ভীষ্ম উবাচ:
অত্রৈবোদাহরন্তীমমিতিহাসং পুরাতনম্ |
১ ক
ভীষ্ম উবাচ:
যদ্বৃত্তং তীর্থয়াত্রায়াং শপথং প্রতি তচ্ছৃণু ||
১ খ
ভীষ্ম উবাচ:
পুষ্করার্থং কৃতং স্তৈন্যং পুরা ভরতসত্তম |
২ ক
ভীষ্ম উবাচ:
রাজর্ষিভির্মহারাজ তথৈব চ দ্বিজর্ষিভিঃ ||
২ খ
ভীষ্ম উবাচ:
ঋষয়ঃ সমেতাঃ পশ্চিমে বৈ প্রভাসে; সমাগতা মন্ত্রমমন্ত্রয়ন্ত |
৩ ক
ভীষ্ম উবাচ:
চরাম সর্বে পৃথিবীং পুণ্যতীর্থাং; তন্নঃ কার্যং হন্ত গচ্ছাম সর্বে ||
৩ খ
ভীষ্ম উবাচ:
শুক্রোঽঙ্গিরাশ্চৈব কবিশ্চ বিদ্বাং; স্তথাগস্ত্যো নারদপর্বতৌ চ |
৪ ক
ভীষ্ম উবাচ:
ভৃগুর্বসিষ্ঠঃ কশ্যপো গৌতমশ্চ; বিশ্বামিত্রো জমদগ্নিশ্চ রাজন্ ||
৪ খ
ভীষ্ম উবাচ:
ঋষিস্তথা গালবোঽথাষ্টকশ্চ; ভরদ্বাজোঽরুন্ধতী বালখিল্যাঃ |
৫ ক
ভীষ্ম উবাচ:
শিবির্দিলীপো নহুষোঽম্বরীষো; রাজা যয়াতির্ধুন্ধুমারোঽথ পূরুঃ ||
৫ খ
ভীষ্ম উবাচ:
জগ্মুঃ পুরস্কৃত্য মহানুভাবং; শতক্রতুং বৃত্রহণং নরেন্দ্র |
৬ ক
ভীষ্ম উবাচ:
তীর্থানি সর্বাণি পরিক্রমন্তো; মাঘ্যাং যয়ুঃ কৌশিকীং পুণ্যতীর্থাম্ ||
৬ খ
ভীষ্ম উবাচ:
সর্বেষু তীর্থেষ্বথ ধূতপাপা; জগ্মুস্ততো ব্রহ্মসরঃ সুপুণ্যম্ |
৭ ক
ভীষ্ম উবাচ:
দেবস্য তীর্থে জলমগ্নিকল্পা; বিগাহ্য তে ভুক্তবিসপ্রসূনাঃ ||
৭ খ
ভীষ্ম উবাচ:
কেচিদ্বিসান্যখনংস্তত্র রাজ; ন্নন্যে মৃণালান্যখনংস্তত্র বিপ্রাঃ |
৮ ক
ভীষ্ম উবাচ:
অথাপশ্যন্পুষ্করং তে হ্রিয়ন্তং; হ্রদাদগস্ত্যেন সমুদ্ধৃতং বৈ ||
৮ খ
ভীষ্ম উবাচ:
তানাহ সর্বানৃষিমুখ্যানগস্ত্যঃ; কেনাদত্তং পুষ্করং মে সুজাতম্ |
৯ ক
ভীষ্ম উবাচ:
যুষ্মাঞ্শঙ্কে দীয়তাং পুষ্করং মে; ন বৈ ভবন্তো হর্তুমর্হন্তি পদ্মম্ ||
৯ খ
ভীষ্ম উবাচ:
শৃণোমি কালো হিংসতে ধর্মবীর্যং; সেয়ং প্রাপ্তা বর্ধতে ধর্মপীডা |
১০ ক
ভীষ্ম উবাচ:
পুরাধর্মো বর্ধতে নেহ যাব; ত্তাবদ্গচ্ছামি পরলোকং চিরায় ||
১০ খ
ভীষ্ম উবাচ:
পুরা বেদান্ব্রাহ্মণা গ্রামমধ্যে; ঘুষ্টস্বরা বৃষলাঞ্শ্রাবয়ন্তি |
১১ ক
ভীষ্ম উবাচ:
পুরা রাজা ব্যবহারানধর্ম্যা; ন্পশ্যত্যহং পরলোকং ব্রজামি ||
১১ খ
ভীষ্ম উবাচ:
