খ
অগ্নিরু উবাচ:
বৃত্তাঃ স্থূলা রজতস্তম্ভবর্ণা; দংষ্ট্রাশ্চতস্রো দ্বে শতে যোজনানাম্ |
৩৫ ক
অগ্নিরু উবাচ:
স ত্বাং দন্তান্বিদশন্নভ্যধাব; জ্জিঘাংসয়া শূলমুদ্যম্য ঘোরম্ ||
৩৫ খ
অগ্নিরু উবাচ:
অপশ্যস্ত্বং তং তদা ঘোররূপং; সর্বে ত্বন্যে দদৃশুর্দর্শনীয়ম্ |
৩৬ ক
অগ্নিরু উবাচ:
যস্মাদ্ভীতঃ প্রাঞ্জলিস্ত্বং মহর্ষি; মাগচ্ছেথাঃ শরণং দানবঘ্ন ||
৩৬ খ
অগ্নিরু উবাচ:
ক্ষত্রাদেবং ব্রহ্মবলং গরীয়ো; ন ব্রহ্মতঃ কিঞ্চিদন্যদ্গরীয়ঃ |
৩৭ ক
অগ্নিরু উবাচ:
সোঽহং জানন্ব্রহ্মতেজো যথাব; ন্ন সংবর্তং গন্তুমিচ্ছামি শক্র ||
৩৭ খ