পুরাবরান্প্রত্যবরান্গরীয়সো; যাবন্নরা নাবমংস্যন্তি সর্বে |
১২ ক
ভীষ্ম উবাচ:
তমোত্তরং যাবদিদং ন বর্ততে; তাবদ্ব্রজামি পরলোকং চিরায় ||
১২ খ
ভীষ্ম উবাচ:
পুরা প্রপশ্যামি পরেণ মর্ত্যা; ন্বলীয়সা দুর্বলান্ভুজ্যমানান্ |
১৩ ক
ভীষ্ম উবাচ:
তস্মাদ্যাস্যামি পরলোকং চিরায়; ন হ্যুৎসহে দ্রষ্টুমীদৃঙ্নৃলোকে ||
১৩ খ
ভীষ্ম উবাচ:
তমাহুরার্তা ঋষয়ো মহর্ষিং; ন তে বয়ং পুষ্করং চোরয়ামঃ |
১৪ ক
ভীষ্ম উবাচ:
মিথ্যাভিষঙ্গো ভবতা ন কার্যঃ; শপাম তীক্ষ্ণাঞ্শপথান্মহর্ষে ||
১৪ খ
ভীষ্ম উবাচ:
তে নিশ্চিতাস্তত্র মহর্ষয়স্তু; সংমন্যন্তো ধর্মমেবং নরেন্দ্র |
১৫ ক
ভীষ্ম উবাচ:
ততোঽশপঞ্শপথান্পর্যযেণ; সহৈব তে পার্থিব পুত্রপৌত্রৈঃ ||
১৫ খ
ভৃগুরু উবাচ:
প্রত্যাক্রোশেদিহাক্রুষ্টস্তাডিতঃ প্রতিতাডয়েৎ |
১৬ ক
ভৃগুরু উবাচ:
খাদেচ্চ পৃষ্ঠমাংসানি যস্তে হরতি পুষ্করম্ ||
১৬ খ
বসিষ্ঠ উবাচ:
অস্বাধ্যায়পরো লোকে শ্বানং চ পরিকর্ষতু |
১৭ ক
বসিষ্ঠ উবাচ:
পুরে চ ভিক্ষুর্ভবতু যস্তে হরতি পুষ্করম্ ||
১৭ খ
কশ্যপ উবাচ:
সর্বত্র সর্বং পণতু ন্যাসে লোভং করোতু চ |
১৮ ক
কশ্যপ উবাচ:
কূটসাক্ষিত্বমভ্যেতু যস্তে হরতি পুষ্করম্ ||
১৮ খ
গৌতম উবাচ:
জীবত্বহঙ্কৃতো বুদ্ধ্যা বিপণত্বধমেন সঃ |
১৯ ক
গৌতম উবাচ:
কর্ষকো মৎসরী চাস্তু যস্তে হরতি পুষ্করম্ ||
১৯ খ
অঙ্গিরা উবাচ:
অশুচির্ব্রহ্মকূটোঽস্তু শ্বানং চ পরিকর্ষতু |
২০ ক
অঙ্গিরা উবাচ:
ব্রহ্মহানিকৃতিশ্চাস্তু যস্তে হরতি পুষ্করম্ ||
২০ খ
ধুন্ধুমার উবাচ:
অকৃতজ্ঞোঽস্তু মিত্রাণাং শূদ্রায়াং তু প্রজায়তু |
২১ ক
ধুন্ধুমার উবাচ:
একঃ সম্পন্নমশ্নাতু যস্তে হরতি পুষ্করম্ ||
২১ খ
পূরুরু উবাচ:
চিকিৎসায়াং প্রচরতু ভার্যযা চৈব পুষ্যতু |
২২ ক
পূরুরু উবাচ:
শ্বশুরাত্তস্য বৃত্তিঃ স্যাদ্যস্তে হরতি পুষ্করম্ ||
২২ খ
দিলীপ উবাচ:
উদপানপ্লবে গ্রামে ব্রাহ্মণো বৃষলীপতিঃ |
২৩ ক
দিলীপ উবাচ:
তস্য লোকান্স ব্রজতু যস্তে হরতি পুষ্করম্ ||
২৩ খ
শুক্র উবাচ:
পৃষ্ঠমাংসং সমশ্নাতু দিবা গচ্ছতু মৈথুনম্ |
২৪ ক
শুক্র উবাচ:
প্রেষ্যো ভবতু রাজ্ঞশ্চ যস্তে হরতি পুষ্করম্ ||
২৪ খ
জমদগ্নিরু উবাচ:
অনধ্যায়েষ্বধীয়ীত মিত্রং শ্রাদ্ধে চ ভোজয়েৎ |
২৫ ক
জমদগ্নিরু উবাচ:
শ্রাদ্ধে শূদ্রস্য চাশ্নীয়াদ্যস্তে হরতি পুষ্করম্ ||
২৫ খ
শিবিরু উবাচ:
অনাহিতাগ্নির্ম্রিয়তাং যজ্ঞে বিঘ্নং করোতু চ |
২৬ ক
শিবিরু উবাচ:
তপস্বিভির্বিরুধ্যেত যস্তে হরতি পুষ্করম্ ||
২৬ খ
যয়াতিরু উবাচ:
অনৃতৌ জটী ব্রতিন্যাং বৈ ভার্যায়াং সম্প্রজায়তু |
২৭ ক
যয়াতিরু উবাচ:
নিরাকরোতু বেদাংশ্চ যস্তে হরতি পুষ্করম্ ||
২৭ খ
নহুষ উবাচ:
অতিথিং গৃহস্থো নুদতু কামবৃত্তোঽস্তু দীক্ষিতঃ |
২৮ ক
নহুষ উবাচ:
বিদ্যাং প্রয়চ্ছতু ভৃতো যস্তে হরতি পুষ্করম্ ||
২৮ খ
অম্বরীষ উবাচ:
নৃশংসস্ত্যক্তধর্মোঽস্তু স্ত্রীষু জ্ঞাতিষু গোষু চ |
২৯ ক
অম্বরীষ উবাচ:
ব্রাহ্মণং চাপি জহতু যস্তে হরতি পুষ্করম্ ||
২৯ খ
নারদ উবাচ:
গূঢোঽজ্ঞানী বহিঃ শাস্ত্রং পঠতাং বিস্বরং পদম্ |
৩০ ক
নারদ উবাচ:
গরীয়সোঽবজানাতু যস্তে হরতি পুষ্করম্ ||
৩০ খ
নাভাগ উবাচ:
অনৃতং ভাষতু সদা সদ্ভিশ্চৈব বিরুধ্যতু |
৩১ ক
নাভাগ উবাচ:
শুল্কেন কন্যাং দদতু যস্তে হরতি পুষ্করম্ ||
৩১ খ
কবিরু উবাচ:
পদা স গাং তাডয়তু সূর্যং চ প্রতি মেহতু |
৩২ ক
কবিরু উবাচ:
শরণাগতং চ ত্যজতু যস্তে হরতি পুষ্করম্ ||
৩২ খ
বিশ্বামিত্র উবাচ:
করোতু ভৃতকোঽবর্ষাং রাজ্ঞশ্চাস্তু পুরোহিতঃ |
৩৩ ক
বিশ্বামিত্র উবাচ:
ঋত্বিগস্তু হ্যযাজ্যস্য যস্তে হরতি পুষ্করম্ ||
৩৩ খ
পর্বত উবাচ:
গ্রামে চাধিকৃতঃ সোঽস্তু খরয়ানেন গচ্ছতু |
৩৪ ক
পর্বত উবাচ:
শুনঃ কর্ষতু বৃত্ত্যর্থে যস্তে হরতি পুষ্করম্ ||
৩৪ খ
ভরদ্বাজ উবাচ:
সর্বপাপসমাদানং নৃশংসে চানৃতে চ যৎ |
৩৫ ক
ভরদ্বাজ উবাচ:
তত্তস্যাস্তু সদা পাপং যস্তে হরতি পুষ্করম্ ||
৩৫ খ
অষ্টক উবাচ:
স রাজাস্ত্বকৃতপ্রজ্ঞঃ কামবৃত্তিশ্চ পাপকৃৎ |
৩৬ ক
অষ্টক উবাচ:
অধর্মেণানুশাস্তূর্বীং যস্তে হরতি পুষ্করম্ ||
৩৬ খ
গালব উবাচ:
পাপিষ্ঠেভ্যস্ত্বনর্ঘার্হঃ স নরোঽস্তু স্বপাপকৃৎ |
৩৭ ক
গালব উবাচ:
দত্ত্বা দানং কীর্তয়তু যস্তে হরতি পুষ্করম্ ||
৩৭ খ
অরুন্ধত্যু উবাচ:
শ্বশ্র্বাপবাদং বদতু ভর্তুর্ভবতু দুর্মনাঃ |
৩৮ ক
অরুন্ধত্যু উবাচ:
একা স্বাদু সমশ্নাতু যা তে হরতি পুষ্করম্ ||
৩৮ খ
বালখিল্যা ঊচুঃ:
একপাদেন বৃত্ত্যর্থং গ্রামদ্বারে স তিষ্ঠতু |
৩৯ ক
বালখিল্যা ঊচুঃ:
ধর্মজ্ঞস্ত্যক্তধর্মোঽস্তু যস্তে হরতি পুষ্করম্ ||
৩৯ খ
পশুসখ উবাচ:
অগ্নিহোত্রমনাদৃত্য সুখং স্বপতু স দ্বিজঃ |
৪০ ক
পশুসখ উবাচ:
পরিব্রাট্কামবৃত্তোঽস্তু যস্তে হরতি পুষ্করম্ ||
৪০ খ
সুরভ্যু উবাচ:
বাল্বজেন নিদানেন কাংস্যং ভবতু দোহনম্ |
৪১ ক
সুরভ্যু উবাচ:
দুহ্যেত পরবৎসেন যা তে হরতি পুষ্করম্ ||
৪১ খ
ভীষ্ম উবাচ:
ততস্তু তৈঃ শপথৈঃ শপ্যমানৈ; র্নানাবিধৈর্বহুভিঃ কৌরবেন্দ্র |
৪২ ক
ভীষ্ম উবাচ:
সহস্রাক্ষো দেবরাট্সম্প্রহৃষ্টঃ; সমীক্ষ্য তং কোপনং বিপ্রমুখ্যম্ ||
৪২ খ
ভীষ্ম উবাচ:
অথাব্রবীন্মঘবা প্রত্যযং স্বং; সমাভাষ্য তমৃষিং জাতরোষম্ |
৪৩ ক
ভীষ্ম উবাচ:
ব্রহ্মর্ষিদেবর্ষিনৃপর্ষিমধ্যে; যত্তন্নিবোধেহ মমাদ্য রাজন্ ||
৪৩ খ
শক্র উবাচ:
অধ্বর্যবে দুহিতরং দদাতু; চ্ছন্দোগে বা চরিতব্রহ্মচর্যে |
৪৪ ক
শক্র উবাচ:
আথর্বণং বেদমধীত্য বিপ্রঃ; স্নায়ীত যঃ পুষ্করমাদদাতি ||
৪৪ খ
শক্র উবাচ:
সর্বান্বেদানধীয়ীত পুণ্যশীলোঽস্তু ধার্মিকঃ |
৪৫ ক
শক্র উবাচ:
ব্রহ্মণঃ সদনং যাতু যস্তে হরতি পুষ্করম্ ||
৪৫ খ
অগস্ত্য উবাচ:
আশীর্বাদস্ত্বয়া প্রোক্তঃ শপথো বলসূদন |
৪৬ ক
অগস্ত্য উবাচ:
দীয়তাং পুষ্করং মহ্যমেষ ধর্মঃ সনাতনঃ ||
৪৬ খ
ইন্দ্র উবাচ:
ন ময়া ভগবঁল্লোভাদ্ধৃতং পুষ্করমদ্য বৈ |
৪৭ ক
ইন্দ্র উবাচ:
ধর্মং তু শ্রোতুকামেন হৃতং ন ক্রোদ্ধুমর্হসি ||
৪৭ খ
ইন্দ্র উবাচ:
ধর্মঃ শ্রুতিসমুৎকর্ষো ধর্মসেতুরনাময়ঃ |
৪৮ ক
ইন্দ্র উবাচ:
আর্ষো বৈ শাশ্বতো নিত্যমব্যযোঽয়ং ময়া শ্রুতঃ ||
৪৮ খ
ইন্দ্র উবাচ:
তদিদং গৃহ্যতাং বিদ্বন্পুষ্করং মুনিসত্তম |
৪৯ ক
ইন্দ্র উবাচ:
অতিক্রমং মে ভগবন্ক্ষন্তুমর্হস্যনিন্দিত ||
৪৯ খ
ইন্দ্র উবাচ:
ইত্যুক্তঃ স মহেন্দ্রেণ তপস্বী কোপনো ভৃশম্ |
৫০ ক
ইন্দ্র উবাচ:
জগ্রাহ পুষ্করং ধীমান্প্রসন্নশ্চাভবন্মুনিঃ ||
৫০ খ